5 Irooma tsinaniiti kaari sawoinatachani amanamanaayita, okinkithatakaantayitzi, owinkatharyaantaki. Okimitakowaitakawo tsinanipaini amiitzirori oishi.
Ari osaiki iijatzi tsinani iitachari Ana, kamantantaniro inatzi iroori, irishinto Fanuel icharinitanakari Aser. Antawokipirotaki iroori. Aitsiwitaka oimi owakiraa omainawotapaaki, 7 osarintsi otsipawitakari oimi.
Ikantzi Pawa: Tzimatsi awisatsini iwiyaantapaatyaawoni kitiijyiri. Ari notyaantakiniri atziriiti Notasorinka okimiwaitakawo isakopiroitatyiinirimi. Ari inkinkithatakoyitanaina itomiiti iijatzi irishintoiti. Ari jiñaawiyayitatya mainariiti, Ari imishiyitaki antariyitapaintsiri.
Tzimatsi Felipe 4 mainawo irishinto, kamantantaniro inayitatzi.
Okaatzi amitapiintakari ashiramparitzi, tii asawoinayita amanamanaatya, aririka ankinkithatakaanti. Aririkami asawoinatzimotanti, owinkatharyaakiro aito.
Tsinani kaari kowatsini osawoinatya, amiipirotataitirotya oishi. Tima maawoni jiyoitzi kaaniwintaantsi inatzi, ontzimatyii osawoinatya.
Mairi okantapiintaiya tsinaniiti, tii oshinitaantsitzi oñaawaiyiti. Aña iro kamiithatatsi onkimisantayiti, tima iro Ikantakaantaitani.
