San Mateo 9:8 - Manityanati Tupax

⁸ Naukiche astaimia axɨna sane, namanaiña bixhubuma auki Machampienkanama ɨmoti Tupax ityopiki toxio uiti axɨna sane ɨriakabo mañoñɨnka.

Manitanati Tuparrü

⁸ Arrübama macrirrtianuca aboma acamanu arrtaimia arrüna sane, cütobüsoma. Iñanaunumati Tuparrü itopiqui torrio uiti arrüna sane nüriacarrü ümo mañoñünca icu cürrü.

San Mateo 9:8 교차 참조

San Mateo 12:23

Namanaiña kɨtobɨsoma ñankitioma pɨnanakimiantoe: “¿Ensapɨ tyonenti Aɨtoxti David axti naki ñoñɨnx?”

San Mateo 15:31

Sane namanaiña kɨtobɨsoma nuxia ui axɨna astaimia axɨbama chɨmanityanapɨma manityanama tato, axɨbama tɨsɨro nipiaxɨma takanaityo ni'ixhimia uxiankama tato, axɨbama chuxiampɨ namensɨma amenkoma tato, axɨbama supusuma asaramatɨ tato. Aukimanu namanaiña machampienkanama ɨmoti Tupax auki Israel.

San Mateo 28:18

Sɨrotitɨ Jesús esama, nanti ɨmoma: –Axti Tupax ane nisɨriaka uiti au napes ikunaintyo axɨna kɨx.

San Mateo 5:16

Saneityo axaño, apisamuse axɨna uxia nauki axɨna basarux ane aukɨtɨpɨ anentax uixh sukarɨ makiataka, nauki, ui axɨna astaimia uxia apisamute, namanaiña omixhia nuraxɨma kɨtɨpɨti Yaɨtoxɨma naki anati au napes.

San Mateo 9:7

Axti maniki chɨpokorotipɨ atɨraiti sɨrotitɨ tato au nipoxti.

San Marcos 2:12

Auki kaɨma isiukai atɨraiti maniki maunxokono, asuriuti nikɨruxti sɨrotitɨ aukimanu, sukarɨ namanaiña. Sane naukiche, namanaiña kɨtobɨsoma auki omixhia nuraxɨma kɨtɨpɨti Tupax, namatɨ: –Champɨ tubastai takana axɨna sane.

San Marcos 7:37

Taruku nikɨtobɨxɨma, namatɨ: “Nanaiña axɨba isamutenti omixhia. ¡Onaunxɨma tato uiti axɨbama chonaumpɨma takana axɨbamaintyo chɨmanityanapɨma!”

San Lucas 13:13

Auki iñatati ne'exti onɨ, isiukai axɨmanu paɨx besɨro tato nichakux auki omixhia nurax kɨtɨpɨti Tupax.

San Lucas 17:15

Tamanti axɨpekukimia, naukiche astaiti uxiankati tato, basɨkɨbɨkoti tato omixha nuraxti kɨtɨpɨti Tupax rabotɨ nuxia nityosibixhti,

San Lucas 17:18

¿Kunauntañatiatai naki auki kiatax kɨx basɨkɨbɨkoti tato nauki achampienkati ɨmoti Tupax?

San Lucas 18:43

Isiukai axti maniki supusu asaratitɨ tato, auki sɨrotitɨ isiuti Jesús omixhia nuraxti kɨtɨpɨti Tupax. Namanaiñaintyo axɨmanuma astaimia, omixhaintyo nuraxɨma kɨtɨpɨti Tupax.

San Lucas 2:20

Axɨmanuma asaramatɨ yutaku nobixhaka, auki noñemaxɨma, basɨkɨbɨkoma tato aɨbu ñasonikixhimia kɨtɨpɨti Tupax yarusɨrɨxtyo nɨrixhti uimia yotopiki nanaiña axɨmanio astaimia axɨnaintyo onkoimia, ñemanauntu nanaiña omixhante takana naukiche atusi ɨmoma.

San Lucas 23:47

Naukiche axti maniki ɨriatu masortaboka romano astaiti axɨna sane, machampienkanati ɨmoti Tupax, nanti: –Ñemanauntu, axti naki ñoñɨnx champɨ nipɨnatenti.

San Lucas 7:16

Ui axɨna sane astaimia, namanaiña bixhubuma auki yarusɨrɨx nɨrixhti Tupax uimia, namatɨ sane: –Tamanti yarusɨrɨx profeta iñataiti auna uyaxɨpeku. Namatityo: –Axti Tupax iñataiti asaratitɨ tyakuma axɨbama aɨtoxti.

San Juan 15:8

Ui axɨna sane tusiankana niyarusɨrɨkɨxti Iyaɨ, axtɨ apisamute aruki nanaiña axɨba omixhia, ui axɨna sane ñemanaunkuxatoe ta amonkaño isiuñɨ.

Hechos 11:18

Naukiche axɨmanuma ikokoromati Jesús auki Jerusalén onkoimia axɨna sane, etayoimia auki yarusɨrɨx nɨrixhti Tupax uimia, namatɨ sane: –¡Saneityo axti Tupax toxio uiti ɨmo axɨbama chɨtɨpɨ judíos, nauki ayematɨ tato esati nauki aye uimia axɨna champɨ nityakɨru nisɨborikixhimia!

Hechos 21:20

Naukiche tonkoimia nuraxti, yarusɨrɨx nɨrixhti Tupax uimia. Auki namatɨ ɨmoti Pablo: –Tusio aemo saruki, aboma sɨrɨmanama axɨbama judíos ikokoromati Jesús, namanaiña axɨma namatɨ, uxia axtɨ uikokota axɨmanu bakɨpukux uiti Moisés.

Hechos 4:21

Axɨmanuma mayɨriabuka axone nuxia ñapixhumukuxɨma ɨmoma, auki emekanama uimia. Champɨ tabɨko uimia tyakuche aityakisɨnɨmakanama ityopiki namanaiña uxia nuraxɨma kɨtɨpɨti Tupax ui axɨmanu astaimia.

2 Corintios 9:13

Axɨmaintyo yarusɨrɨx nɨrixhti Tupax uimia, tyopiki axɨna napakumanata uixh atusi ta axaño apikokota axɨba omixhia manityakax taruku niyukuax aume tyone nuraxti Cristo. Axɨmaintyo manaunuma ɨmoti Tupax tyopiki apityoximiata napakumanata aɨbu naupukɨru tyakuma takanaintyo tyaku namanaiña.

Gálatas 1:24

Auki machampienkanama ɨmoti Tupax ichopikiñɨ.

1 Pedro 2:12

Taikiana uxia nausɨboriki axtɨ abaka axɨpekuma axɨbama chikokoropɨmati Tupax. Sane axtɨ kaɨma chuxiampɨ nuraxɨma aume, takana axɨbama chuxiampɨ nisɨborikixhimia, astaimia ñana axɨna uxia apisamute auki machampienkanama ɨmoti Tupax uimia au axɨmanu tyakɨrux nanenes ñana.