San Mateo 9:26 - Manityanati Tupax

²⁶ Au nanaiña axɨmanio poka tusiu ɨmoma axɨna uxiante sane.

Manitanati Tuparrü

²⁶ Contoatai tusio au nanaiña manu cürrü arrüna nisamutenti Jesús.

San Mateo 9:26 교차 참조

San Mateo 4:24

Ipiatemaintyo nɨrixhti Jesús au nanaiña axɨmanu kɨx Siria, kuamatɨ uimia esati namanaiña axɨbama taruku nityakisɨrɨkɨxɨma oboi axɨba chɨtamampatai noxokoka, axɨbamaintyo aboma machoboreka kɨtɨpɨma, axɨbama konsaboma axɨbamaintyo chɨpokoropɨma. Uxiankama tato uiti Jesús.

San Mateo 9:31

Tapɨ axɨma, aɨbapae aɨromatɨ tyɨrɨpo, urapoimia au nanaiña axɨna isamutenti Jesús ɨmoma.

San Marcos 1:28

Tusinaunku axɨna isamutenti Jesús au nanaiña Galilea.

San Marcos 1:45

Tapɨti maniki ñoñɨnx auki niyɨkɨxti tato urapoiti sukarɨ namanaiña axɨna sane uxiante. Sane naukiche chityusiankanatiyɨpɨ nuxia Jesús ubau axɨmanio tube, ta sɨsioti tanu icheatai, axɨna kauta kɨcheka. Ta auki nanaiñantai iñataimia asaramati.

San Marcos 6:14

Axti yɨriabux Herodes ipiatenti nɨrixhti Jesús, naki tɨtusiu nɨrixhti au nanaiña. Aboma axɨbama namatɨ: “Axti Kuan Bautixhta sɨborikoti tato, uixh axɨna ane nɨriakaxti aisamunenti axɨba champɨ tubastai.”

San Lucas 4:14

Auki basɨkɨbɨkoti tato Jesús au Galilea aɨbuti Espíritu Santo kɨtɨpɨti, manityanama kɨtɨpɨti au nanaiña axɨmanu kɨx saimiantai.

San Lucas 4:37

Manityanama kɨtɨpɨti Jesús au nanaiña axɨmanio poka.

San Lucas 5:15

Axɨna ipiatema kɨtɨpɨti Jesús chɨtochenkopɨ niyɨkɨx au nanaiña, sɨrɨmanama iyoberabaramakɨ nauki onsaperioma nuraxti nauki bakurarati ɨmoma axɨbama maunxokonoma.

San Lucas 7:17

Au nanaiña Judea au nanaiñaintyo ityupeku ipiatema axɨna isamutenti Jesús.

Hechos 26:26

Akamanu nakaxti yɨriabux Agripa, axti tusiu nuxia ɨmoti nanaiña, sane naukiche uxia nixhakionko xhanitya sukarɨti. Tyopiki tusiu iñemo, axtityo tusiu ɨmoti nanaiña axɨna sukanañɨ, ityopiki nanaiña axɨna sane chomixhantempɨ umanekanatai au taman tyoripiakɨx.