San Mateo 8:32 - Manityanati Tupax

³² Nanti Jesús ɨmoma: –Amekosi. Axɨmanuma machoboreka ikiaɨburumakɨ kɨtɨpɨki axɨmanuma mañoñɨnka sɨromatɨ yokɨtɨpɨ nupaucheka. Isiukai nanaiña axɨmanio nupaucheka opipiakɨnaño kɨmama opiñatai au narubaityu tux opiñemekanaño eana, akamanu mokoiño.

Manitanati Tuparrü

³² Auqui iñumutati Jesús: —Bueno, ¡amecosi ubahu! Auqui arrümanuma machoboreca süroma ubau manio nupaucheca. Ui arrüna sane rrepenteatai locorriantai. Opiñemecanaño abeuqui manu taman nisacürrü. Bupaquio au turrü y ububacara cütu. Auqui mocoiño.

San Mateo 8:32 교차 참조

San Mateo 8:31

axɨmanuma machoboreka namatɨ ɨmoti Jesús asamuti nuxia: –Axtɨ aipeneka somɨ, chebo obi someno yokɨtɨpɨ axɨmanio nupaucheka.

San Mateo 8:33

Axɨmanuma asaramatɨ yutaku axɨmanio nupaucheka besɨburuma, naukiche iñataimia au tube urapoimia nanaiña axɨna astaimia, nanaiñaintyo axɨna astaimia uxiante aɨbu axɨmanuma amonkoma machoboreka kɨtɨpɨma.

San Marcos 5:13

Toxio uiti Jesús ɨmoma, auki axɨmanu ikiaɨburumakɨ machoboreka kɨtɨpɨkiti maniki ñoñɨnx sɨroma yokɨtɨpɨ nupaucheka. Axɨmanio nupaucheka, saimia dos mil nububikixh, auki axɨmanu opipiakɨnaño kɨmama bupakio au tux, akamanu mokoiño.

San Lucas 8:33

Aukimanu ikiaɨburumakɨ machoboreka kɨtɨpɨkiti maniki ñoñɨnx sɨroma yokɨtɨpɨ nupaucheka, aukimanu opipiakɨnaño kɨmama opiñatai au tux, akamanu mokoiño.

Hechos 2:23

Axti maniki ñoñɨnx, sane takana ñakionkoxti Tupax, toxioti ɨmo axɨbama chuxiampɨ uimia ɨmoti, aboi apityabairoti, apakɨpuka ɨmoma axɨbama chuxiampɨ nisɨborikixhimia aityakubaxiromati kɨtɨpɨ kurusɨx.

Hechos 4:28

Tapɨ axɨma amonkomantai isamutema axɨna aukiapae maɨbo, axianka nauki uxiane.

Apocalipsis 20:7

Axtɨ tomenotɨ axɨmanio mil naskɨbeka, emekanati tato chobores,