San Mateo 6:30 - Manityanati Tupax

³⁰ Ta sane axtɨ aibio uiti Tupax naxchopɨro, axɨna kaɨma ane eana nɨunx tapɨ tyubaka omo ui pes, ¡axaño taruku ñana nikoñokokox nabaibi uiti ñopɨnanaki, tapɨ axaño champɨ napakokonaunku!

Manitanati Tuparrü

³⁰ Arrti Tuparrü bacheboti iyusubu püsioca eana rroense. Abu arrtü bosübo botüsüro nauqui amoho. Arraño te manrrü asaratitü Tuparrü autacu. ¿Sane nauquiche, causane chamoncapütü ümoti?

San Mateo 6:30 교차 참조

San Mateo 14:31

Isiukai, iñentati Jesús ne'esti nanti ɨmoti: –¡Chimiampae axɨna nakokonaunku! ¿Kausane kiatax nakionkoko?

San Mateo 16:8

Tɨtusiatai ɨmoti Jesús, nanti ɨmoma: –¿Kausane amukanaño champɨ pan aboi? ¡Chimiantai napakokonaunku axaño!

San Mateo 17:17

Aiñumuti Jesús: –¡Axaño champɨ napakokonaunku taikiana apisamute nomɨnantɨ! ¿Auchepɨpae ñana iñokonaño auchepɨ tyakɨrux nichakisɨrɨkɨ aboi? Ausiapata tauna aɨbuti maniki ñaɨma.

San Mateo 8:26

Aiñumuti nuraxɨma: –¿Kausane tarukapae naupixhuku? ¡Apekiatai axɨna napakokonaunku ane aboi! Naukiche tɨnanti axɨna sane, atɨraiti bakɨpuruti ɨmo axɨmanu makiɨtɨx ɨmointyo axɨmanu tux nauki etayoi, auki nanaiña sɨsio etayoi.

San Marcos 4:40

Auki nanti Jesús ɨmo axɨmanuma nesaxti apóstoles: –¿Uiche taruku naupixhuku? ¿Chapikokokapɨñɨ?

San Marcos 9:19

Aiñumuti Jesús: –¡Axaño mañoñɨnka champɨ napakokonaunku! ¿Auchepɨpae iñokonaño apanauntaka? ¿Auchepɨ ñana aye aboi? Apikiasti tauna maniki ñaɨma.

San Lucas 12:28

Ta sane axti Tupax axtɨ aibio uiti naxchopɨro, axɨna kaɨma ane eana nɨunx tapɨ tyubaka omo ui pes, ¡axaño taruku ñana nikoñokokox nabaibi uiti ñopɨnanaki, axaño champɨ napakokonaunku!

San Lucas 9:41

Aiñumuti Jesús: –¡Axaño champɨ napakokonaunku taikiana apisamute nomɨnantɨ! ¿Auchepɨpae ñana iñokonaño auchepɨ tyakɨrux nichakisɨrɨkɨ aboi? Ariaku tauna aɨbuti aɨ.

San Juan 20:27

Auki nanti ɨmoti Tyomanxi: –Asasio niñee asasaityo nipetaku, aisɨkɨma ne'e au nobɨrityux. Tapɨ chakokonaunkapɨ. ¡Akokonau!

Hebreos 3:12

Masarukityaiki, amasasai nuxia, tapɨ anati taman abaxɨpeku axti naki champɨ nuxiantu nausasɨxti naki chɨmakokonaumpɨ naki iñanatiyɨ pese pɨnanakiti Tupax naki sɨborikoti.

1 Pedro 1:24

Tyopiki iku Nikorox nantɨ sane: “Namanaiña mañoñɨnka nakaxɨma takana naxchopɨro, axɨna nɨriakaxɨma tyone takana nipɨsi axɨmanu naxchopɨro. Axɨmanu naxchopɨro sɨɨbo tapɨ nipɨsixh pakio akɨ,