San Mateo 6:19 - Manityanati Tupax

¹⁹ “Tapɨ apakiamutuka namenaxi iku axɨna kɨx, kauta ane uiche aiñamesoko auki nanaiña champɨki nɨmoche uxia, kautaityo makusɨpɨka iyebo uimia akusɨpɨma.

Manitanati Tuparrü

¹⁹ ‛Tapü tarucapae namenarri icu na cürrü, itopiqui puerurrtai rriho y mameso amopünanaqui. Puerurrtaito aicusüpürioma bama macusüpüca.

San Mateo 6:19 교차 참조

San Mateo 19:21

Aiñumuti Jesús nuraxti: –Axtɨ axianka uxia nasɨboriki, akosi, aipiabentekasio nenaxi nikuax aityoximia ɨmo axɨbama taruku nityakisɨrɨkɨxɨma. Sane ane nenaxi au napes. Auki kaɨma ariaku isiuñɨ.

San Mateo 6:20

Apakiamutu tyone amenaxibo au napes, kauta champɨ uiche aiñamesoko kautaityo champɨ ensoro chiyebopityo ui makusɨpɨka akusɨpɨma.

San Lucas 12:21

Sane uxiante ɨmoti ñoñɨnx naki iñaɨbutati nenaxixhti tyakutiatoe, tapɨ kutakikiboti Tupax chiyaupɨ nityakisɨrɨkɨxti.”

San Lucas 12:33

Apityoximia ityobo monixh namenaxi, apikumanasama axɨbama champɨ ane ɨmoma. Apapache aupusanebo axɨna chɨmamesopɨ, amenaxibo axɨna champɨ nityakɨrux au napes, kauta chiyebopɨ uiti kusɨpɨx kautaityo chɨmamesopɨ.

San Lucas 12:39

Atusityo aume axɨna sane: axtɨ tusiupɨ ɨmoti naki po'oso isane horax ñana ayetitɨ kusɨpɨx, chichebopɨ uiti anati sɨrotitɨpo au nipoxti akusɨpɨti.

San Lucas 18:22

Naukiche onkoiti axɨna sane, aiñumuti Jesús nuraxti: –Aninki taman axɨna chaisamutempɨ: aipiaventeka nanaiña axɨba nenaxi aityoximia nikuax ɨmo axɨbama taruku nityakisɨrɨkɨxɨma. Sane ane enaxibokɨ au napes. Auki kaɨma ariaku isiuñɨ.

San Lucas 18:24

Naukiche asaratitɨ Jesús ɨmoti axɨna sane nakaxti, nanti: –¡Chiyaupɨ nityakisɨrɨkɨxɨma aye uimia esati Tupax axɨbama chiyaupɨ nenaxixhimia!

1 Timoteo 6:17

Axɨbama taruku nenaxixhimia iku axɨna kɨx, ukanɨ ɨmoma tapɨ onkomatɨapae ɨmo nenaxixhimia, tyopiki champɨ nanenekiche axɨmanio nenaxixhimia tari onkomatɨ ɨmoti Tupax naki sɨborikoti, tyonenti naki uiche aityoximiati oemo nanaiña nuxiantɨmo, nauki uxia nusaka oboi.

Hebreos 13:5

Tapɨ tarukapae nauxianka ɨmo monixh. Aupukɨnu aɨbu axɨna ane aboi, tyopiki axti Tupax nanti sane: “Chɨtakɨrusupɨ ñana nixhakionko akɨ.”