San Mateo 6:12 - Manityanati Tupax

¹² Aixhimiaka tato axɨba nomɨnantɨ soboi, takana axɨsomɨ sopixhimiakata tato ɨmo axɨbama chuxiampɨ uimia suiñemo.

Manitanati Tuparrü

¹² Airrimiaca tato nomünantü soboi, tacana arrüsomü sopirrimiacata tato ümo bama churriampü uimia suiñemo.

San Mateo 6:12 교차 참조

San Mateo 26:28

ityopiki axɨna tyone niñoto, uixh atusi ta ñemanauntu axɨmanu tratox, arapara autopiki nauki amoximiaka tato nanaiña axɨba nomɨnantɨ aboi.

San Mateo 9:2

Akamanu sɨromatɨ esati Jesús aɨbuti tamanti naki chɨpokorotipɨ, barɨkɨroti iku nikɨruxti. Naukiche astaiti Jesús axɨna ñakokonaunkuxɨma, nanti ɨmoti maniki maunxokono: –Aiña nuxia, isaɨ. Axɨba nomɨnantɨ obi tɨmoximiakana tato.

San Marcos 11:25

Axtɨ ameanka, apixhimiaka axɨna chuxiampɨ aboi ɨmoti kiatax, sanentyo naki Aubaɨ anati au napes ixhimiakatati aume axɨba nomɨnantɨ aboi.

San Lucas 11:4

Aixhimiaka tato axɨba nomɨnantɨ soboi, takana axɨsomɨ sopixhimiakata tato ɨmo axɨbama chuxiampɨ uimia suiñemo. Tapɨ chebo obi suichapene au makokotox, aityaesɨmunususomɨ eanaki nomɨnantɨ.’

San Lucas 13:4

¿Au napakionko axɨmanuma dieciocho koiñoma naukiche taɨbɨko onɨma axɨmanu petaisɨrɨ pox au Siloé sɨrɨmana nomɨnantɨ uimia pɨnanaki axɨmanuma makiataka po'osoma au Jerusalén?

San Lucas 6:37

“Tapɨ ane nɨmoche aboi nipɨnate makiataka, sane champɨ nɨmoche uiti Tupax napipɨnate. Tapɨ apiñata nikuax nipɨnate makiataka, sane chiñatatipɨ Tupax aume nikua axɨna napipɨnate. Apixhimiaka ɨmo makiataka axɨna nipɨnatema aume, sane ixhimiakatati Tupax aume napipɨnate ñana.

Hechos 13:38

Atusinau aume masarukityaiki, uiti Jesús moximiakana tato axɨba nomɨnantɨ osoi.

Efesios 1:7

Aɨbuti Cristo ane maximiakatax oemo ui notoxti, axɨna maximiakatax ñome nomɨnantɨ oboi niyarusɨrɨkɨ nipukɨruxti.

Efesios 4:32

Taikiana uxia aboi aupuapatoe, apixhimiaka axɨba chomixhampɨ aboi aumeampatoe, takanati Tupax xhimiakana tato uiti nomɨnantɨ aboi tyopikiti Cristo.

Colosenses 3:13

Tapɨ apapataikiatai aupuapatoe, apixhimiaka axtɨ ane chɨrɨri uiti taman aɨbuti kiatax. Takanati Yɨriabux xhimiakana uiti nomɨnantɨ aboi, saneityo aboi aumeampatoe.