San Mateo 4:24 - Manityanati Tupax

²⁴ Ipiatemaintyo nɨrixhti Jesús au nanaiña axɨmanu kɨx Siria, kuamatɨ uimia esati namanaiña axɨbama taruku nityakisɨrɨkɨxɨma oboi axɨba chɨtamampatai noxokoka, axɨbamaintyo aboma machoboreka kɨtɨpɨma, axɨbama konsaboma axɨbamaintyo chɨpokoropɨma. Uxiankama tato uiti Jesús.

Manitanati Tuparrü

²⁴ Ipiatema nürirrti au nanaiña manu cürrü Siria. Canama esati arrübama tarucu nitaquisürücürrüma oboi arrüba aruqui nanaiña norrococa, arrübama aboma machoboreca auma, arrübama chüpuerurrüpüma amema y arrübama consa. Enterurrüma urriancama tato uiti Jesús.

San Mateo 4:24 교차 참조

San Mateo 12:22

Sɨromatɨ esati Jesús aɨbuti taman ñoñɨnx supusuti chɨmanityanatipityo, anati chobores kɨtɨpɨti, uiti Jesús uxia tato nastaxti manityanatityo tato.

San Mateo 14:1

Au axɨmanio naneneka tɨkañe, axti Herodes, yɨriabuxti au axɨmanu kɨx Galilea, ipiatenti nɨrixhti Jesús,

San Mateo 15:22

Taman paɨx auki Canaán, auki axɨmanu kɨx, sɨrotɨ esati, aɨbu nityosibixh: –¡Nɨriabux, Naɨto David, apukɨru ichakuñɨ! ¡Nicheche ane chobores kɨtɨpɨ uixh taruku nityakisɨrɨkɨx!

San Mateo 17:15

–Axɨkɨ Yɨriabux, apukɨru tyakuti isaɨ, tyopiki konsabotiatai nantax taruku nityakisɨrɨkɨxti. Ane auche taɨbɨkoti oto pes eanaintyo tux.

San Mateo 17:18

Auki manityomokonoti Jesús ɨmoti maniki chobores penekoti uiti kɨtɨpɨkiti maniki ñaɨma, auki uxiankati tato.

San Mateo 4:23

Sɨrotitɨ Jesús au nanaiña Galilea, manunekanati ubau sinagoga kauta iñataiti. Urapoiti axɨba omixhia manityakax ɨmo nɨriakax au napes bakurarati ɨmo axɨbama maunxokonoma takanaintyo nanaiña axɨba oboxo kɨtɨpɨma.

San Mateo 8:28

Naukiche iñataiti Jesús tyopɨ axɨmanu narubaityu tux, au axɨmanu kɨx Gadara, kuamatɨ toxɨma kɨmenuti aboma machoboreka kɨtɨpɨma kuamatɨ uturuki nikɨ makoiñoka sɨromatɨ esati. Namanaiña kɨtobɨsoma taruku nixhukuxɨma ñɨnanama champɨti ikonɨtiyɨ isiuki axɨmanu kutubiux ñɨnanama.

San Mateo 8:33

Axɨmanuma asaramatɨ yutaku axɨmanio nupaucheka besɨburuma, naukiche iñataimia au tube urapoimia nanaiña axɨna astaimia, nanaiñaintyo axɨna astaimia uxiante aɨbu axɨmanuma amonkoma machoboreka kɨtɨpɨma.

San Mateo 8:6

Nanti ɨmoti: –Yɨriabux, maunxokonoti isumanakata au nipo, chɨpokorotipɨ takisɨrɨti oboi axɨba oboxo kɨtɨpɨti.

San Mateo 9:26

Au nanaiña axɨmanio poka tusiu ɨmoma axɨna uxiante sane.

San Mateo 9:35

Axti Jesús ikonɨtiyɨ auki axɨmanio tube, manunekanati ubau sinagoga axɨna kauta iñataiti. Urapoiti axɨba omixhia manityakax ɨmo nɨriakax au napes, uxiankama tato uiti axɨbama abe noxokoka kɨtɨpɨma.

San Marcos 1:28

Tusinaunku axɨna isamutenti Jesús au nanaiña Galilea.

San Marcos 1:32

Naukiche tɨsɨro kɨtu sux, aɨbapae ɨtobi, sɨromatɨ aɨbu namanaiña axɨbama maunxokono axɨbamaintyo anati chobores kɨtɨpɨma esati Jesús,

San Marcos 2:3

Auki iñataimia akamanu cuatro mañoñɨnka. Sɨrotitɨ uimia tamanti ñoñɨnx iku nikɨruxti naki chɨpokorotipɨ.

San Marcos 2:4

Tyopi sɨrɨmanamampae chiñataipɨma aɨbuti esati Jesús, iyaɨbutama nichakubuxipox axɨmanu pox kauta anankati, aukimanu aiñemekanamati akɨ'ɨ maniki maunxokono iku axɨmanu nikɨruxti kauta barɨkɨroti.

San Marcos 2:9

¿Isane axɨna uxia, sukanañɨ ɨmoti naki chɨpokoropɨ: ‘Axɨba nomɨnantɨ obi tɨmoximiakana tato’, o sukanañɨ ɨmoti: ‘Atɨsai, asusiu nakɨru akosi tato’?

San Lucas 2:2

Axɨmanu kusɨrɨbo nikorokoxɨma uxiante tɨkañe naukiche yɨriabuxti Quirinio au axɨmanu kɨx Siria.

San Lucas 4:14

Auki basɨkɨbɨkoti tato Jesús au Galilea aɨbuti Espíritu Santo kɨtɨpɨti, manityanama kɨtɨpɨti au nanaiña axɨmanu kɨx saimiantai.

San Lucas 4:38

Sɨrotitɨ Jesús auki axɨmanu sinagoga auki sɨrotitɨpo au nipoxti Simón. Nipiakɨstoti Simón ananka maunxokono, taruku ɨmo pakɨtaixh, mankioma tyaku pɨnanakiti Jesús.

San Lucas 5:15

Axɨna ipiatema kɨtɨpɨti Jesús chɨtochenkopɨ niyɨkɨx au nanaiña, sɨrɨmanama iyoberabaramakɨ nauki onsaperioma nuraxti nauki bakurarati ɨmoma axɨbama maunxokonoma.

San Lucas 5:24

Sane kaɨma ityusiankata ausukarɨ ta naki Aɨtoxti ñoñɨnx ane nɨriakaxti iku axɨna kɨx nauki aixhimiakati nomɨnantɨ. Auki nanti ɨmoti maniki chɨpokorotipɨ: –Sukanañɨ aemo, atɨsai, aikia nakɨru, akosi tato au napo.

San Lucas 7:17

Au nanaiña Judea au nanaiñaintyo ityupeku ipiatema axɨna isamutenti Jesús.

San Juan 10:21

Tapɨ makiataka namatɨ: –Champɨti naki anati chobores kɨtɨpɨti manityanati sane. Champɨtityo chobores asaratitɨ tato uiti axti naki supusu.

Hechos 10:38

Tusiu aume, toxioti Espíritu Santo ɨriakaboti Jesús naki auki Nazaret, axti Jesús isamuniontiño axɨba omixhia auki namensti, uxiankamaintyo tato uiti axɨbama takisɨrɨ uiti chobores. Axɨna sane isamutenti, ityopiki axti Tupax anati ichepeti.

Hechos 15:23

uimia aɨrotɨ axɨmanu kichonimiakax korobo nantɨ sane: “Axɨsomɨ axɨbama apóstoles, axɨbamaintyo mayɨriabuka, axɨbama aubarukityaiki apasusiu supakionko tanu aume, axɨbama suisarukityaiki, chɨtɨpɨ judíos po'oso año au Antioquía au Siria au Cilicia.

Hechos 15:41

auki sɨromatɨ auki axɨmanio kɨx Siria, Cilicia. Aɨbu ñanunekakaxɨma ɨmo axɨmanuma ikokoromati Jesús.

Hechos 28:9

Ui axɨna sane, kunauntañantai axɨbama makiataka maunxokonoma axɨpekukimia axɨmanuma po'osoma aukimanu. Namanaiña uxiankama tato uiti Pablo.

Hechos 8:7

Sɨrɨmanama axɨbama anati chobores kɨtɨpɨma uxiankama tato uiti Felipe, axɨmanuma machoboreka sɨromatɨ kɨtɨpɨkimia aɨbu nityosibixhimia. Axɨmanumaintyo chuxiampɨ namensɨma ichepe axɨmanuma chɨpokoropɨma amenkoma tato.