San Mateo 26:29 - Manityanati Tupax

²⁹ Ñemanauntu sukanañɨ aume chanantopɨ icha tato axɨna vino ikuki kɨx, chepe axtɨ iñatai axɨmanu nanenes ñana auche icha tato iyebo vino aupu kauta nakaxti Iyaɨ.

Manitanati Tuparrü

²⁹ Sucanañü aume, chanantopü icha arrüna niyü uva, cheperrtü yaca auchepe esati Uyaü auna cauta ane nüriacarrti. Auqui caüma ichaca tatito.

San Mateo 26:29 교차 참조

San Mateo 13:43

Auki axɨbama uxia nisɨborikixhimia kuara nikɨtɨpɨxɨma takana sux au napes esati Yaɨtoxɨma. Axɨbama ane uiche onkoimia, tari onsaperioma.

San Mateo 16:28

Ñemanauntu sukanañɨ aume axɨpekukimia axɨbama aboma auna chɨkoiñopɨma chepe axtɨ astaimia niyekixhti tato Aɨtoxti ñoñɨnx aɨbu nisɨriakaxti.

San Mateo 18:20

Tyopiki kauta aboma toxɨma o trexɨma iyoberabaramakɨ au nisɨri, akamanu ichepema yakaityo.

San Mateo 25:34

Auki nanti yɨriabux ɨmoma axɨmanuma aboma au nepanaunkux: ‘Ausiapata axaño, axɨbama aukurusɨka uiti Iyaɨ. Apasusiu axɨna nɨriakax ananka koñokono aume aukiapae naukiche axti Tupax isamutenti axɨna kɨx.

San Mateo 26:28

ityopiki axɨna tyone niñoto, uixh atusi ta ñemanauntu axɨmanu tratox, arapara autopiki nauki amoximiaka tato nanaiña axɨba nomɨnantɨ aboi.

San Mateo 26:30

Naukiche tɨchauki ñasonikixhimia axɨmanio salmos, sɨromatɨ onɨ axɨmanu Yirityux Olivos.

San Mateo 28:20

Apiñununekasama nauki akokonauma ɨmo nanaiña nixhakɨpuku aume. Tapɨ axɨñɨ yasikia auchepe nanaiña naneneka, ichepe axtɨ iñatai nityakɨrux ɨmo axɨna kɨx.

San Marcos 14:25

Ñemanauntu sukanañɨ aume chanantopɨ icha tato axɨna vino ikuki axɨna kɨx, chepe axtɨ iñatai axɨmanu nanenes auche ichaka iyebo vino au napes esati Tupax.

San Lucas 12:32

“Tapɨ aupixhuka, niyabu nobixhaka. Mɨmanantai año, tapɨti Uyaɨ, auki nipukɨruxti, toxio uiti aume nɨriakaxti.

San Lucas 15:32

Koñotɨ basapa upukɨnu, tyopiki axti aruki, tɨkoiñoti, sɨborikoti tato. Ensoroti oñopɨnanaki tabɨkoti tato osoi.’ ”

San Juan 15:11

“Sukanañɨ aume axɨna sane, nauki aupukɨnunka ichepeñɨ. Sane ñana champɨ nityakɨru naupukɨnunku.

San Juan 16:22

Saneityo axaño, autakisɨrɨka kaɨma ui nausucheki. Axɨñɨ isekatɨ tato ñana yasaraño, auki ñana taruku naupukɨnunku, champɨti ñana ikiaɨbutati amopɨnanaki naupukɨnunku.

San Juan 17:13

“Kaɨma yɨkatɨ tato atupekukɨ. Sukanañɨ axɨna sane ityopiki yakaiki auna iku axɨna kɨx, nauki taruku nipukɨnunkuxɨma takana axɨna nipukɨnunku.

Hechos 10:41

Chityusiankanatiyɨpɨ sukarɨ namanaiña, ta suisukarɨatai, axɨbama tɨsamamekana somɨ uiti Tupax aukiapae ñemonkox nauki sumasarai nanaiña axɨna sane. Axɨsomɨ suichaka subaka chepeti naukiche tɨsɨborikoti tato.

Hebreos 12:2

Uiñana nubasata ɨmoti Jesús, tyopiki ui noñemaxti ane axɨna numakokonaunku, tyonentityo naki uiche aipesɨnakati. Axti Jesús champɨ nɨmoche uiti nikɨsoxti akonti takubaxioti kɨtɨpɨ kurusɨx, tyopiki tusiu ɨmoti pɨrɨkɨ axɨmanu nityakisɨrɨkɨxti ñana taruku nipukɨnunkuxti. Auki tɨmonsoti au nepanaunku nityɨmoxti Tupax.

Apocalipsis 14:3

Axɨmanuma ciento cuarenta y cuatro mil amonkoma atɨraimia esa axɨmanu nityɨmoxti Yɨriabux, esamaintyo axɨmanuma cuatro sɨborikoma axɨmanumaintyo veinticuatro mayɨriabuka, masonioma axɨmanu sonixh aɨbo rabotɨ. Champɨti iyebo uiti axɨmanu sonixh, kunauntañamantai axɨmanuma ciento cuarenta y cuatro mil ane maximiakatax ɨmoma axɨpekukimia axɨbama ikuki axɨna kɨx.

Apocalipsis 7:17

Tyopiki axɨmanu Nobixhax, ane kɨmuintya nityɨmoxti Yɨriabux, tyone ñana asaratɨ tyakuma sɨrotɨ ñana aɨbuma esa nantaityux kauta ane tux axɨna uiche asɨborimia, uiti Tupax ñana aisɨbuti nisukɨxɨma.”