San Mateo 25:6 - Manityanati Tupax

⁶ Tɨsaimia kɨmuintya tobixh, rabotɨ tosibixh: ‘¡Tɨkuatati maniki aɨbo apoti! ¡Amekosi kɨmenuti!’

Manitanati Tuparrü

⁶ Taqui cümuinta tobirri, rabotü tosibirri: “¡Tücuati naqui nitübübüche! ¡Amecosi apicuñunuti!”

San Mateo 25:6 교차 참조

San Mateo 24:31

Axti kaɨma bakɨpuruti ɨmo axɨbama ángeles aɨbu yarusɨrɨx nibuxixhimia, nauki oberabarama uimia axɨbama samamekanama auki tansɨrɨ auki makiɨtɨx auki mankax aukityo nimɨmɨx, auki taman narɨkɨki napes ichepe kiatax narɨkɨkixh.

San Mateo 24:44

Sane naukiche, axaño apikoñokoityo nanaiña. Tyopiki axti Aɨtoxti ñoñɨnx kuatati ñana axtɨ champɨ napakionko.

San Mateo 25:1

“Saneityo axɨmanu nɨriakax au napes takana axɨmanu uxiante aɨbu taman tɨbɨbɨx: diez kupikikia opikianio niyubasarux aɨbu aceite omenotɨ kɨmenuti maniki aɨbo apoti.

San Mateo 25:31

“Axtɨ kuatati tato Aɨtoxti ñoñɨnx, anentax tyupekuti abomaintyo tyupekuti axɨbama ángeles, tɨmonsoti au yarusɨrɨx nityɨmoxti.

San Mateo 25:5

Tyopiki axti maniki aɨbo apoti chɨkontopɨ aiñanainti, chepe muxianx aupanu, au nityakɨrux mumpanumu.

San Mateo 25:7

Nanaiña axɨmanio kupikikia patɨrai apikoñoko niyubasarux.

San Lucas 12:20

Tapɨti Tupax nanti ɨmoti: ‘Chaipiakapɨ, axɨna tobixh kaɨma tyakɨrux nasɨboriki, axɨmanu aɨburu obi, ¿ñakutipɨ ɨmoche?’

San Lucas 12:46

au axɨmanu nanenes ñana kauta champɨ ñakionkoxti au axɨmanuintyo horax kauta chɨtusiupɨ ɨmoti, iñataiti maniki ɨmoche aserebiti uiti kaɨma toxio ityakisɨrɨkɨboti, takana axɨbama chɨmakokonaumpɨma.

1 Tesalonicenses 4:16

Tyopiki rabotɨ ñana taman tosibixh aɨbu bakɨpukux, nityosibixhti tamanti Arcángel rabotityo ñana nibuxixhti Tupax, auki axti Yɨriabux Jesús kuatati akɨ auki napes. Axɨbama tɨkañe koiñoma aɨbu ñakokonaunkuxɨma kusɨrɨboma ñana atɨraimia tato.

2 Pedro 3:10

Au axɨmanu nanenes ñana auche ayetitɨ tato Yɨriabux Jesús, kuatati takanati taman kusɨpɨx. Au axɨmanu nanenes ñana axɨna napes iñaxio ui taman yarusɨrɨx nisɨux uiche taruku bixhukux, nostoñeka omiñaxio ñana ui pes, axɨnaintyo kɨx aɨbu nanaiña axɨba abe iku omiñaxio ñana.

Apocalipsis 16:15

Sane naukiche axti Yɨriabux nanti: “Isekatato ñana axtɨ champɨti ane ñakionkoxti. Isekatɨ takanati kusɨpɨx, naki kusɨpɨoti au tobixh axtɨ champɨti ane ñakionkoxti. Axti Tupax kurusɨoti uiti naki chɨmanutañatipɨ axtɨ anentyo naibixhti, tyopiki chɨtabɨkotipɨ uiti kɨsuasati. Champɨityo tyakuche akɨsoti.”