San Mateo 24:31 - Manityanati Tupax

³¹ Axti kaɨma bakɨpuruti ɨmo axɨbama ángeles aɨbu yarusɨrɨx nibuxixhimia, nauki oberabarama uimia axɨbama samamekanama auki tansɨrɨ auki makiɨtɨx auki mankax aukityo nimɨmɨx, auki taman narɨkɨki napes ichepe kiatax narɨkɨkixh.

Manitanati Tuparrü

³¹ Rracüpuca ito ümo bama niyesa angelerrü isiu nipucu taman cornetarrü, nauqui aiyoberabarama bama tacümanauncunu sobi auqui nanaiñantai icuqui na cürrü.

San Mateo 24:31 교차 참조

San Mateo 13:41

Axti Aɨtoxti ñoñɨnx bakɨpuruti ñana ɨmo axɨbama ángeles atapeonoma auki nɨriakaxti namanaiña axɨbama matapenekanama ɨmo makiataka, axɨbamaintyo chuxiampɨ nisɨborikixhimia.

San Mateo 24:22

Axtɨ chɨmɨmanampɨ uiti Tupax axɨmanio naneka ñana, champɨtipɨ añekana. Ta mɨmana ñana uiti ui nikuaxɨma axɨbama samamekanama uiti.

San Mateo 24:24

Tyopiki kuamatɨ axɨbama chɨtɨpɨ Mesías axɨbamaintyo chɨtɨpɨ axɨbama profetas. Isamutema ñana ausukarɨ axɨba champɨ tamastai, oboiche autapeneka, saneityo ɨmo axɨbama samamekanama uiti Tupax.

San Mateo 24:32

“Apipia ɨmo axɨna manunekatax kɨtɨpɨ nutachens: Axtɨ nipiax aɨbapae abe tato nasux, tɨtusiu aume tɨsaimia tyanaunx.

San Mateo 25:31

“Axtɨ kuatati tato Aɨtoxti ñoñɨnx, anentax tyupekuti abomaintyo tyupekuti axɨbama ángeles, tɨmonsoti au yarusɨrɨx nityɨmoxti.

San Mateo 28:18

Sɨrotitɨ Jesús esama, nanti ɨmoma: –Axti Tupax ane nisɨriaka uiti au napes ikunaintyo axɨna kɨx.

San Marcos 13:27

Axti bakɨpuruti ñana ɨmo axɨmanuma ángeles, yakɨna aiyoberabama axɨbama sɨroma peese uiti auki nanaiña nityakɨru kɨx, aukityo nityakɨru napes.

San Lucas 24:47

au nɨrixhti urapoimia ñana sukarɨ namanaiña iku axɨna kɨx nauki ayematɨ tato esati Tupax, nauki aixhimiakati tato axɨna nomɨnantɨ uimia. Kusɨrɨboma axɨbama auki Jerusalén,

San Juan 11:52

Chityakupɨmantai axɨbama po'osoma auna, nauki oberabaramaintyo namanaiña axɨbama aɨtoxti Tupax axɨbama aboma tanu iñaxiomantai.

Romanos 10:18

Tapɨ axɨñɨ xhankitio: ¿Ensapɨ chonkoipɨma axɨmanio omixhia manityakax? ¡Abo onkoimia! Tyopiki nantɨ sane iku Nikorox: “Axɨmanio ñanunekakaxɨma sɨrotɨ iku nanaiña kɨx au nanaiña nityakɨru kɨx iñatai ñanunekakaxɨma.”

1 Corintios 15:52

Au taman nakax, au taman basakuakax, axtɨ rabotɨ ñana axɨmanu tyakɨrux tosibixh. Tyopiki rabotɨ ñana axɨmanu tosibixh, axɨbama tɨkoiñoma atɨraimia tato nauki tapɨ ananto akoma tato. Auki axoñɨ kiatax nosɨboriki.

Efesios 1:10

axtɨ iñatai ñana axɨmanu mapakɨmunkutux. Axɨna nixhantɨmoti Tupax ta nauki aiyoberabatati nanaiña axɨba nisamukuxti ikuki axɨna kɨx auki napes nauki aityoximiati mekuti Cristo.

1 Tesalonicenses 4:16

Tyopiki rabotɨ ñana taman tosibixh aɨbu bakɨpukux, nityosibixhti tamanti Arcángel rabotityo ñana nibuxixhti Tupax, auki axti Yɨriabux Jesús kuatati akɨ auki napes. Axɨbama tɨkañe koiñoma aɨbu ñakokonaunkuxɨma kusɨrɨboma ñana atɨraimia tato.

2 Tesalonicenses 2:1

Axtɨ tɨkuatati tato yɨriabux Jesucristo, uiyoberabaka oñɨ chepeti. Sane naukiche, apasamu nuxia suiñemo masarukityaiki,

Hebreos 12:19

Champɨityo axtɨ amonkoi nipuku buxixh, nityosibixhtityo Tupax aɨbu yakɨpukuxti. Axɨmanuma onkoimia axɨmanu tosibixh onɨ axɨmanu yirityux Sinaí mankioma nauki etayoiti.

Apocalipsis 1:20

Sobi suraboi asukarɨkɨ axɨna ananka anekana isane nɨmoche axɨmanio siete nostoñeka asakio abe au nepanaunku niñee, axɨmaniointyo siete kantreruka omixhante ui oro: axɨmanio siete nostoñeka, ta tyonema axɨbama ángeles auki axɨmanio siete kauta aboma axɨbama ikokoromañɨ, tapɨ axɨmanio siete kantreruka, ta tyoneio axɨmanio kauta aboma axɨbama ikokoromañɨ.

Apocalipsis 11:15

Axti maniki kiatax ángel ipunutati nibuxixhti, auki rabotio tosibikia au napes, monantɨ sane: “Nɨriakax ikuki axɨna kɨx tyone nesaxti Tupax chepeti Aɨtoxti axti Mesías, yɨriabuxɨma ñana ñome nanaiña naskɨbeka.”

Apocalipsis 7:1

Auki, yasakatɨ ɨmo axɨmanuma cuatro ángeles atɨraimia au cuatro nityoripiakɨka, iyaxitama axɨmanio cuatro makiɨtɨka, tapɨ bausukɨro iku kɨx ɨmo narubaityu tux ñomentyo soeka.

Apocalipsis 8:2

Auki yasakatɨ ɨmoma axɨmanuma siete ángeles amonkoma atɨraimia esati Tupax, botoxio ɨmoma siete buxikia.