San Mateo 24:14 - Manityanati Tupax

¹⁴ Axɨba omixha manityakax kɨtɨpɨ nɨriakax au napes tusiankana ñana sukarɨ namanaiña iku axɨna kɨx, nauki namanaiña mañoñɨnka asuputanema. Auki ñana iñatai nityakɨrux.

Manitanati Tuparrü

¹⁴ Pero cusürübo tiene que atusi nurarrti Tuparrü au nanaiñantai icu na cürrü ui bama ipiacama anitanema, auqui caüma iñatai ñapacümuncuturrti Tuparrü.

San Mateo 24:14 교차 참조

San Mateo 10:7

Amekosi aburaboi axɨna nɨriakax auki napes tɨtane saimia.

San Mateo 18:19

“Sukanañɨ aume axɨna sane: Axtɨ toxɨma abaxɨpekuki chepe ñakionkoxɨma iku axɨna kɨx nauki ankimia au neankaxɨma, naki Iyaɨ anati au napes toxio uiti ɨmoma.

San Mateo 24:3

Auki sɨromatɨ onɨ axɨmanu yirityux Olivos. Axti Jesús tɨmonsoti, sɨromatɨ esati axɨmanuma nesaxti apóstoles nauki ankirioma peese pɨnanakiti: –Suixhanka nauki uraboi suisukarɨ auche ñana uxiane axɨna sane. ¿Isane ñana uiche atusi nayeki tato axɨnaintyo nityakɨrux ɨmo axɨna kɨx?

San Mateo 24:6

Axaño apipiate ñana baiyoma yupu nikomesɨma auna takanaintyo au pikiataka narɨkɨkixh. Tapɨ aupixhuka, tyopiki sane ñana uxiante. Axɨna sane chityonempɨ ñana nityakɨrux.

San Mateo 4:23

Sɨrotitɨ Jesús au nanaiña Galilea, manunekanati ubau sinagoga kauta iñataiti. Urapoiti axɨba omixhia manityakax ɨmo nɨriakax au napes bakurarati ɨmo axɨbama maunxokonoma takanaintyo nanaiña axɨba oboxo kɨtɨpɨma.

San Mateo 9:35

Axti Jesús ikonɨtiyɨ auki axɨmanio tube, manunekanati ubau sinagoga axɨna kauta iñataiti. Urapoiti axɨba omixhia manityakax ɨmo nɨriakax au napes, uxiankama tato uiti axɨbama abe noxokoka kɨtɨpɨma.

San Marcos 13:10

Axtɨ tɨsaimia nityakɨrux ñana, axɨba omixhia manityakax urapoimia sukarɨ namanaiña iku axɨna kɨx.

San Lucas 2:1

Au axɨmanio naneneka tɨkañe, axti yɨriabux Augusto bakɨpuruti akoroma iku kichonimiakax auki nanaiña kɨx.

San Lucas 24:47

au nɨrixhti urapoimia ñana sukarɨ namanaiña iku axɨna kɨx nauki ayematɨ tato esati Tupax, nauki aixhimiakati tato axɨna nomɨnantɨ uimia. Kusɨrɨboma axɨbama auki Jerusalén,

San Lucas 4:5

Auki iñatɨnaiñakanati chobores, aityusiankati sukarɨti nanaiña nacioneka iku axɨna kɨx,

Hechos 1:2

ichepe axɨmanu nanenes tɨkañe naukiche sɨrotitɨ tato au napes. Naukiche tɨniyɨkɨxti, auki noñemaxti Espíritu Santo manunekanati ɨmoma axɨmanuma amonkoma isiuti axɨmanuma samamekanama uiti ɨmo axɨna niyachɨkoimia.

Hechos 11:28

Tamanti axɨpekukimia nɨrixhti Agabo, atɨraiti ui noñemaxti Espíritu Santo, nanti, ane ñana yarusɨrɨx kɨrɨpɨx iku nanaiña axɨna kɨx. Axɨmanu nuraxti uxiante, au axɨmanio naskɨbeka tɨkañe naukiche axti Claudio yɨriabuxti.

Hechos 17:31

Tyopiki axti Tupax kuatati ñana au axɨmanu nanenes ensɨmunu uiti tɨkañe, auche asaraiti ɨmo namanaiña aɨbu axɨna uxia ñapanaunkuxti, uiti taman ñoñɨnx naki samamekanati uiti ityusiankatati axɨna sane naukiche sɨborikoti tato uiti.”

Hechos 17:6

tyopiki chɨtabɨkopɨma uimia, sɨromatɨ aɨbuti Jasón tononoti akɨ uimia ichepe axɨbama makiataka ikokoromati Jesús, aɨbu nityosibixhimia: –¡Axɨbama mañoñɨnka au nanaiñanti tɨborikoma uimia, iñataimiaintyo auna uyaxɨpeku,

Hechos 19:27

Axtɨ uicheta, axɨna nubachɨkoi ñana champɨtiki ikokota, axɨmanuintyo nipo Tupax Artemisa champɨtityo ñana ikokota, champɨti ñana manaunu ɨmo au Asia takana au nanaiña iku kɨx.”

Hechos 20:25

“Axɨñɨ kaɨma tusiu iñemo champɨti ñana abaxɨpekuki asaratiñɨ tato, axɨbama ɨmoche xhanunekaka nɨriakaxti Tupax.

Romanos 10:18

Tapɨ axɨñɨ xhankitio: ¿Ensapɨ chonkoipɨma axɨmanio omixhia manityakax? ¡Abo onkoimia! Tyopiki nantɨ sane iku Nikorox: “Axɨmanio ñanunekakaxɨma sɨrotɨ iku nanaiña kɨx au nanaiña nityakɨru kɨx iñatai ñanunekakaxɨma.”

Colosenses 1:23

Axɨna sane ñana axtɨ sɨsio año aɨbu napakokonaunku, axtɨ chapiñokotapɨ axɨmanu ɨriotɨ oboi axɨmanio omixhia manityakax. Axɨba omixhia manityakax chauki tɨtusiu au nanaiña iku axɨna kɨx, axɨñɨ Pablo anankañɨntyo xhanunekaka.

Colosenses 1:6

Axɨba omixhia manityakax urapoimia au nanaiña kɨx nesa Roma, aboma sɨrɨmanama axɨbama ikokotama. Sane uxiante tanu abaxɨpeku auki axɨmanu nanenes tɨkañe naukiche apipiate ta ñemanauntu taruku naukuasɨrɨkɨ ɨmoti Tupax.

Hebreos 1:6

Au kiatax narɨkɨkixh, naukiche aityusiankanati naki kusɨrɨboti Aɨtoxti iku axɨna kɨx, nantɨ iku Nikorox: “Tari namanaiña axɨbama ángeles auki napes anauma ɨmoti.”

Hebreos 2:5

Axti Tupax chɨtoxiopɨ uiti ɨriakaboma axɨbama ángeles ɨmo axɨmanu kɨx kuabotɨki ñana, axɨna kɨtɨpɨche supanityaka.

Apocalipsis 14:6

Auki yasakatɨ ɨmoti kiatax ángel basoroti auki petaisɨrɨ iku napes. Abe uiti omixhia manityakax axɨna chɨtakɨnunaumpɨ, nauki uraboiti sukarɨma namanaiña axɨbama aboma iku kɨx.

Apocalipsis 16:14

Tyonema nausɨpɨ machoboreka, masamunuma axɨba champɨ tu bastai sɨromatɨ aiyoberabarama mayɨriabuka ikuki nanaiña kɨx ɨmo baikixh au axɨmanu yarusɨrɨx nanenes ñana ensɨmunu uiti Tupax axti naki champɨ takanache nɨriakaxti.

Apocalipsis 3:10

Aikokota nixhakɨpuku, sane naukiche yasakatɨ atakukɨ axtɨ kuatɨ ñana axɨmanu makokotox ɨmo namanaiña axɨbama po'osoma iku axɨna kɨx.