San Mateo 22:13 - Manityanati Tupax

¹³ Auki axti maniki yɨriabux nanti ɨmo axɨmanuma basaparama: ‘Apityomoensio nipopesti yochepe ne'esti apipenesoti tyɨrɨpo ɨmo tomikianene. Auki kuantio nareokox ichepe suchekixh.’

Manitanati Tuparrü

¹³ Auqui arrti maniqui yüriaburrü nanti ümo manuma mamosoca baserebioma icu mensarrü: “¡Apipüniñoencasarrti y apitomoensio ito neherrti! ¡Apipenesorrti türüpo ümo tomiquianene! Taha au infierno, aboma bama areoroma y botoquio nohorrüma”.

San Mateo 22:13 교차 참조

San Mateo 12:29

“¿Kausane ayepo uiti taman ñoñɨnx au nipoxti kiatax naki taruku nikusɨuxti akusɨpɨti nenaxixhti, axtɨ chɨkusɨrɨbopɨ aityomoenoti? Sane kaɨma iyebo uiti akusɨpɨti.

San Mateo 13:30

Uxia axtɨ chepe niñusunaunx ichepe nupukux. Auki kaɨma xhakɨpuka ɨmoma axɨbama uiche aiñaɨbuma tari kusɨrɨbo aityakɨmanaunkuma axɨmanu chuxiampɨ naxchopɨro motomoeno uimia, nauki aɨro pes eana, auki aiñaɨbuma nixhakiyo kiana nisɨpau.’ ”

San Mateo 13:42

Sɨroma ñana uimia au taman horno aɨbu pes, auki kaɨma kuatɨ nareoxɨma ichepe nisuchekixhimia.

San Mateo 13:50

axɨbama chuxiampɨ nisɨborikixhimia sɨroma uimia oto pes. Auki kaɨma areoroma aɨbu nisuchekixhimia.”

San Mateo 24:51

auki toxio uiti ityakisɨrɨkɨboti, takana axɨbama chɨsamutempɨma axɨna nuraxɨma. Auki kaɨma kuantio nareokox ichepe suchekixh.

San Mateo 25:30

Tapɨti naki kumanakax champɨ nanenekicheti, apipenesoti tyɨrɨpo, kauta tomikianene. Auki kuantio nareokox ichepe suchekixh.’

San Mateo 8:12

tapɨ axɨbama ikonomoche axɨmanu nɨriakax au napes, penekoma ñana tyɨrɨpo au tomikianene. Auki kaɨma kuatɨ nareokox ichepe suchekixh.

San Lucas 13:28

Auki kaɨma kuantio nareokox ichepe suchekixh, axtɨ amasakati Abraham, axti Isaac, chepeti Jacob namanañaintyo axɨbama profetas aboma au nɨriakaxti Tupax, tapɨ axaño aupeneka tyɨrɨpo.

San Juan 21:18

Ñemanauntu sukanañɨ aemo tɨkañe naukiche yaɨxɨkɨki, aiñakio akɨtɨpɨkɨ naibi auki aɨkatɨ amenka kauta naxianka. Tapɨ axtɨ tiyarusɨrɨxɨkɨ, aipesɨnakakio napa nauki uiti kiatax aiñanti naibi akɨtɨpɨkɨ, sɨrotityo aɨbukɨ kauta chaxiankapɨ aɨrotɨ.

Hechos 21:11

Naukiche iñataiti sobesa ityomoentati ne'esti yochepe nipopesti ui nipoñoentoxti Pablo, auki nanti: –Sane nanti Espíritu Santo, au Jerusalén axɨbama judíos ityomoenomati maniki esache axɨna poñoentox, auki toxioti uimia ɨmo axɨmanuma auki kiatax kɨx.

Hechos 7:54

Naukiche onkoimia axɨna sane, axɨmanuma mayɨriabuka taruku nityɨborixhimia ɨmoti Esteban.

2 Tesalonicenses 1:9

Tyonema axɨbama tyakɨruxatoe ñana uimia, penekoma ñana iche pɨnanakiti, kauta champɨ nanentax champɨityo nɨriakaxti.

2 Pedro 2:17

Axɨmanuma mañapanka anunekama tyonema takana paurux chɨbachebopɨ tux, takana kɨsaɨboka bopeoro ui makiɨtɨx. Tɨtoxioma ɨmo tomikianene ɨmo nanaiña naskɨbeka.

2 Pedro 2:4

Axti Tupax chañekanapɨma uiti axɨmanuma ángeles isamutema nomɨnantɨ, ta penekoma uiti au infierno akamanu sɨsioma uiti au tomikianene, tomoenoma ui karenax kɨmenu axɨmanu ñana tyakɨrux nanenes.

SAN JUDAS 1:13

Chichepɨ nityɨborixhimia. Namanaiñantai astaimia axɨba chomixhampɨ isamutema, tyopiki axɨba chomixhampɨ isamutema tyone takana natɨ nisupiuku tux au narubaityu tux. Takana nostoñeka axɨba bokɨsebo pɨnanaki niyukutubiux botoxio amenotɨ au axɨna taruku tomikianene ɨmo nanaiña naskɨbeka.

SAN JUDAS 1:6

Axɨbamaintyo ángeles chɨmakokonaumpɨma, onkono uimia nipoxɨma, amanamampo uiti Tupax kauta tarukapae tomikianene chepe axtɨ iñatai ñana axɨmanu nanenes ñana.

Apocalipsis 21:27

Chiyebopɨ ñana akamanu ui axɨna chuxiampɨ ɨmoti Tupax. Chiyebopɨ ñana uimia axɨbama manaunuma ɨmo matupaka nisamuku mañoñɨnka. Kunauntañamantai axɨbama ane korobo nɨrixhimia iku axɨmanu kichonimiakax ui Nobixhax.