San Mateo 18:17 - Manityanati Tupax

¹⁷ Axtɨ chonkoitipɨ nuraxɨma, urasoi sukarɨ namanaiña makiataka, auki kaɨma aiñata ɨmoti takanati naki chɨriotipɨ takanaintyo ɨmoti naki bakaɨburuti monixh ɨmo Roma.

Manitanati Tuparrü

¹⁷ Arrtü chirranrrtipü oncoiti, urasoi isucarü namanaiña bama icocoromati Tuparrü. Arrtü chirranrrtipü oncoiti nurarrüma, auqui caüma aiñasü peese pünanaquiti tacana pünanaqui bama chicocoromatipü Tuparrü y bama mayacobraca impuestorrü.

San Mateo 18:17 교차 참조

San Mateo 10:3

Axti Felipe, ichepeti Bartolomé, axti Tyomanxi ichepeti Mateo, naki bakaɨburuti monixh ɨmo Roma. Axti Santiago, aɨtoxti Alfeo, axtityo Tadeo.

San Mateo 11:19

Auki kuatati Aɨtoxti ñoñɨnx, naki basoti chabotityo, axaño amukanaño ɨmoti taruku niyakaxti chabo'oxtityo, ityurapata axɨbama chuxiampɨ nɨrixhimia axɨbamaintyo bakaɨburuma monixh ɨmo Roma. Tapɨ axɨna ñapanaunkuxti Tupax tusiankana oboi nanaiña axɨba omixhante.”

San Mateo 5:46

Tyopiki axtɨ axaño kuasɨrɨma aume axɨbamantai uxia uimia aume, ¿isane toxiobo aume ityobo? Tyopiki saneityo isamutema axɨbama bakaɨburuma monixh ɨmo Roma.

San Mateo 6:7

“Axtɨ ameanka tapɨ abasikia amukanaño tatityo axɨna champɨ nɨmoche, takana yachɨkoimia axɨbama chɨriopɨma, axɨma au ñakionkoxɨma axtɨ abaityux nuraxɨma ikokotati Tupax.

San Lucas 15:1

Namanaiña axɨbama bakaɨburuma monixh ɨmo Roma ichepe axɨbama makiataka chuxiampɨ nisɨborikixhimia sɨromatɨ esati Jesús, nauki onsaperioma nuraxti.

San Lucas 18:11

Axti maniki fariseo, auki natɨraikixhti, meaboti sane: ‘Axɨkɨ Tupax, ñachampienkaka aemo ityopiki axɨñɨ chɨtɨpɨ takana axɨbama makiataka, makusɨpɨka, chuxiampɨ nisɨborikixhimia chɨtamampɨ nikɨpostoxɨma, champɨityo axtɨ takanati maniki bakaɨburuti monixh.

1 Corintios 5:9

Iku axɨmanu kiatax nixhakonomoso, sukanañɨ aume tapɨ abasikia chepema axɨbama aboma isiu nikɨpostoti kiatax.

1 Corintios 6:1

Axtɨ anati naki ane chɨrɨri uiti aɨbuti kiatax, ¿kausane aɨrotitɨ aɨbuti esati yɨriabux naki chikokorotipɨ Tupax? ¿Kausane chɨsɨrotitɨpɨ esama axɨbama ikokoromati Tupax?

2 Tesalonicenses 3:6

Masarukityaiki supakɨpuka aume au nɨrixhti Yɨriabux Jesucristo, nauki apiñanaño pese pɨnanaki axɨbama usarukityaiki chuxiampɨ nisɨborikixhimia, axɨbama chixhanxɨpɨma aisamunema nisɨborikixhimia isiuki axɨna supanunekaka aume.

1 Timoteo 6:5

chaiyatai baikixh. Axɨbama sane nisɨborikixhimia champɨ axɨna uxia au ñakionkoxɨma chisuputakaipɨmaintyo axɨna ñemanauntu, tyonema axɨbama namatɨ ta ikokoromati Tupax nauki auki ane enaxiboma.