San Mateo 13:27 - Manityanati Tupax

²⁷ Auki sɨromatɨ axɨmanuma nikumanakataxti uraboimia sukarɨti maniki iyoche: ‘Yɨriabux, axɨmanu sɨro kɨtu obi au nao kanapaemo axɨba omixhia, ¿aukiche ayetɨ axɨmanu chuxiampɨ naxchopɨro?’

Manitanati Tuparrü

²⁷ Sane nauquiche süromatü manuma mamosoca uraboimia isucarüti naqui iyoche: “Señor, arrücü ancütuca aucutanu arrüna urria au naho. ¿Causanempü nauqui ataso ito caüma ui narrüchopüro?”

San Mateo 13:27 교차 참조

San Mateo 13:25

Naukiche namanaiña amonkoma manumuma, iñataiti naki chuxiampɨ uiti ɨmoti, sɨro kɨtu uiti axɨna chuxiampɨ eana niyakiyoxti auki sɨrotitɨ.

San Mateo 13:26

Naukiche tɨsunau axɨmanu niyakiyoxti tɨtabe nɨtax, sunauntyo ichepe axɨmanu chuxiampɨ naxchopɨro.

San Mateo 13:28

Axti maniki iyoche nanti ɨmoma: ‘Axti naki chuxiampɨ uiti iñemo uiti aisamunenti sane.’ Axɨmanuma nikumanakataxti ñankitioma pɨnanakiti: ‘¿Axianka nauki somenotɨ sopikiyau akɨ axɨmanu chuxiampɨ naxchopɨro?’

San Mateo 20:1

“Saneityo aɨbu axɨna nɨriakax au napes takana aɨbuti tamanti naki ane niyachɨkoiti au niyoxti, tansɨrapae sɨrotitɨ apacheti axɨbama sɨrobomatɨ ɨmo niyachɨkoiti au niyoxti.

Romanos 16:17

Masarukityaiki, amasasai nuxia ñɨnana axɨbama kiatax ñapanaunkuxɨma iñatama ñakokotoxɨma axɨna uiche apiñanaño pese pɨnanaki axɨna manunekatax apasutiu. Apikiaɨbusaño axɨpekukimia,

1 Corintios 16:10

Axtɨ iñataiti Timoteo abaxɨpeku, apapache nikiubu año nauki uxia nakaxti abaxɨpeku, tyopiki axti baserebiotityo ɨmoti Yɨriabux Jesús takana axɨñɨ.

2 Corintios 6:1

Sane kaɨma, tyopiki kumanakax somɨ ɨmoti Tupax, sukanasomɨ aume apasamu nuxia suiñemo apasusiu axɨna nipukɨruxti Tupax autaku.

2 Corintios 6:4

Ui axɨna sane, au nanaiña sopityusiankata ta kumanakax somɨ ɨmoti Tupax, yebokasomɨ ñome suichakisɨrɨkɨ, axtɨ ane suixhantɨmo, axtɨ chichebopɨ suiñemo supanuneka,

Santiago 4:4

Axaño chɨkuasɨrɨtipɨ Tupax aume champɨityo axtɨ apakokonaunka ɨmoti. Unka tusiu aume axti naki nityurapataxti axɨna kɨx tyonenti naki tɨborikotiatai ɨmoti Tupax. ¡Ñemanauntu ta sane! Axtɨ axaño uxia aume axɨba nomɨnantɨ ikuki axɨna kɨx, sane naukiche autɨborikiatai kuatati Tupax.