San Mateo 12:45 - Manityanati Tupax

⁴⁵ Auki sɨrotitɨ oberabarama uiti makiataka siete machoboreka axɨbama taruku nikumakaxɨma pɨnanakiti, chepema sɨroma kɨtɨpɨti maniki ñoñɨnx, au nityakɨrux taruku nikumakaxti pɨnanaki maɨbo. Tyoneantoe ñana uxiante ɨmo axɨbama chuxiampɨ nisɨborikixhimia.”

Manitanati Tuparrü

⁴⁵ Auqui caüma sürotitü atasuti ümo bama siete maquiataca machoboreca manrrü malorrüma pünanquiti, nauqui aüroma ichepeti avivimia auti maniqui ñoñünrrü. Sane nauquiche manrrü churriampatai nisüboriquirrti. Sane tiene que apasa ümo na genterrü malorrü arrüna tiemporrü.

San Mateo 12:45 교차 참조

San Mateo 12:24

Naukiche onkoimia axɨna sane, axɨmanuma fariseos namatɨ: “Axti Beelzebú, naki ɨriatu axɨbama machoboreka, tyonenti naki uiche atoxi ɨriakaboti naki ñoñɨnx nauki apenema uiti machoboreka.”

San Mateo 12:44

‘Yɨkatɨ tato au nipo, aukiche isetɨ.’ Axtɨ iñataiti tato, tabɨkoti uiti maniki ñoñɨnx takana axone pox sunukunu aukipo koñokono nuxia.

San Mateo 17:21

Tapɨti naki chobores sane nakaxti chɨpenekotipɨ saneantai ta oboi meankax chepetyo axtɨ chubakapɨ.

San Mateo 23:15

“¡Autakisɨrɨkatai ñana, axɨbama manunekaka bakɨpukux uiti Moisés ichepe axɨbama fariseos, chapisamutempɨ axɨna amukanaño!, amekatɨ au nanaiña kɨx apityompɨkata narubaityu tux, nauki aboma axɨbama ikokotama nauxiantɨmo, axtɨ iyebo aboi, apisamute nauki makiataka kusɨrɨboma atapenema au infierno amopɨnanaki.

San Mateo 23:24

¡Axaño masupuka, auxianka apapesɨnaka aɨbu makiataka, apimiamata nobox, tapɨ sɨrɨmanax numukianx piunkunu aboi!

San Marcos 16:9

Naukiche tɨsɨborikoti tato Jesús au axɨmanu kuatɨ nanenes ɨmo axɨmanu kusɨrɨbo nanenes ɨmo axɨmanu semana, ityusiankanatiyɨ isukarɨ Mariax Magdalena, axɨna kɨtɨpɨkiche bakaɨburuti tɨkañe siete machoboreka.

San Marcos 5:9

Axti Jesús ñankitioti pɨnanakiti: –¿Isane nɨri? Aiñumuti nuraxti: –Axɨñɨ nisɨri Legión, tyopiki taruku sububiki.

San Lucas 11:26

Auki sɨrotitɨ oberabarama uiti makiataka siete machoboreka axɨbama taruku nikumakaxɨma pɨnanakiti, chepema sɨroma kɨtɨpɨti maniki ñoñɨnx, au nityakɨrux kaɨma sɨsioti taruku nikumakaxti pɨnanaki maɨbo.”

Efesios 6:12

Tyopiki chubaikiapɨ aɨbu mañoñɨnka takana axoñɨ, ta aɨbu machoboreka axɨbama chuxiampɨ uimia au napes. Tyonema axɨbama kaɨma iñatama nɨriakaxɨma takanaintyo noñemaxɨma auna iku axɨna kɨx.

Hebreos 10:39

Axoñɨ chɨtɨpɨ takana axɨmanuma basɨkɨbɨkoma tato sɨromatɨ ɨmo nityakisɨrɨkɨxɨma, ta axɨbama iyebo uimia nisɨborikixhimia tyopiki makokonauma ɨmoti Tupax.