San Mateo 12:32 - Manityanati Tupax

³² Axti Tupax xhimiakanaintyo uiti ɨmoti naki manityanati axɨba chomixhampɨ kɨtɨpɨti Aɨtoxti ñoñɨnx. Tapɨ ɨmoti naki manityanati axɨba chomixhampɨ kɨtɨpɨti Espíritu Santo, chɨxhimiakanapɨ ɨmoti au axɨba naskɨbeka kaɨma, saneityo au axɨba naskɨbeka kuantionki.

Manitanati Tuparrü

³² Arrüñü Ñemanauncurratoe Ñoñünrrü, arrtü anati naqui churriampatai nurarrti iñemo, ane marrimiacatarrü tato ümoti. Pero arrtü anati naqui churriampatai nurarrti ümoti Espíritu Santo, chüpuerurrüpü ane marrimiacatarrü tato ümoti, ni aunampü icu na cürrü, ni au napesepü ñana.

San Mateo 12:32 교차 참조

San Mateo 11:19

Auki kuatati Aɨtoxti ñoñɨnx, naki basoti chabotityo, axaño amukanaño ɨmoti taruku niyakaxti chabo'oxtityo, ityurapata axɨbama chuxiampɨ nɨrixhimia axɨbamaintyo bakaɨburuma monixh ɨmo Roma. Tapɨ axɨna ñapanaunkuxti Tupax tusiankana oboi nanaiña axɨba omixhante.”

San Mateo 12:31

“Sane naukiche sukanañɨ aume axti Tupax ixhimiakatati ɨmo mañoñɨnka nanaiña axɨba nomɨnantɨ uimia nanaiñaintyo axɨba chomixhampɨ nuraxɨma, tapɨ ɨmo axɨbama chuxiampɨ nuraxɨma ɨmoti Espíritu Santo, chɨxhimiakanapɨ.

San Mateo 12:8

Sanentityo Aɨtoxti ñoñɨnx, ane nɨriakaxti ɨmo axɨna nanenes sabaru.

San Mateo 13:22

Axɨmanu sɨrobo kɨtu sɨro omeana kɨmeka tyone takana axɨbama onkoimia axɨba omixhia manityakax, ityopiki axɨba nenaxixhimia ikuki axɨna kɨx taruku ñakionkoxɨma yubapa tapenekoma oboi. Nanaiña axɨba sane chichebopɨ oboi aisamunema axɨba omixhia.

San Mateo 13:39

tapɨti maniki chuxiampɨ uiti ɨmoti maniki iyoche tyonenti chobores. Axɨmanu naɨbuku niyakiyoxti maniki iyoche tyone ñana nityakɨrux ɨmo axɨna kɨx, axɨmanuma uiche aiñaɨbuma tyonema axɨbama ángeles.

San Mateo 13:40

Sane takana axɨmanu chuxiampɨ naxchopɨro takɨmanaunkunu aɨro oto pes, saneityo ñana au nityakɨrux ɨmo axɨna kɨx.

San Mateo 13:55

¿Chɨtɨpɨ aɨtoxti maniki masamunuti tɨmoka, chɨtɨpɨ Mariax nipiakɨtoti? ¿Chɨtɨpɨ axti yarukityoti Santiago, Kiosen, Simón axtityo Judas,

San Mateo 8:20

Aiñumuti Jesús nuraxti: –Numantureka bopo'oso kɨtu tapɨ nutaumanka ane niñosemenux, tapɨti Aɨtoxti ñoñɨnx champɨ kauta aikonokoti nityanuxti.

San Marcos 10:30

toxio ɨmoti kaɨma au axɨna nisɨborikixhti cien yopɨrɨkɨ axɨba abe uiti, nipoxti, yarukityoxti, nikiastyoti, nipiakɨtoti aɨtoxti niyoxtityo champɨ nɨmoche axtɨ matanekanatiatai. Axɨmanu kuatɨki nisɨborikixhti champɨ nityakɨrux toxio ñana ɨmoti.

San Marcos 3:28

“Ñemanaunkuxatoe xhimiakana uiti Tupax ɨmo mañoñɨnka tyopiki nanaiña axɨba nomɨnantɨ uimia tyopikityo axɨba chomixhampɨ nuraxɨma:

San Marcos 3:29

tapɨti naki chuxiampɨ nuraxti ɨmoti Espíritu Santo, champɨ maximiakatax ɨmoti, ta sɨsioti aɨbu ɨmo nanaiña naskɨbeka.”

San Lucas 12:10

“Xhimiakana tato uiti Tupax ɨmoti naki chuxiampɨ nuraxti kɨtɨpɨti Aɨtoxti ñoñɨnx. Tapɨ ɨmoti naki manityanati chuxiampɨ ɨmoti Espíritu Santo champɨ maximiakatax tato ɨmoti.

San Lucas 16:8

Axti maniki ɨmoche aserebiti uxia ɨmoti axɨna sane chuxiampɨ yachɨkoiti maniki kiapatax axɨna nipiakaxti aisamunenti nanaiña. Tyopiki yutaku nenaxixhimia, axibama ikuki axɨna kɨx ipiakama tyakumantoe pɨnanaki axɨbama aɨtoxti Tupax.

San Lucas 18:30

toxio ɨmoti uɨboiki au axɨna kaɨma nisɨborikixhti, tapɨ au axɨna kuabotɨki nisɨborikixhti yasutiuti isɨborikiboti axɨna champɨ nityakɨrux.

San Lucas 23:34

Axti Jesús nanti: “Iyaɨ, aixhimiaka ɨmoma, ityopiki chɨtusiupɨ ɨmoma axɨna isamutema.” Tapɨ axɨmanuma masortaboka sorteabo uimia ɨmomantoe naibixhti Jesús.

San Lucas 7:34

Auki kuatati Aɨtoxti ñoñɨnx, axti naki basoti chabotityo, axaño amukanaño ɨmoti taruku niyakaxti chabo'oxtityo, ityurapata axɨbama chuxiampɨ nɨrixhimia axɨbamaintyo bakaɨburuma monixh ɨmo Roma.

San Juan 7:12

Axɨpeku namanaiña baparioma kɨtɨpɨti. Aboma axɨbama namatɨ: “Axti maniki ñoñɨnx uxia axɨna isamutenti”. Tapɨ makiataka namatɨ: “Chuxiampɨ axɨna isamutenti. Tyopiki matachemakanati ɨmo makiataka.”

San Juan 7:39

Tyone axɨna nanti Espíritu axɨna toxiobo ñana ɨmoma axɨbama ikokoromati, tyopiki chiñataitikipɨ Espíritu Santo, tyopiki axti Jesús chɨsɨborikotikipɨ tato.

San Juan 7:52

Axɨma aiñumuma: –Axɨkɨtyo auki Galilea, asasio nuxia Nikorox, sane atusi aemo auki Galilea champɨti naki profeta kuabotitɨ.

Hechos 3:19

Sane naukiche, apiñokosio nomɨnantɨ, apikokosio yakɨpukuxti Tupax. Sane moximiakana tato uiti nanaiña axɨmanio nomɨnantɨ aboi,

Efesios 1:21

ui axɨmanu yarusɨrɨx nɨriakaxti, toxio uiti Tupax ɨmoti Cristo ɨriakaboti pɨrɨkɨ namanaiña axɨbama machoboreka axɨbamaintyo ane nɨriakaxɨma iku axɨna kɨx takanaintyo au axɨmanu iyebo kɨx kuabotɨki.

1 Timoteo 1:13

Tɨkañe chuxiampatai sobi ɨmoti Jesucristo, taruku nixhunku ɨmoti. Tapɨti Tupax pukɨrusuti chakuñɨ, tyopiki axɨñɨ chisuputakatikipɨ Cristo chɨtusiupɨtyo iñemo isane axɨna isamute.

1 Timoteo 1:15

Axɨna sane ta ñemanaunkuxatoe, tari namanaiña aikokoma: axti Cristo Jesús kuatati tɨkañe iku axɨna kɨx, nauki ataesɨmunuti eanaki nomɨnantɨ ɨmo axɨbama ane nomɨnantɨ uimia, axɨpekukimia axɨñɨ isusɨrɨka.

1 Timoteo 4:8

Ñemanauntu axtɨ ane niyachɨkoi axɨna nokɨtɨpɨ uixh chiyebopɨ ui noxokox, tapɨ axɨna nupukɨru tyaku makiataka tyone axɨna uxia ɨmo nanaiña, tyopiki ɨriotɨ ɨmo axɨmanu sɨborikixh ɨmo axɨna kaɨma takanaintyo axɨmanu kuabotɨki ñana.

1 Timoteo 6:17

Axɨbama taruku nenaxixhimia iku axɨna kɨx, ukanɨ ɨmoma tapɨ onkomatɨapae ɨmo nenaxixhimia, tyopiki champɨ nanenekiche axɨmanio nenaxixhimia tari onkomatɨ ɨmoti Tupax naki sɨborikoti, tyonenti naki uiche aityoximiati oemo nanaiña nuxiantɨmo, nauki uxia nusaka oboi.

2 Timoteo 4:10

Tyopiki axti Demas naki taruku nonxɨkɨxti yutaku axɨba ikuki axɨna kɨx, iñokonotiñɨ, sɨrotitɨ au Tesalónica. Tapɨti Crescente sɨrotitɨ au Galacia, tapɨti Tito sɨrotitɨ au Dalmacia.

Tito 2:12

Axɨmanu nipukɨruxti Tupax manunekana oemo nauki uiñokonio axɨba nomɨnantɨ chepe axɨba chuxiampɨ nuxiantɨmo ikuki axɨna kɨx, nauki kaɨma axɨba naneneka uisamune axɨna besɨro numapanaunku.

Santiago 1:27

Axɨna ñemanauntu makokonaunkux ɨmoti Tupax axti naki Uyaɨ tyone axɨna sane: basaratɨ tyakuma axɨbama tɨkoiñoma yaɨtoxɨma axtɨ takisɨrɨma axɨbaityo biuraka, au niyutakisɨrɨkɨx, tapɨ uisamute nomɨnantɨ ikuki axɨna kɨx.