San Mateo 12:10 - Manityanati Tupax

¹⁰ Anankati akamanu tamanti ñoñɨnx sɨɨbatai ne'esti. Tapɨ axɨma amonkomantai bapacheroma ityopikiche urabomati Jesús, ñankitioma pɨnanakiti: –¿Chebo oemo uxianati tato osoi naki maunxokono au axɨna nanenes sabaru?

Manitanati Tuparrü

¹⁰ Acamanupo anancati taman ñoñünrrü naqui süübatai neherrti. Arrümanuma fariseorrü bapacheroma niquiubuma causane nauqui urabomati Jesús. Ñanquitioma pünanaquiti, namatü: —¿Urria bacura ümo bama maunrrocono au nanenese nesa macansacarrü?

San Mateo 12:10 교차 참조

San Mateo 12:2

Auki axɨmanuma fariseos astaimia, auki namatɨ ɨmoti Jesús: –Asasatɨ, axɨbama aboma asiukɨ isamutema axɨna chichebopɨ oemo uisamune au axɨna nanenes sabaru.

San Mateo 19:3

Axɨmanuma fariseos sɨromatɨ esati Jesús nauki aiñama ñakokotoxɨma ɨmoti, ñankitioma pɨnanakiti: –¿Ensapɨ uxia uiñana oñɨ peese pɨnanaki nokɨposɨ ityopiki chɨtamampatai?

San Marcos 3:2

Astayomatɨ ɨmoti Jesús axtɨ uxiankati tato uiti au axɨmanu nanenes sabaru, nauki ane tyopikiche urabomati.

San Lucas 11:54

iñatama ñakokotoxɨma ɨmoti nauki oboi nuraxtiatoe ane ityopikiche urabomati.

San Lucas 13:14

Tapɨti maniki yɨriabux ɨmo sinagoga ɨnantɨ ɨmoti, ityopiki axti Jesús bakurarati au axɨmanu nanenes sabaru, nanti ɨmo axɨmanuma amonkoma akamanu: –Abe seixh naneneka nauki uisamune nubachɨkoi. Ausiapata au axɨmanio naneneka nauki uxiankaño tato, tapɨ abekatɨ au axɨna sabaru.

San Lucas 20:22

¿Uxia axtɨ supapakaka ɨmoti yɨriabux romano, o chuxiampɨ?

San Lucas 23:14

nanti ɨmoma: –Axaño abekatɨ tauna aɨbuti naki ñoñɨnx auna yesañɨ, amukanaño ausɨratai uiti aɨbu namanaiña axɨbama po'oso. Axɨñɨ xhankitio pɨnanakiti ausukarɨ champɨ tabɨko sobi nipɨnatenti axɨba ityopikiche sane nabura kɨtɨpɨti.

San Lucas 23:2

Akamanu urabomati Jesús isukarɨti Pilato. Namatɨ: –Tabɨkoti soboi naki ñoñɨnx ausɨratai uiti aɨbu namanaiña au axɨna noesa kɨx. Nanti tapɨ bacheka monixh ɨmoti Yɨriabux auki Roma, nantityo ta tyonenti Mesías, axti Yɨriabux.

San Juan 5:10

sane naukiche axɨmanuma judíos namatɨ ɨmoti maniki uxia tato ɨmoti: –Axɨna nanenes kaɨma sabaru. Tapɨ aikiata axɨmanu nakɨru.

San Juan 5:3

akamanu amonkoma sɨrɨmanama axɨbama maunxokonoma, axɨbama supusu, axɨbama chuxiampɨ namensɨma, axɨbamaintyo sɨɨbatai ni'ixhimia barɨkɨboma akɨ, abomantai akamanu ɨmo axtɨ pokoro axɨmanu tux.

San Juan 7:23

Ui nauxianka apikoko yakɨpukuxti Moisés, axaño circuncidaboti aboi tamanti simia au nanenes sabaru, ¿kausane autɨborikiatai iñemo ityopiki uxɨa tato sobi ɨmoti taman ñoñɨnx au nanenes sabaru?

San Juan 8:6

Axɨma ñankitioma pɨnanakiti axɨna sane nauki aiñama ñakokotoxɨma ɨmoti, sane ane ityopikiche urabomati. Tapɨti Jesús matakonokonoti, makonomonoti akɨ ui ne'esti.

San Juan 9:16

Aboma axɨbama fariseos namatɨ: –Axti maniki uiche aisamunenti axɨna sane, kanapae chɨtɨpɨ uiti Tupax aikɨpuruti, ityopiki chiñanauntatipɨ axɨna nanenes sabaru. Tapɨ makiataka namatɨ: –¿Kausane axti naki chuxiampɨ nisɨborikixhti aisamunenti axɨba champɨ tu bastai takana axɨba sane? Chichepepɨ ñakionkoxɨma.