San Mateo 11:28 - Manityanati Tupax

²⁸ Ausiapata tauna yesañɨ namanaiña axɨbama batachebo ui yachɨkoimia kianaintyo nikiakaxɨma, sobi tochenkoma.

Manitanati Tuparrü

²⁸ Ausiapata tauna yesañü namanaiña bama batachebo ui tarucu penarrü aboi, y ui napacoconauncu ümo bacüpucuca. Apacansa.

San Mateo 11:28 교차 참조

San Mateo 11:29

Apasusiu axɨna iñata autapeu, apisamuse nanaiña isiukiñɨ, axɨñɨ taruku nipukɨru axɨnaintyo niyausasɨ uxia uixh. Sane apikuñutui kauta apatochee.

San Mateo 23:4

Ityomoentama axɨna taruku numix aukakabo champɨti kusɨuru kiana, iñatama ompakɨ makiataka, tapɨ axɨma chixhanxɨpɨma aiñema pariu ui taman nasu ne'esɨma.

San Juan 6:37

Namanaiña axɨbama toxioma iñemo uiti Iyaɨ, kuamatɨ yesañɨ. Axɨbama kuamatɨ yesañɨ, chɨsɨropɨma ñana sobi tyɨrɨpo.

San Juan 7:37

Au nityakɨrux axɨmanu nanenes nipukɨnunkuxɨma tyone axɨna yarusɨrɨx ɨmoma. Au axɨmanu nanenes atɨraiti Jesús sukarɨ namanaiña, anityati kɨpurabo nuxia nuraxti: –Axti naki tosɨoti, tari yebatitɨ yesañɨ.

Hechos 15:10

Kaɨma, ¿kausane axaño auxianka apiñanaño kutakikiboti Tupax aɨbu axɨna napakɨpukuatoe ɨmo axɨbama ikokoromati Tupax, nauki aisamunema axɨna chuxiantempɨ osoi takanaintyo axɨbama uyaɨtaiki chisamutempɨma?

Hechos 20:35

Nantaxtai iñununekakaño ta sane uisamute axɨna nubachɨkoi, nauki bachetyo noñenaxi ɨmo axɨbama champɨ ane ɨmoma, sane tapɨ takɨrusu numakionko iyo axɨmanu nuraxti Yɨriabux Jesús, naukiche nanti: ‘Taruku nupukɨnunku axtɨ makumanaka, pɨnanaki baxɨpera basuriu.’

Gálatas 5:1

Kaɨburu uiti Cristo nomɨnantɨ okɨtɨpɨki nauki tapɨ ane nomɨnantɨ okɨtɨpɨ. Sane naukiche tapɨ amekatɨ tatityo ñome nomɨnantɨ sane kumanakax año ñome.

2 Tesalonicenses 1:7

Axtɨ tɨkuatati tato Yɨriabux Jesús auki napes, eana nonko pes, aɨbuma axɨbama ángeles, axti Tupax ane maximiakatax uiti aume sane takana isamutenti suiñemo.

Hebreos 4:1

Sane naukiche, axɨna ɨriotɨki atoxi oemo uiti Tupax axɨmanu nikɨxti, tari basarira nuxia tapɨ anati naki uyaxɨpekuki chiyebopɨ ñana uiti.

Apocalipsis 22:17

Axti Espíritu Santo chepe nikɨpostoti Nobixhax namatɨ: “¡Ariaku tauna!” Axti naki onkoiti, tari nanti: “¡Ariaku tauna!” Axti naki tosɨoti, axtɨ xhanxti, tari yebatitɨ achati aruki axɨna tux bachebo sɨborikixh champɨ isane ityoboche.