San Mateo 11:2 - Manityanati Tupax

² Axti Kuan, anankati amanatipo, ipiatenti nanaiña axɨna isamutenti Cristo. Auki bakɨpuruti axɨpekukimia axɨmanuma nesaxti apóstoles

Manitanati Tuparrü

² Arrti Juan Bautista anancati au preso. Ipiatenti nanaiña arrüna isamutenti Cristo. Auqui bacüpuruti ümo bama torrü ñanunecasarrti, nauqui ariorrüma esati Jesús

San Mateo 11:2 교차 참조

San Mateo 1:17

Abe catorce nikɨbɨkɨ axɨbama yaɨtoxɨma esakiti Abraham nauki aiñanai esati David, abetyo pikiataka catorce, esakiti David ichepe naukiche axɨbama tɨkañe auki Israel sɨromatɨ au Babilonia tomoenoma. Auki nityomoenkixhimia axɨbama auki Israel ichepe naukiche iñataiti Mesías abe pikiataka catorce.

San Mateo 14:3

Yakɨpukuxti Herodes tɨkañe nauki aiñenomati Kuan nauki aiñamanamatipo. Isamutenti sane auki naka Herodías nikɨpostoti Filipo naki yarukityoxtiatoe,

San Mateo 4:12

Naukiche tɨtusiu ɨmoti Jesús amanatipo Kuan uimia, sɨrotitɨ au Galilea.

San Mateo 9:14

Axɨmanuma nesaxti apóstoles Kuan Bautixhta sɨromatɨ esati Jesús ñankitioma pɨnanakiti: –Axɨsomɨ ichepe axɨbama fariseos ane auche chɨsubakapɨ ikonomo somea ɨmoti Tupax, ¿kausane axɨbama aboma asiukɨ chɨsanempɨ uimia?

San Marcos 6:17

Auki naka Herodías, akɨputi Herodes nauki aiñenomati Kuan, auki amanatipo uiti akamanu tomoenoti ui karenax. Herodías tyone tɨkañe poso aɨbuti Filipo, yarukityoxti Herodes Antipas, tapɨti Herodes posoti tato aɨbu.

San Lucas 3:19

Makuansomokonotityo ɨmoti Herodes, maniki yɨriabux, ityopiki ananka isiuti Herodías, nikɨpostoti yarukityoti, ityopikityo axɨba chomixhampɨ isamutenti.

San Lucas 9:7

Axti yɨriabux Herodes ipiatenti nanaiña axɨba omixhante. Auki chɨtusiupɨ ɨmoti kausane uiti, ityopiki aboma axɨbama namatɨ sɨborikoti tato Kuan,

San Juan 4:1

Axɨmanuma fariseos ipiatema sɨrɨmanama axɨbama sɨromatɨ isiuti Jesús sɨrɨmanamaintyo axɨbama ɨrioma uiti pɨnanakiti Kuan