San Mateo 10:17 - Manityanati Tupax

¹⁷ Amasasai nuxia, ityopiki ityoximianama año ñana meku mayɨriabuka, okɨsioma aume ubau sinagoga

Manitanati Tuparrü

¹⁷ Amasai nurria, itopiqui arrübama macrirrtianuca tiene que autorriquia uimia ümo bama mayüriabuca, nauqui acurrtama abaübu. Aucüboriquia uimia au ba poca sinagoga cauta nantarrü meaboma bama israelitarrü.

San Mateo 10:17 교차 참조

San Mateo 10:18

ikianamaintyo ñana esa axɨbama chiyaupɨ nɨriakaxɨma ichopikiñɨ. Sane apityusianka sukarɨma ta yaka auchepe sukarɨmaintyo axɨbama chɨriopɨma.

San Mateo 20:19

ityoximianamatityo ɨmo axɨbama auki iche nauki unumati, okɨsimia ɨmoti nauki aityakubaxiromatityo kɨtɨpɨ kurusɨx. Yopɨrɨkɨ trex naneneka sɨborikoti tato.

San Mateo 23:34

Sane naukiche xhakɨpuka ñana aume axɨbama profetas, axɨbama taruku ñapanaunkuxɨma ichepe axɨbama manunekanabo. Tapɨ axaño apityabaikiama takubaxiomaintyo aboi kɨtɨpɨ kurusɨx ñana, tapɨ ɨmo makiataka amokɨsikia ɨmoma ubau sinagoga matanekanama ñana amɨnana ubau poka.

San Mateo 26:59

Axɨmanuma ɨriatu axɨbama sacerdotes ichepe axɨmanuma mayɨriabuka bapacheroma axɨna chiñemanauntupɨ isiukiche urabomati nauki atoxiti Jesús ɨmo nikonkoxti,

San Mateo 5:22

Tapɨ axɨñɨ sukanañɨ aume, axtɨ anati naki tɨborikoti ɨmoti yarukityoti, toxioti ɨmo nɨriakax. Axti naki uratokioti ɨmoti yarukityoti toxioti meku mayɨriabuka. Axtityo naki chomixhampɨ nuraxti ɨmoti yarukityoti, ityopiki sɨrotitɨ au infierno.

San Marcos 13:12

Axɨbama yarukityoxɨmantoe ityoximianama ñana yarukityoxɨmantoe ɨmo nikonkoxɨma, ui yaɨtoxɨma ñana toxioma ɨmo nikonkoxɨma axɨbama aɨtoxɨmantoe. Axɨbama aɨtoxɨma champɨ ñana nikuaxɨma yaɨtoxɨma ɨmoma ta ityabairoma.

San Marcos 13:9

“Amasasai nuxia autakuapatoe. Tyopiki ityoximianama año ñana meku mayɨriabuka okɨsioma aume ubau sinagoga. Ikianama año esa axɨbama yarusɨrɨx nɨriakaxɨma ichopikiñɨ. Sane apityusiankata isukarɨma ta yaka auchepe.

San Lucas 12:11

“Axtɨ emekatɨ uimia ubau sinagoga, esa mayɨriabuka, axɨbama uiche asaraimia aume, tapɨ amontarabeka iyo axɨna aburapoboibo,

San Juan 11:47

Auki axɨmanuma fariseos ichepe axɨmanuma ɨriatu axɨbama sacerdotes oberabarama uimia namanaiña mayɨriabuka, namatɨ: –¿Kausane osoi? Axti naki ñoñɨnx taruku ñasamukuxti axɨba champɨ tu bastai.

San Juan 16:2

Ipenenoma año ñana auki sinagoga, kuantionki ñana axɨmanio naneneka, axtɨ anati naki ityabairoti año au ñakionkoxti baserebioti ɨmoti Tupax.

Hechos 17:14

Auki axɨmanuma ikokoromati Jesús, isiukai aikɨpurumati Pablo aɨrotitɨ abeu narubaityu tux, tapɨti Silas ichepeti Timoteo sɨsioma au Berea.

Hechos 22:19

Axɨñɨ sukanañɨ ɨmoti: ‘Yɨriabux, tusiu ɨmoma axɨñɨ yakatɨ ubau nanaiña sinagoga iyo axɨbama ikokoromakɨ nauki ityomoenoma sane iñamanamapo akamanu ñokɨsikia ɨmoma,

Hechos 26:11

Taruku nityakisɨrɨkɨxɨma sobi au nanaiña axɨmanio sinagogas nauki aiñokoma ñakokonaunkuxɨma, taruku nichɨbori kuatama yɨkatɨ isiuma axtɨ besɨburuma au pikiataka poka tanu ichee.

Hechos 9:2

mankioti kichonimiakax pɨnanakiti, nauki aɨrotitɨ ubau sinagogas au Damasco, nauki apacheti mañoñɨnka yochepe paɨka, axɨbama sɨromatɨ isiu axɨmanu aɨbo manunekakax, nauki ayematɨ uiti au Jerusalén tomoenoma.

Filipenses 3:2

¡Amasasai nuxia ñɨnanama axɨmanuma mañoñɨnka chuxiampɨ nisɨborikixhimia, tyopiki xhanxɨma nauki circuncidabo año!

2 Timoteo 4:15

Asasaityo nuxia ñɨnanati, tyopiki chuxiampɨ ɨmoti axɨna supanunekaka.

Hebreos 11:36

Aboma axɨbama taruku nunkuxɨma ɨmoma, kɨborioma uimia, amanamampo tomoenoma ui karenax uimia.