San Mateo 10:15 - Manityanati Tupax

¹⁵ Ñemanauntu sukanañɨ aume au axɨmanu tyakɨrux nanenes ñana axɨmanu manaityomokotox ɨmoma tarukapae pɨnanaki axɨmanuma auki Sodoma ichepe Gomorra.

Manitanati Tuparrü

¹⁵ Ñemanauncurratoe sucanañü aume: Arrtü iñatai manu nanenese nesa bacurrtacarrü torrio carrticurrü ümo manu pueblurrü. Arrümanu carrticurrü manrrü fuerte pünanaqui manu torrio ümo bama pohoso auqui Sodoma y Gomorra.

San Mateo 10:15 교차 참조

San Mateo 12:36

Sukanañɨ aume au axɨmanu tyakɨrux nanenes ñana namanaiña urabomakɨ ñana tyopiki chuxiampɨ nuraxɨma kɨtɨpɨ makiataka.

San Mateo 5:18

Ñemanauntu sukanañɨ aume, axtɨ sɨsioki axɨna napes ichepe axɨna kɨx, chɨkaɨburupɨ taman Nikorox pɨnanaki axɨmanu bakɨpukux uiti Moisés, chepe axtɨ nanaiña ñana omixhante.

San Mateo 7:22

Au axɨmanu nanenes ñana sɨrɨmanama axɨbama namatɨ iñemo: ‘Yɨriabux, Yɨriabux, axɨsomɨ supanityaka au nɨri, au nɨrityo supakaɨbuka machoboreka, au nɨri sopisamute axɨba champɨ tɨsumastai.’

San Marcos 6:11

Axtɨ ane kauta apiñatai chiyasuriurupɨma año chixhanxɨpɨmaintyo onkoimia napanunekaka, amekosityo aukimanu apikɨtobi kɨtox aupopeki, yakɨna atusi ɨmoma ta ane nipɨnatema.

San Juan 12:48

Axti naki chiyasuriurutipɨñɨ chixhanxtipityo aikokoti nisura, chauki tɨtanati naki uiche ane ityakisɨrɨkɨboti: axɨba nisura oboi ñana ane ityakisɨrɨkɨboti au axɨmanu tyakɨrux nanenes.

San Juan 6:39

Axɨna noñemaxti naki uiche aikɨpuruñɨ, ta tapɨ anati naki ensoro xhopɨnanakiñɨ axɨbama toxioma iñemo uiti, nauki asɨborimia tato sobi au axɨmanu tyakɨrux nanenes ñana.

San Juan 6:40

Tyopiki axɨna noñemaxti Iyaɨ ta nauki namanaiña axɨbama asaramatɨ ɨmoti Aɨtoxti Tupax tari aikokoromati, nauki aye uimia nisɨborikixhimia ɨmo nanaiña naskɨbeka: Sobi ñana sɨborikoma tato au axɨmanu tyakɨrux nanenes.

Hechos 17:31

Tyopiki axti Tupax kuatati ñana au axɨmanu nanenes ensɨmunu uiti tɨkañe, auche asaraiti ɨmo namanaiña aɨbu axɨna uxia ñapanaunkuxti, uiti taman ñoñɨnx naki samamekanati uiti ityusiankatati axɨna sane naukiche sɨborikoti tato uiti.”

1 Corintios 3:13

Axɨna niyachɨkoiti taman tyone tusiankanabo au axɨmanu tyakɨrux nanenes ñana. Tyopiki axɨmanu nanenes ñana kuatɨ aɨbu pes, ui axɨmanu pes atusi axtɨ uxia niyachɨkoimia namanaiña.

1 Tesalonicenses 5:4

Tapɨ axaño masarukityaiki chabakapɨ au tomikianene, ɨmo axtɨ kuatati tato ñana Yɨriabux Jesús tapɨ autabɨkatai takana uiti kusɨpɨx.

Hebreos 10:25

Tapɨ chuɨkapɨtɨ axtɨ oyoberabaka, takana aboma axɨbama isamutema sane, uisamunena aɨbu narukux oemo axɨna numakokonaunku ɨmoti Tupax, au axɨmaniampae naneneka axtɨ tɨsaimia ayetitɨ tato Jesucristo asaraiti ɨmo axɨna kɨx.

2 Pedro 2:6

Axti Tupax koiñomaintyo uiti axɨmanuma po'osoma auki Sodoma aukityo Gomorra, iñatati pes onɨma auki ɨroma uiti tɨmɨtɨte nikɨtɨpɨxɨma, uixh atusi ta sane ñana ɨmoma axɨbama chuxiampɨ nisɨborikixhimia.

2 Pedro 2:9

Axti Tupax añekanama uiti pɨnanaki makokotox axɨbama onkomatɨ ɨmoti, tapɨ axɨbama chuxiampɨ nisɨborikixhimia sɨsioma uiti ɨmo nityakisɨrɨkɨxɨma kɨmenu axɨmanu tyakɨrux nanenes ñana.

2 Pedro 3:7

Axɨna napes chepe axɨna kɨx kaɨma, omiñaxio ñana ui pes tyopiki sane yakɨpukuxti Tupax. Ui axɨmanu pes ɨroma ñana au axɨmanu tyakɨrux nanenes axɨbama chuxiampɨ nisɨborikixhimia axtɨ tastaiti nisɨboriki namanaiña.

1 Juan 4:17

Axtɨ ñemanauntu kuasɨrɨma oemo axɨbama usarukityaiki, axtɨ osɨborikiaityo takana nisɨborikixhti Cristo tɨkañe iku axɨna kɨx, champɨ ñɨnanache uixhu axtɨ tɨkuatati tato Jesús ñana asaraiti ɨmo namanaiña.

SAN JUDAS 1:6

Axɨbamaintyo ángeles chɨmakokonaumpɨma, onkono uimia nipoxɨma, amanamampo uiti Tupax kauta tarukapae tomikianene chepe axtɨ iñatai ñana axɨmanu nanenes ñana.

SAN JUDAS 1:7

Saneityo takana axɨmanuma ángeles, isiuityo Sodoma chepe Gomorra axɨmaniointyo poka tyupeku ityoximianamakɨ ɨmo axɨna chuxiampɨ nisɨborikixhimia, sɨromatɨ yusiu nomɨnantɨ axɨna chɨnantaxɨpɨ aisamunema. Sane naukiche sɨroma ɨmo nityakisɨrɨkɨxɨma oto pees ɨmo nanaiña naskɨbeka ta sane toxioboityo ñana ɨmo namanaiña.