San Marcos 9:42 - Manityanati Tupax

⁴² “Axtɨ anati naki iñatati makokotox ɨmo axɨbama ikokoromañɨ, uxiampɨpae axtɨ kusɨrɨbo aiyaruraɨburumati au narubaityu tux aɨbu taman kanx sɨrɨmanax tomoeno ityɨti.

Manitanati Tuparrü

⁴² Arrtü anati naqui iñatati macocotorrü ümo bama icocoromañü, nauqui tapü icocoromañünqui, manrrüpü urria arrtü tomoeno sürümanarrü canrrü itüti, nauqui botaboti aübu au narubaitu turrü.

San Marcos 9:42 교차 참조

San Mateo 17:27

Nauki, tapɨ anati naki chuxiampɨ ɨmoti, akosi au narubaityu tux, aiña mantax aikiaɨbu axɨna kusɨrɨbo aityono nopiokox. Tamɨnaunku obi ane au narux taman monixh, iñatai nikuax axɨna toxiobo sobi axɨnaintyo obi. Akosi aɨbu aityoximia.

San Mateo 18:10

“Tapɨ chɨkuasɨrɨpɨma aume axɨbama masiomanka. Tyopiki sukanañɨ aume au napes axɨbama nesaxɨma ángeles aboma asaramatɨ nantax ɨmo nisuxti Iyaɨ au napes.

San Mateo 18:6

“Axtɨ anati naki matapenekanati au nomɨnantɨ ɨmoti taman axɨpekukimia axɨbama masiomanka ikokoromañɨ, uxiampɨpae ɨmoti aruraɨburumati u narubaityu tux aɨbu taman kanx tomoeno ityɨti.

Hechos 9:4

Auki pakioti akɨ chakuki niyabuxti, auki onkoiti tosibixh, nantɨ ɨmoti sane: “Saulo, Saulo, ¿kausane asikia aikuneunuñɨ?”

Romanos 14:13

Sane naukiche, tapɨ aninki nɨmoche osoi nipɨnatenti kiatax, tapɨ sane aboi, apiña nuxia nauki apisamune axɨna uxia tapɨ makokotox año ɨmoti aubaruki nauki atapeneti aboi, uixh kaɨma iñokotati axɨna ñakokonaunkuxti ɨmoti Tupax.

Romanos 15:21

Takana axɨna ane korobo iku Nikorox: “Astaimia ñana axɨbama champɨ tɨtusiu ɨmoma nɨrixhti. Ipiakama ñana axɨbama champɨ tonkoimia nɨrixhti.”

Romanos 16:17

Masarukityaiki, amasasai nuxia ñɨnana axɨbama kiatax ñapanaunkuxɨma iñatama ñakokotoxɨma axɨna uiche apiñanaño pese pɨnanaki axɨna manunekatax apasutiu. Apikiaɨbusaño axɨpekukimia,

2 Corintios 6:3

Champɨ kausane suisɨboriki sukarɨ makiataka, sane tapɨ anati naki chuxiampɨ ɨmoti axɨna supachɨkoi.

Filipenses 1:10

nauki apipia apapacherio axɨna uxia. Sane uxia ñana nausɨboriki, nauki tapɨ autapeneka chepe axtɨ kuati tato Cristo.

1 Timoteo 5:14

Sane naukiche ixhanka nauki axɨba biuraka kupikikiaiki, aupo tatityo, nauki aboma ñupaɨmakax, nauki amasaratɨ tyakuma. Sane axɨbama chikokoropɨmati Cristo champɨ isiukiche chuxiampɨ nuraxɨma oemo.

2 Pedro 2:2

Sɨrɨmanama ñana isamutema nisɨborikixhimia takana axɨmanuma mapañama anunekama, isamutema nanaiñantai axɨba chomixhampɨ au nisɨborikixhimia. Auki nakaxɨma makiataka ñana chuxiampɨ nuraxɨma ɨmoma axɨbama ikokoromati Jesús.