San Marcos 9:31 - Manityanati Tupax

³¹ ityopiki manunekanati ɨmo axɨbama nesaxti apóstoles. Nanti ɨmoma: –Axti Aɨtoxti naki noñɨnx toxiotiki meku mañoñɨnka, yakɨna aityabairomati. Ta yopɨrɨkɨ trex naneneka sɨborikoti tato.

Manitanati Tuparrü

³¹ Urapoti isucarüma sane: —Arrüñü Ñemanauncurratoe Ñoñünrrü tiene que aitorrimianamañü mecu mañoñünca nauqui aitabairomañü, pero pürücü trerrü naneneca isüboriquia tato.

San Marcos 9:31 교차 참조

San Mateo 16:21

Auki axɨmanu sane axti Jesús urapoiti sukarɨma axɨmanuma nesaxti apóstoles ta sɨrotitɨ ñana au Jerusalén, tapɨ axɨbama mayɨriabuka, ichepe ɨriatu axɨbama sacerdotes ichepetyo axɨbama manunekanama ɨmo bakɨpukux uiti Moisés taruku ñana nityakisɨrɨkɨxti uimia. Nanti ɨmoma koiñoti ñana uimia, ta yopɨrɨkɨ trex naneneka sɨborikoti tato.

San Marcos 9:12

Aiñumuti: –Ñemanauntu kusɨrɨboti Elías ayetitɨ, uiti aikoñokoti nanaiña. ¿Kausane monantɨ axɨba Nikorox axti Aɨtoxti noñɨnx takisɨrɨti ñana champɨityo nikuasɨrɨkɨxti?

San Marcos 8:31

Auki manunekanati Jesús ɨmoma ta axti naki Aɨtoxti noñɨnx taruku ñana nityakisɨrɨkɨxti, chiyasuriurupɨmati axɨbama mayɨriabuka, takanentyo ɨriatu axɨbama sacerdotes axɨbamaintyo manunekanama niriakax. Nanti ɨmoma ta uimia ñana aityabairomati, yopɨrɨkɨ trex naneneka sɨborikoti tato.

San Lucas 24:26

¿Chɨtusiupɨ aume samamekanati Mesías atakisɨrɨti oboi nanaiña axɨba omixhankio ɨmoti kɨmenu atoxi ɨmoti nɨriakaxti?

San Mateo 26:2

–Axaño tɨtusiu aume, yopɨrɨkɨ axɨba tox naneneka iñatai pukɨnunkux Paxkua, axti Aɨtoxti ñoñɨnx ityoximianamati nauki aityakubaxiromati kɨtɨpɨ kurusɨx.

San Mateo 20:28

Tyopiki, sanentityo Aɨtoxti ñoñɨnx, chɨkuatatipɨ nauki aserebimia ɨmoti, ta kuatati nauki aserebiti nauki aityoximiatityo nisɨborikixhti ityoboma axɨbama taruku nububikixhimia.

2 Timoteo 2:12

Axtɨ utakisɨrɨka aɨbu narukux oemo, iyebo ñana osoi kauta nakaxti. Axtɨ chuxiankapɨ basuriuruti, axtityo chiyasuriurutipɨ oñɨ ñana.

San Juan 10:18

Champɨti naki ikiaɨbutati nisɨboriki, axɨñɨ ityoximiata ui niñoñemantoe. Ane nisɨriaka nauki ityoximia nisɨboriki, anentyo nisɨriaka nauki yasuriu tatityo, tyone axɨna yakɨpukuxti Iyaɨ nauki isamune.

San Juan 3:14

Saneityo takanati Moisés tɨkañe, sɨro ape uiti axɨmanu noixhobox kauta champɨ sɨborikixh, sanentityo Aɨtoxti ñoñɨnx sɨrotitɨ ape,

San Juan 2:19

Aiñumuti Jesús nuraxɨma: –Apiñaximiaka axɨna nipo meankax, axɨñɨ yopɨrɨkɨ trex naneneka atɨrai tato sobi.

San Lucas 9:44

–Amonsapesio nuxia axɨna sane tapɨ takɨrusu napakionko: axti Aɨtoxti ñoñɨnx toxioti taunainki meku mañoñɨnka.

San Mateo 27:63

namatɨ ɨmoti: –Axɨkɨ yɨriabux, supakionkasomɨ ɨmoti maniki taruku ñapantuxti, naukiche sɨborikotiki, nanti yopɨrɨkɨ trex naneneka sɨborikoti tato.

San Marcos 10:34

Unumati ñana, utureuruma kɨtɨpɨti, okɨsioma ɨmoti ityabairomati. Ta yopɨrɨkɨ trex naneneka sɨborikoti tato.”