San Marcos 9:20 - Manityanati Tupax

²⁰ Auki aikianamati maniki ñaɨma esati Jesús. Naukiche asaratitɨ chobores ɨmoti Jesús, maniki ñaɨma, taɨbɨkoti tatityo akɨ iñaxɨkɨnakanatiyɨ atɨo aikiti.

Manitanati Tuparrü

²⁰ Numo asaratitü choborese ümoti Jesús, yaruraüburutiti maniqui ñaüma tatito acü, atüo ahiquiti.

San Marcos 9:20 교차 참조

San Marcos 1:26

Uiti maniki chobores konsaboti tatityo maniki ñoñɨnx, rabotɨ nuxia nityosibixhti niyɨkɨxti kɨtɨpɨkiti.

San Marcos 9:18

Kauta tabɨkoti uiti, akamanu axti chobores iyaruraɨburuti akɨ. Atɨo aikiti, botokio no'oxti sɨsioti kɨsɨburuti akɨ'ɨ. Xhankitio pɨnanaki axɨbama aesa apóstoles yakɨna aikiaɨburumati chobores kɨtɨpɨkiti, chɨkaɨburutipɨ uimia.

San Marcos 9:19

Aiñumuti Jesús: –¡Axaño mañoñɨnka champɨ napakokonaunku! ¿Auchepɨpae iñokonaño apanauntaka? ¿Auchepɨ ñana aye aboi? Apikiasti tauna maniki ñaɨma.

San Marcos 9:21

Auki ñankitioti Jesús pɨnanakiti yaɨtoti: –¿Tɨ koboi nakaxti aɨbu axɨna sane? Aiñumuti yaɨtoti: –Naukiche simiantiki.

San Marcos 9:26

Tosibikoti maniki chobores, konsaboti tatityo maniki ñaɨma uiti. Auki sɨrotitɨ kɨtɨpɨkiti, simia nikonkoxti uiti akamanu namatɨ, koiñotiapae.

San Lucas 4:35

Auki makuansomokonoti Jesús ɨmoti maniki chobores, nanti ɨmoti: –¡Etaiso akosi kɨtɨpɨkiti naki ñoñɨnx! Auki axti maniki chobores yarɨraɨburuti akɨ maniki ñoñɨnx sukarɨ namanaiña, auki sɨrotitɨ kɨtɨpɨkiti champɨ kausane uiti ɨmoti.

San Lucas 8:29

Nanti sane maniki chobores tyopiki tɨnanti Jesús ɨmoti nauki aɨrotitɨ kɨtɨpɨkiti. Yacheataxti maniki chobores aɨroti kɨtɨpɨti. Axɨbama makiataka ityomoentama ne'esti yochepe nipopesti ui karenax tapɨ taesɨburuti, botopɨro uiti axti maniki chobores besɨburuti aɨbuti kauta champɨ sɨborikixh.

San Lucas 9:39

Tamanti chobores iñenoti, tosibikoti konsabotityo uiti atɨo aikiti. Emeonoti chixhanxtipɨ aiñemekanati.

San Lucas 9:42

Naukiche sɨrotitɨ esati maniki ñaɨma, iyaruraɨburuti tatityo akɨ maniki chobores konsaboti uiti. Tapɨti Jesús makuansomokonoti ɨmoti maniki chobores, sane uxiankati tato maniki ñaɨma uiti auki aityoximianati ɨmoti yaɨtoti.

San Juan 8:44

Axti aubaɨ tyonenti chobores. Axaño auxianka apisamune isiu axɨna nixhankaxti. Axti chobores aukiapae tɨkañe yatabayoxti tarukuityo ñapantuxti. Nanaiña axɨna nuraxti chiñemanauntupɨ, uiti taruku ñapantuxɨma mañoñɨnka.

1 Pedro 5:8

Amasasatɨ nuxia kɨmenu axɨna kuabotɨ aume, tyopiki axti naki chuxiampɨ uiti aume axti chobores anati takana nuitɨmɨx kɨrɨpɨo bapachero utuburibo.