San Marcos 8:6 - Manityanati Tupax

⁶ Auki bakɨpuruti nauki atɨmoma akɨ, aikianiontiño mekuti axɨmanio siete pan, machampienkanati ɨmoti Tupax, bochepesɨro uiti auki botoxio ɨmoma axɨbama nesaxti apóstoles tari uimia aityoximiama ɨmo namanaiña, ta sane isamutema.

Manitanati Tuparrü

⁶ Auqui bacüpuruti Jesús ümo macrirrtianuca nauqui atümoma. Auqui iquianiontiño mecuti manio siete pan. Machampiencanati ümoti Tuparrü. Ichepesünaniotiño nauqui rrepartibo ui bama ñanunecasarrti ümo macrirrtianuca.

San Marcos 8:6 교차 참조

San Mateo 26:26

Naukiche amonkomainki basoma, ikiatati Jesús mekuti axɨmanu pan, naukiche tɨmachampienkanati ɨmoti Tupax, chepesɨro uiti aityoximiati ɨmo axɨmanuma nesaxti apóstoles, nanti sane: –Apasusiu auba, axɨna tyone nisɨtɨpɨ.

San Marcos 8:20

–Karɨ naukiche bochepesɨro sobi axɨmanio siete pan ɨmo axɨmanuma cuatro mil, ¿mantukubu nokonoka takɨmanaunkunu aboi? Aiñumuma: –Siete.

San Marcos 8:5

Ñankitioti Jesús pɨnanakimia: –¿Mantukubu pan abe aboi? –Aiñumuma–abe siete.

San Marcos 8:7

Abetyo uimia mɨmanantai nopiokomanka. Bukurusɨo uiti Jesús, bakɨpurutityo autoxi ɨmo namanaiña.

San Lucas 12:37

Taikiana chiyaupɨ nipukɨnunkuxɨma axɨbama kumanakax axtɨ iñataiti tato naki ɨmoche aserebimia, tabɨkoma uiti astayomatɨ. Ñemanauntu sukanañɨ aume axti maniki ɨmoche aserebimia tɨmonsoma uiti auki uixhtiatoe basaparati ɨmoma.

San Lucas 24:30

Naukiche tɨtɨmonsoma nauki a'ama, asuriuti mekuti axɨmanu pan, achampienkati ɨmoti Tupax, aichepesɨnati auki aityoximiati ɨmoma.

San Juan 2:5

Tyone nantɨ ɨmo axɨmanuma amonkoma basaparama: –Apisamuse nanaiña axɨna nantɨ aume.

San Juan 6:23

Auki opiñatai pikiataka canoa auki axɨmanio poka Tiberias saimia axɨmanu kauta amonkoma basoma axɨmanio pan naukiche axti Yɨriabux machampienkanati.

Romanos 14:6

Axti naki iñanauntati taman nanenes, nauki anaunti ɨmoti Tupax tari iñanaunati. Tapɨti naki basoti aruki nanaiñantai, nauki anaunti ɨmoti Yɨriabux tari basoti, ityobo machampienkanati ɨmoti Tupax. Sanentityo naki chɨbasotipɨ nañes, nauki anaunti ɨmoti Yɨriabux chiñatentipɨ axtɨ machampienkanatityo ɨmoti Tupax.

Colosenses 3:17

Nanaiña axɨna napachɨkoi napanityaka, apisamuse au nɨrixhti Yɨriabux Jesucristo, apachampienka ɨmoti Tupax naki Uyaɨ yotopiki axɨba isamutenti Jesús autaku.