San Marcos 8:17 - Manityanati Tupax

¹⁷ Tusinaunx ɨmoti Jesús, nanti ɨmoma: –¿Kausane amukanaño champɨ aboi amutuburibo? ¿Kaɨmainki chɨtusiupɨ aume? ¿Champɨ tusiu aume?

Manitanati Tuparrü

¹⁷ Tusiatai ümoti Jesús arrüna nurarrüma. Nanti ümoma: —¿Causane tarucu napapensaca iyo arrüna champü pan aboi? ¿Chütusioiquipü aume? ¿Chapicococapüñünqui? ¿Tairriqui nabausasü?

San Marcos 8:17 교차 참조

San Mateo 12:15

Naukiche tɨtusiu ɨmoti Jesús, sɨrotitɨ aukimanu, sɨrɨmanama sɨromatɨ isiuti. Uxiankama tato uiti Jesús sɨrɨmanama axɨbama maunxokonoma,

San Mateo 15:17

¿Chɨtusiupɨ aume nanaiña axɨna sɨro okɨtɨpɨ auki nusaru sɨrotɨ au nokiporo, auki kaɨma sɨrotityo okɨtɨpɨki?

San Mateo 16:7

Axɨmanuma nesaxti apóstoles namatɨ ɨmomantoe: –¡Champɨ pan kuatɨ soboi!

San Marcos 16:14

Ta'aiki pariu ityusiankanatiyɨ Jesús isukarɨ axɨmanuma once nesaxti apóstoles, amonkoma tɨmonsoma basoma. Akamanu kuasoma uiti ityopiki chikokotapɨma tyakuityo nityai nausasɨxɨma, ui axɨna chikokotapɨma nuraxɨma axɨbama ityusiankanatiyɨ isukarɨma, ta sɨborikoti tato.

San Marcos 2:8

Tɨtusinaunku ɨmoti Jesús axɨna ane au ñakionkoxɨma, ñankitioti pɨnanakimia: –¿Kausane sane napakionko?

San Marcos 3:5

Auki asaratitɨ Jesús aɨbu nityɨborixhti ɨmo axɨmanuma amonkoma tyupekuti, aɨbuityo nisuchekixhti ityopiki champɨ nipukɨru nausasɨxɨma nanti ɨmoti maniki ñoñɨnx: –Aipesɨnaka ne'e. Axti maniki ñoñɨnx ipesɨnakatati, auki axɨmanu ne'esti uxiante tato.

San Marcos 6:52

tyopiki chɨtusiupɨ ɨmoma axɨmanu champɨ tastaimia yupu axɨmanio pan, ityopiki ane au tomikianene axɨna nipiakaxɨma.

San Marcos 8:16

Axɨbama nesaxti apóstoles baparioma ɨmomantoe ta champɨ uimia utuburiboma.

San Lucas 24:25

Auki nanti Jesús ɨmoma: –¡Tarukapae champɨ iyebo aboi masamuñampae apikoko nanaiña axɨna urapoimia tɨkañe axɨbama profetas!

San Juan 16:30

Sumastai kaɨma tusiu aemo nanaiña champɨ nɨmoche supankirio apɨnanakikɨ. Sane naukiche sopikokota ta axɨkɨ ayekatɨ tyupekukiti Tupax.

San Juan 21:17

Tɨtabe trex ñankikixhti pɨnanakiti nanti ɨmoti: –Simón, aɨtoxti Kuan, ¿isuasɨrɨka aemo? Auki sucheboti Peru tyopiki tɨtabe trex ñankikixhti pɨnanakiti axtɨ kuasɨrɨti ɨmoti. Aiñumuti nuraxti: –Yɨriabux, tusiu aemo nanaiña: axɨkɨ tusiu aemo ta akuasɨrɨka iñemo. Nanti Jesús ɨmoti. –Asasatɨ yutaku niyabu nobixhaka.

Apocalipsis 2:23

Ɨmoma axɨbama aɨtoxɨma koiñoma sobi, auki namanaiña axɨbama ikokoromañɨ ta axɨñɨ tusiu iñemo axɨna ane au nityanuxɨma au nausasɨxɨma. Axɨñɨ ityoximiata aume isiuki axɨna uxiante aboi.