San Marcos 7:19 - Manityanati Tupax

¹⁹ tyopiki chɨsɨropɨ au nuyausasɨ, ta sɨro au nokiporo auki ta'a sɨrotityo okɨtɨpɨki? Ui axɨna sane xhanxti nanti nanaiña axɨba umatamoebo champɨ nomɨnantɨ yokɨtɨpɨ.

Manitanati Tuparrü

¹⁹ Itopiqui umate; chüsüropütü au nuyausasü, ta süro au nuñaunso, y auqui barutaübu tato tanene. Tone ñanunecacarrti Jesús: Nanaiña arrüba umate, ta omirria.

San Marcos 7:19 교차 참조

San Mateo 15:17

¿Chɨtusiupɨ aume nanaiña axɨna sɨro okɨtɨpɨ auki nusaru sɨrotɨ au nokiporo, auki kaɨma sɨrotityo okɨtɨpɨki?

San Marcos 7:18

Nanti ɨmoma: –¿Axañointyo chiyebopɨ aboi? ¿Chɨtusiupɨ aume axɨna sɨro kɨtɨpɨti ñoñɨnx auki tyɨrɨpo chityonempɨ axɨna uiche aɨroti au nomɨnantɨ,

San Lucas 11:41

Axtɨ apakumanaka apityoximia auki nautusi, sane uxia naka nausɨboriki.

Hechos 10:15

Axɨmanu manityakax nantɨ tatityo ɨmoti: “Axɨba bukaɨburu nomɨnantɨ yokɨtɨpɨki uiti Tupax tapɨ ukanɨ ñome ane nomɨnantɨ yokɨtɨpɨ.”

Hechos 11:9

Auki nantɨ tatityo iñemo axɨmanu manityakax auki napes: ‘Axɨba bukaɨburu nomɨnantɨ yokɨtɨpɨki uiti Tupax tapɨ ukanɨ ñome ane nomɨnantɨ yokɨtɨpɨ.’

1 Corintios 6:13

Amukanañointyo sane: “Axɨna xhutuburiboñɨ ta ɨmo nikiporo, tapɨ axɨna nokiporo ta ɨmo axɨna xhutuburiboñɨ.” Unka ñemanauntu, uiti Tupax ñana axɨmanio tox butakɨrusu. Tapɨ axɨna nokɨtɨpɨ chɨtɨpɨ ɨmo nomɨnantɨ ta ɨmoti Tupax, axtityo Tupax ɨmo axɨna nokɨtɨpɨ.

Colosenses 2:16

Sane naukiche tapɨ chebo oboi anati naki chuxiampɨ nuraxti aume axtɨ aubaka axtɨ auchaka, tyopiki chapiñanauntapɨ axɨba naneneka nesa pukɨnunkux, takanaintyo axtɨ aɨbo ane tato ape panx axɨbaityo naneneka sábaruka.