San Marcos 5:34 - Manityanati Tupax

³⁴ Nanti Jesús ɨmo: –Nichakimuku, ityopiki nakokonaunku uxiankɨ tato. Akosi tato chauki tuxiankɨ tato ui axɨmanu noxokox.

Manitanati Tuparrü

³⁴ Auqui nanti ümo: —Arrücü ataquisürüca iñemo. Chauqui turriancü tato, itopiqui aicococañü.

San Marcos 5:34 교차 참조

San Mateo 9:2

Akamanu sɨromatɨ esati Jesús aɨbuti tamanti naki chɨpokorotipɨ, barɨkɨroti iku nikɨruxti. Naukiche astaiti Jesús axɨna ñakokonaunkuxɨma, nanti ɨmoti maniki maunxokono: –Aiña nuxia, isaɨ. Axɨba nomɨnantɨ obi tɨmoximiakana tato.

San Mateo 9:22

Tapɨti Jesús basɨkɨbɨkoti tato, asaratitɨ ɨmo axɨmanu paɨx nanti ɨmo: –Aiña nuxia nichakiumuku, ui axɨna nakokonaunku uxiankɨ tato.

San Marcos 10:52

Nanti Jesús ɨmoti: –Akosi tato. Tyopiki nakokonaunku uxiankɨ tato. Isiukai axti maniki supusu asaratɨ tato, sɨrotitɨ isiuti Jesús isiu kutubiux.

San Marcos 3:10

Tyopiki sɨrɨmanama uxiankama tato uiti, namanaiña axɨbama maunxokonoma xhanxɨma aiñenomati.

San Marcos 5:29

Tochenaña, narapaka notox kɨtɨpɨki, onkisio nikɨtɨpɨx uxiantato axɨmanu noxokox.

San Marcos 5:33

Axɨmanu paɨx, paichokonono ui nixhukux ui axɨna sane uxiante ɨmo, ariox achesoi esati, uraboi sukarɨti nanaiña.

San Lucas 17:19

Nanti ɨmoti maniki ñoñɨnx: –Atɨsai akosi tato. Tyopiki nakokonaunku uxiankɨ tato.

San Lucas 18:42

Nanti Jesús ɨmoti: –¡Asakatɨ tato! Ui nakokonaunku uxiankɨ tato.

San Lucas 7:50

Tapɨti Jesús nantityo, asaratitɨ ɨmo axɨmanu paɨx: –Ityopiki axɨna nakokonaunku ataesɨbuka eanaki nomɨnantɨ. Taikiana uxia naɨkɨ tato.

San Lucas 8:48

Nanti Jesús ɨmo: –Nichakiumuku, ui axɨna nakokonaunku uxia tato aemo. Akosi tato taikiana uxia aemo.

Hechos 14:9

Anankati onsapekoti nuraxti Pablo, auki asaratitɨ Pablo ɨmoti astaiti axɨmanu ñakokonaunkuxti ta iñatai nauki uxianati tato.

Hechos 15:33

Naukiche tomenotɨ sɨrɨmana naneneka, axɨmanuma ikokoromati Jesús auki Antioquía masamunuma nariox ɨmoma aɨbu nixhankaɨma taikiana uxia nisɨborikixhimia nauki aɨromatɨ tato esa axɨmanuma uiche tɨkañe aikɨpuruma.

Hechos 16:36

Axti maniki asaratitɨ tyakuma nanti ɨmoti Pablo: –Mayɨriabuka namatɨ iñemo nauki iñemekanaño. Amekosi tato taikiana uxia namame tanu.

Santiago 2:16

Champɨ nanenekiche ɨmoti axtɨ ukanɨ ɨmoti: “Taikiana uxia naɨkɨ tanu, aiña akɨtɨpɨkɨ naibi a'aityo chepe nabe”, axtɨ chɨtoxiopɨ obi aibiboti takanaintyo utuburiboti.