San Marcos 5:2 - Manityanati Tupax

² Naukiche tɨsɨroti akɨ Jesús auki axɨmanu canoa, kuatati esati tamanti ñoñɨnx anati chobores kɨtɨpɨti. Axti maniki ñoñɨnx anankati uturu nikɨ makoiñoka,

Manitanati Tuparrü

² Numo tübajaboti Jesús auqui manu barco, cuati taman ñoñünrrü auqui panteón naqui anati choborese auti.

San Marcos 5:2 교차 참조

San Marcos 1:23

Au axɨmanu tube ane sinagoga anankati akamanu tamanti ñoñɨnx anati chobores kɨtɨpɨti, tosibikoti:

San Marcos 1:26

Uiti maniki chobores konsaboti tatityo maniki ñoñɨnx, rabotɨ nuxia nityosibixhti niyɨkɨxti kɨtɨpɨkiti.

San Marcos 3:30

Sane nuraxti Jesús ityopiki namatɨ ta anati chobores kɨtɨpɨti.

San Marcos 3:9

Sane naukiche, nanti Jesús ɨmo axɨbama nesaxti apóstoles apachema taman canoa, yakɨna tapɨ isimianamati axɨmanuma tarukapae nububikixhimia.

San Marcos 4:1

Manunekanati tatityo Jesús abeu narubaityu tux. Tyopiki iyoberabaramakɨ tarukapae nububikixhimia, axti Jesús sɨroti au taman canoa axɨmanu ananka akamanu isu tux, atɨmoti akamanu, tapɨ axɨma sɨsioma akamanu abeu tux.

San Marcos 4:36

Auki makiataka onkonoma uimia sɨromatɨ aɨbuti Jesús au axɨmanu canoa kauta anankati. Axɨmanio pikiataka canoa omenotityo ichepema.

San Marcos 5:21

Naukiche sɨrotitɨ tato Jesús ta'a tyopɨ axɨmanu narubaityu tux, iyoberabaramankɨ tatityo sɨrɨmanama, tapɨti sɨsioti isiu nabeux.

San Marcos 5:3

ityopiki akamanu po'osoti. Champɨti kusɨuru ɨmoti, botopɨro uiti nityomoentopxti karenax.

San Marcos 5:8

Sane nuraxti maniki chobores tyopiki axti Jesús tɨnanti ɨmoti: –¡Axɨkɨ chobores aiñokosoxti naki ñoñɨnx!

San Marcos 7:25

Tusinaunx ɨmo nipiapa axɨmanu kupikixh anati chobores kɨtɨpɨ, ariox achesoi yobesa nipopesti Jesús.

San Lucas 8:27

Naukiche sɨroti akɨ Jesús, kuatati kɨmenuti tamanti ñoñɨnx auki axɨmanu tube anati chobores kɨtɨpɨti, sɨrotitɨ esati. Tɨkoboi chiñatatipɨ naibixhti kɨtɨpɨti chɨpo'osotipityo au pox, po'osoti eana nikɨ makoiñoka.

San Lucas 9:42

Naukiche sɨrotitɨ esati maniki ñaɨma, iyaruraɨburuti tatityo akɨ maniki chobores konsaboti uiti. Tapɨti Jesús makuansomokonoti ɨmoti maniki chobores, sane uxiankati tato maniki ñaɨma uiti auki aityoximianati ɨmoti yaɨtoti.