San Marcos 5:13 - Manityanati Tupax

¹³ Toxio uiti Jesús ɨmoma, auki axɨmanu ikiaɨburumakɨ machoboreka kɨtɨpɨkiti maniki ñoñɨnx sɨroma yokɨtɨpɨ nupaucheka. Axɨmanio nupaucheka, saimia dos mil nububikixh, auki axɨmanu opipiakɨnaño kɨmama bupakio au tux, akamanu mokoiño.

Manitanati Tuparrü

¹³ Torrio uiti ümoma. Süromatü manuma machoboreca ubau manio nupaucheca. Uirri caüma arrümanio nupaucheca rrepenteatai opipiacünaño esaqui manu yiriturrü. Bupaquio eana turrü y ububacara. Enterurrü mocoiño, nububiquirri taqui dos mil.

San Marcos 5:13 교차 참조

San Mateo 7:6

“Tapɨ apityoximiakio axɨba bukurusɨo ñome tamokoka, ityopiki kuantio tato ñana aukɨtɨpɨ auki chinxhio año oboi. Tapɨ apityoximiakio axɨba omixhia namenaxi ñome nupaucheka, ityopiki opikɨmonio ñana.

San Mateo 8:32

Nanti Jesús ɨmoma: –Amekosi. Axɨmanuma machoboreka ikiaɨburumakɨ kɨtɨpɨki axɨmanuma mañoñɨnka sɨromatɨ yokɨtɨpɨ nupaucheka. Isiukai nanaiña axɨmanio nupaucheka opipiakɨnaño kɨmama opiñatai au narubaityu tux opiñemekanaño eana, akamanu mokoiño.

San Marcos 5:12

ñankitioma tatityo axɨmanuma machoboreka pɨnanakiti: –Aikɨpusu somɨ yobesa nupaucheka, cheboityo obi someno yokɨtɨpɨ.

San Marcos 5:14

Auki axɨmanuma asaramatɨ yutaku nupaucheka besɨburuma, sɨromatɨ uraboimia au tube nanaiña axɨna astaimia. Namanaiña sɨromatɨ asaborimia.

San Juan 8:44

Axti aubaɨ tyonenti chobores. Axaño auxianka apisamune isiu axɨna nixhankaxti. Axti chobores aukiapae tɨkañe yatabayoxti tarukuityo ñapantuxti. Nanaiña axɨna nuraxti chiñemanauntupɨ, uiti taruku ñapantuxɨma mañoñɨnka.

1 Pedro 3:22

naki sɨrotitɨ tato au napes atɨmoti au nepanaunkuxti Tupax, naki Yɨriabuxti ɨmoma axɨbama ángeles nanaiñaintyo nausɨpɨxɨma axɨbama ane nɨriakaxɨma.

Apocalipsis 20:7

Axtɨ tomenotɨ axɨmanio mil naskɨbeka, emekanati tato chobores,

Apocalipsis 9:11

Axti maniki yɨriabux ñome axɨmanio nubasoroka, tyonenti axti maniki ángel auki tomikianene, nɨrixhti auki hebreo Abadón, tapɨ auki griego Apolión, auki axɨmanio tox manityakax yatabayox.