San Marcos 4:15 - Manityanati Tupax

¹⁵ Aboma axɨbama takana axɨmanio niyoma omenobo kɨtu bupakio isiu kutubiux: onkoimia axɨba omixhia manityakax, axtɨ tonkoimia kuatati Chobores aikiaɨbuti axɨba omixhia manityakax omeno au nausasɨxɨma.

Manitanati Tuparrü

¹⁵ Aboma bama tacana manio niyo trigo bupaquio isiu cutubiurrü. Cuati choborese iquiaübutati auqui nausasürrüma nurarrti Tuparrü.

San Marcos 4:15 교차 참조

San Mateo 13:19

Axɨbama onkoimia axɨba omixhia manityakax kɨtɨpɨ nɨriakax chiyebopɨ uimia, tyonema takana axɨmanu sɨrobo kɨtu pakio isiu kutubiux. Kuatɨ makokotox kaɨburu uixh axɨba omixhia manityakax omeno au nausasɨxɨma.

San Mateo 22:5

Tapɨ axɨmanuma ane batasukux ɨmoma chikokotapɨma. Axti maniki taman sɨrotitɨ au niyoxti, axti kiatax sɨrotitɨ asaraiti nimonixhti,

San Mateo 4:10

Aiñumuti Jesús nuraxti: –Akosi aukina, Chobores, ityopiki iku Nikorox nantɨ sane: ‘Anau ɨmoti Yɨriabux Tupax aemo, ɨmotiatai aserebi.’

San Marcos 4:14

Axti maniki mankɨturu tyonenti takanati maniki urapoiti axɨba omixhia manityakax.

San Marcos 4:16

Makiataka takana axɨmanio niyoma omeno kɨtu omeana kanka: onkoimia axɨba omixhia manityakax yasutiuma aɨbu nipukɨnunkuxɨma,

San Marcos 4:4

Au niñankaxti kɨtu, abe axɨba bupakio isiu kutubiux, kuantio nutaumanka yubario.

San Lucas 8:12

Axɨmanu pakio isiu kutubiux takana axɨbama onkoimia axɨba omixhia manityakax, kuatati chobores ikiaɨbutati auki nausasɨxɨma, tapɨ ikokotama sane chɨtaesɨburupɨma eanaki nomɨnantɨ.

Hechos 17:32

Naukiche onkoimia sɨborikoma tato axɨbama tɨkoiño, aboma axɨmanuma iyabomati tapɨ makiataka namatɨ: –Au kiatax nanenes somonsapetio tatityo axɨmanu nanunekaka.

Hechos 5:3

Auki Nanti Peru ɨmoti Ananías: –Ananías, ¿kausane akokonaunka ɨmoti chobores? Sɨsio obi au napo aruki axɨmanu monixh toxio aemo ityobo axɨmanu ñanaunx, sane apanka ɨmoti Espíritu Santo.

2 Corintios 2:11

Sanenti chobores chɨsɨrotipɨ okɨtɨpɨ, tyopiki tusiu nuxia oemo axɨna chuxiampɨ nisɨborikixhti.

2 Tesalonicenses 2:9

Auki axti maniki chuxiampɨ nisɨborikixhti, kuatati ui noñemaxti chobores. Kuatati aɨbu taruku nɨriakaxti, mapañati asamuti axɨba champɨ tubastai.

Hebreos 12:16

Tapɨ anati naki ane uiti kiatax paɨx takanaintyo paɨx anati uixh kiatax ñoñɨnx, tapɨ chapakionkañopɨ ɨmoti Tupax. Tyopiki sane tɨkañe isamutenti Esaú, makumananati ui axɨmanu nikuasɨrɨkɨxti ɨmoti yaɨtoti ityobo taman kuxabixh pemakax.

Hebreos 2:1

Sane naukiche tari basaraira nuxia kausane axɨmanio omixhia manityakax oñonkoi, tapɨ uɨkatɨ pese pɨnanaki axɨna besɨro kutubiux.

1 Pedro 5:8

Amasasatɨ nuxia kɨmenu axɨna kuabotɨ aume, tyopiki axti naki chuxiampɨ uiti aume axti chobores anati takana nuitɨmɨx kɨrɨpɨo bapachero utuburibo.

Apocalipsis 12:9

Peneko uimia auki napes axɨmanu numukianx, axɨmanu chaɨbopɨ noixhobox nɨrixh Chobores chepe Satanás, axɨna taruku ñatachemakakax ɨmo namanaiña iku axɨna kɨx. Tyone chepema axɨmanuma nesax ángeles penekoma iku kɨx.

Apocalipsis 20:10

Tapɨti maniki chobores, uiche atapenema, penekoti au axɨmanu narubaityu pes aɨbu azufre, axɨmanu kauta peneko axɨmanu numukianx ichepeti maniki chɨtɨpɨ profeta. Akamanu ñana champɨ nityakɨru nityakisɨrɨkɨxɨma au sapes takanaintyo au tobixh.

Apocalipsis 20:7

Axtɨ tomenotɨ axɨmanio mil naskɨbeka, emekanati tato chobores,