San Marcos 3:27 - Manityanati Tupax

²⁷ “Champɨti sɨropo au nipoxti naki chiyaupɨ nikusɨuxti nauki akusɨpɨti nenaxixhti, axtɨ chityomoenotipɨ baeta. Auki kaɨma kusɨpɨoti.

Manitanati Tuparrü

²⁷ Nantito ümoma arrüna sane: —Chüpuerurrüpito oeropo au niporrti taman ñoñünrrü naqui chiyaupü nicusüurrti, nauqui uiquiaüburio nenarrirrti, arrtü chütomoenotipü osoi. Ta arrtü tomoenoti, auqui caüma puerurrü oeropo uiquiaüburio nenearrirrti.

San Marcos 3:27 교차 참조

San Mateo 12:29

“¿Kausane ayepo uiti taman ñoñɨnx au nipoxti kiatax naki taruku nikusɨuxti akusɨpɨti nenaxixhti, axtɨ chɨkusɨrɨbopɨ aityomoenoti? Sane kaɨma iyebo uiti akusɨpɨti.

San Juan 12:31

Kaɨma axɨbama ikuki axɨna kɨx iñatai ɨmoma axɨna tyakɨrux nanenes, kaɨma penekoti tyɨrɨpo naki bakɨpuru iku axɨna kɨx.

Romanos 16:20

Sane axti Tupax naki uiche uxia nabaka konto ñana sɨroti chobores uiti ñokiana naupope. Tari uiti ikunusɨankanati año axti Yɨriabux Jesucristo.

Colosenses 2:15

Kaɨburu uiti Tupax nɨriakaxɨma axɨbama machoboreka ane nɨriakaxɨma iku axɨna kɨx, uiti Cristo champɨ nɨriakaxɨma sukarɨ namanaiña, naukiche sɨromatɨ uiti tomoenoma kauta tusiankana nikusɨuxti.

Hebreos 2:14

Saneityo, takana masiomanka aukiti tamanti yaɨtoxɨma tamaintyo nipiakɨtoxɨma, tyoneantoe nikɨtɨpɨxɨma takanaintyo notoxɨma axɨbama yaɨtoxɨma, sanentityo Jesús ane tɨkañe nikɨtɨpɨxti anentyo notoxti takana axoñɨ, sane ui nikonkoxti koiñoti uiti maniki ane nɨriakaxti atabaiti, axti naki ta tyonenti chobores.

1 Juan 3:8

Axti naki taikiana aisamunenti nomɨnantɨ tyonenti ityurapataxti chobores, tyopiki axti chobores isamutenti nomɨnantɨ auki ñemonkox tɨkañe, tyone axɨna nɨmoche ayetitɨ Jesús, naki Aɨtoxti Tupax: nauki aiñaximiakati nanaiña axɨba nisamukuxti chobores.

1 Juan 4:4

Masaɨtaiki, aɨtoxti Tupax año tyopiki chapikokokapɨma axɨmanuma mañapanka, tyopiki axti taruku nɨriakaxti pɨnanakiti maniki chuxiampɨ uiti ɨmoti.