San Marcos 16:18 - Manityanati Tupax

¹⁸ Iñenomaio noixhoboka. Axtɨ chaboma picharax, champɨ kausane uixh ɨmoma. Axtɨ iñatama ne'esɨma kɨtɨpɨ axɨbama maunxokono, uxiankama tato uimia.”

Manitanati Tuparrü

¹⁸ Arrtü chaboma pichararrü chüpuerurrüpü ane causane uirri ümoma. Iñatama nehesüma ita bama maunrrocono, y urriancama tato uimia.

San Marcos 16:18 교차 참조

San Marcos 5:23

nanti ɨmoti, asamuti nuxia: –Tɨ saimiampae aiñokonoñɨ nichakiumuku. Ariaku aiñasio ne'e kɨtɨpɨ, nauki uxia tato ɨmo.

San Lucas 10:19

Toxio sobi aume axɨna nipiaka nauki apikɨmonio noixhoboka yochepe nupataka, nauki amekatɨ pɨrɨkɨ nikusɨuxti naki chuxiampɨ uiti aume, tapɨ anentyo kausane aume.

Hechos 19:12

axtɨ ane ikutamaxite nikɨtɨpɨxti Pablo naibixhimia, sɨrotɨ uimia aiñama kɨtɨpɨma axɨbama maunxokonoma uxiankama tato uixh, machoboreka sɨromatityo kɨtɨpɨkimia.

Hechos 3:12

Naukiche astaiti Peru axɨna sane, nanti ɨmoma: “Axaño axɨbama auki Israel: ¿Isane uiche taruku naukɨtobɨ? ¿Kausane abasikia amastaikiatɨ suiñemo sane? ¿Takana axtɨ soboiyapatoe uxiankati tato naki ñoñɨnx?

Hechos 3:16

Axɨsomɨ sopikokota nɨriakaxti Jesús, sane takana namanaiña axaño amasakati ausuputakatityo naki ñoñɨnx, ui axɨna sopikokota uixh uxiankati tato auna ausukarɨ.

Hechos 4:10

Axaño, chepe namanaiña axɨbama auki Israel, axti naki ñoñɨnx anati auna, ñemanauntu uxia tato ɨmoti au nɨrixhti Jesucristo auki Nazaret, axti naki takubaxioti kɨtɨpɨ kurusɨx aboi axtityo naki sɨborikoti tato uiti Tupax.

Hechos 4:22

Axti maniki ñoñɨnx uxiankati tato, tɨtabe cuarenta naskɨbeka ɨmoti.

Hechos 4:30

Aityusianka noñema nauki uxiankama tato soboi axɨbama maunxokonoma, nauki sopisamunentyo axɨba champɨ tɨsubastai au nɨrixhti Jesús.”

Hechos 9:34

Nanti Peru ɨmoti: –Eneas, uxiankɨ tato uiti Jesucristo. Atɨsai, aikoñoko nakɨru. Auki atɨraiti Eneas.

Romanos 16:20

Sane axti Tupax naki uiche uxia nabaka konto ñana sɨroti chobores uiti ñokiana naupope. Tari uiti ikunusɨankanati año axti Yɨriabux Jesucristo.

1 Corintios 12:9

Makiataka toxio ɨmoma aikokoromati Jesús ui noñemaxti Espíritu Santo, tapɨ makiataka toxio ɨmoma nauki uxiankama tato uimia axɨbama maunxokonoma.