San Marcos 11:14 - Manityanati Tupax

¹⁴ Auki nanti ɨmo nutachens: –¡Tapɨ ananto anati basoti akɨtɨpɨkikɨ! Axɨmanuma nesaxti apóstoles onkoimia nuraxti.

Manitanati Tuparrü

¹⁴ Auqui manitanati Jesús ümo manu suese, nanti ümo: —Chanantopü anati baso nüta. Arrümanuma ñanunecasarrti oncoimia arrüna ñanitacarrti ümo.

San Marcos 11:14 교차 참조

San Mateo 21:19

Astaiti taman nutachens abeu kutubiux sɨrotitɨ esa, champɨ tabɨko uiti kɨtɨpɨ akasiatai nasux. Auki nanti ɨmo axɨmanu nutachens: –¡Tapɨ ananto ane umatamoebo akɨtɨpɨkikɨ! Isiukai axɨmanu higuera sɨɨbo.

San Mateo 21:33

“Amonsapesio axɨna machepekatax: Tamanti ñoñɨnx manati kɨtu uva au niyoxti iñatati axipobo. Masamunutityo kauta uxiane vino uxiantentyo uiti pox petaisɨrɨ aukiche asaratitɨ tyaku nanaiña. Auki ityoximiatati ɨmo makiataka tapɨti sɨrotitɨ amenti.

San Mateo 21:44

Tapɨ axɨmanu kanx, axtɨ anati naki taɨbɨkoti onɨ iñaxioti ñana. Axtɨ axɨmanu kanx pakio onɨti taman, sɨsioti kɨtoxti nuxia kiana.

San Mateo 3:10

Chaukityo, tɨtane axɨna uiche autɨsɨ soeka aɨbu nanaiña niñuxanakax. Nanaiña soeka axɨba chomixhampɨ nobɨtakax, botɨsɨro omeno oto pes.

San Mateo 7:19

Nanaiña soeka axɨba chomixhampɨ nɨtakax, botɨsɨro nauki ameno oto pees.

San Marcos 11:13

Astaiti auki iche taman nutachens sɨrɨmana nasux, sɨrotitɨ asaraiti axtɨ abe nɨtax, champɨ tabɨko uiti nasuxtai abe'e, ityopiki chiñataikipɨ nanenes ɨmo nauki ɨta.

San Marcos 11:15

Naukiche iñataimia au Jerusalén, sɨrotitɨpo Jesús au nipo meankax auki penekoma tyɨrɨpo uiti axɨmanuma mapaventekana ichepe axɨbama makomporara. Bopebɨko uiti nanaiña nityɨmoxɨma axɨmanuma makampiarama monixh, bopebɨkoityo uiti nityɨmo axɨmanuma mapabentekana nututakikia.

San Juan 15:6

Axti naki chɨsɨsiotipɨ ichepeñɨ, penekoti tyɨrɨpo takana axɨmanio niyupaka botɨsɨro nauki ameno oto pes.

2 Pedro 2:20

Tyopiki axɨbama isuputaramati Yɨriabux oemo Jesucristo, añekanama oboi axɨba nomɨnantɨ ikuki axɨna kɨx, tapɨ axtɨ tapenekoma tatityo oboi axɨba nomɨnantɨ uixh kaɨma taruku nikumakaxɨma pɨnanaki maɨbo tɨkañe.

Apocalipsis 22:11

Tapɨ asikia kuatati naki chuxiampɨ nisɨborikixhti tari aisamunenti axɨna chuxiampɨ. Tapɨti naki uxia nisɨborikixhti tari aisamunenti axɨna uxia, naki champɨ nomɨnantɨ uiti tapɨ chebo uiti aisamunenti nomɨnantɨ.”