San Marcos 10:52 - Manityanati Tupax

⁵² Nanti Jesús ɨmoti: –Akosi tato. Tyopiki nakokonaunku uxiankɨ tato. Isiukai axti maniki supusu asaratɨ tato, sɨrotitɨ isiuti Jesús isiu kutubiux.

Manitanati Tuparrü

⁵² Aiñumuti Jesús: —Acui tato, chauqui turriancü tato, itopiqui aicococañü. Au manu rratorrü urrian tato narrtarrti. Sürotitü isiuti Jesús.

San Marcos 10:52 교차 참조

San Mateo 11:5

Aburasoi sukarɨti axɨbama supusu asaramatɨ tato, axɨbama chuxiampɨ namensɨma uxia tato namensɨma, axɨbama ane lepra kɨtɨpɨma sɨrɨbu kɨtɨpɨkimia noxokox ɨmoma, axɨbama chonaumpɨma onaunxɨma tato, axɨbama koiñoma sɨborikoma tato tapɨ axɨbama taruku nityakisɨrɨkɨxɨma ane ñana toxiobo ɨmoma axɨba omixhia.

San Mateo 12:22

Sɨromatɨ esati Jesús aɨbuti taman ñoñɨnx supusuti chɨmanityanatipityo, anati chobores kɨtɨpɨti, uiti Jesús uxia tato nastaxti manityanatityo tato.

San Mateo 15:28

Auki nanti Jesús ɨmo: –¡Axɨkɨ paɨx, yarusɨrɨx nakokonaunku! Tari uxiante aemo axɨna naxiantɨmo. Isiukai uxia tato ɨmo nicheches.

San Mateo 21:14

Sɨromatɨ esati Jesús au nipo meankax axɨbama supusu axɨbamaintyo chuxiampɨ namensɨma, uxiankama tato uiti.

San Mateo 8:3

Axti Jesús iñatati ne'esti kɨtɨpɨti, nanti: –Ixhanka. ¡Sɨrɨbu akɨtɨpɨkikɨ! Isiukai, axti maniki leproso sɨrɨbu kɨtɨpɨkiti noxokox ɨmoti.

San Mateo 9:22

Tapɨti Jesús basɨkɨbɨkoti tato, asaratitɨ ɨmo axɨmanu paɨx nanti ɨmo: –Aiña nuxia nichakiumuku, ui axɨna nakokonaunku uxiankɨ tato.

San Marcos 1:31

aɨrotitɨ asaraiti, aiñenti ne'es aiñatɨnaiñakati. Isiukai tochenko ɨmo pakɨtaixh auki atɨrai asusriuruma.

San Marcos 5:34

Nanti Jesús ɨmo: –Nichakimuku, ityopiki nakokonaunku uxiankɨ tato. Akosi tato chauki tuxiankɨ tato ui axɨmanu noxokox.

San Marcos 8:25

Iñatati tatityo Jesús ne'esti omonɨ nisɨtoxti, auki axti maniki ñoñɨnx asaratitɨ nuxia uxia tato nastaxti.

San Lucas 7:50

Tapɨti Jesús nantityo, asaratitɨ ɨmo axɨmanu paɨx: –Ityopiki axɨna nakokonaunku ataesɨbuka eanaki nomɨnantɨ. Taikiana uxia naɨkɨ tato.

San Lucas 9:48

nanti ɨmoma: –Axti naki yasuriuruti naki simia au nisɨri, iñemo yasuriurutiñɨ. Naki yasuriurutiñɨ, yasuriurutityo naki uiche aikɨpurutiñɨ. Sane naukiche, axti naki champɨtiatai asaratɨ ɨmoti abaxɨpekuki, tyonenti naki taruku nɨriakaxti.

San Juan 9:32

Champɨ toñonkoi auki ñemonkox axtɨ anati naki taman uyaxɨpekuki asaratitɨ uiti naki anati iku kɨx supusuti.

San Juan 9:39

Auki nantityo Jesús: –Axɨñɨ isekatɨ iku axɨna kɨx nauki yasarai axɨna isamutema namanaiña. Nauki asaramatɨ sobi axɨbama supusu tapɨ axɨbama uxia nastaxɨma sɨsioma supusuma.

Hechos 26:18

Ikɨpukɨ axɨpekuma nauki aiyaɨbu nisɨtoxɨma nauki tapɨ amenkomainki au tomikianene, tari amenkoma au nanentax. Nauki ataesɨbuma pɨnanaki nɨriakaxti chobores, nauki aɨromatɨ isiuti Tupax. Sane aikokoromañɨ nauki asuriuma maximiakatax ityopiki axɨna nomɨnantɨ uimia nauki asuriumaintyo ñana nikuaxɨma kauta nakaxti Tupax.’