San Marcos 10:48 - Manityanati Tupax

⁴⁸ Sɨrɨmanama axɨbama ikuansomokonomati nauki etayoiti, tapɨti rabotɨ nuxia nityosibixhti: –¡Aɨtoxti David, apukɨru ichakuñɨ!

Manitanati Tuparrü

⁴⁸ Arrübama macrirrtianuca icuansomoconomati, namatü ümoti: —¡Etaiquei! Pero arrti manrrü nitosibirrti, nanti tatito: —Aütorrti yüriaburrü David, apucürü ichacuñü.

San Marcos 10:48 교차 참조

San Mateo 19:13

Yebomatɨ aɨbu masiomanka esati Jesús, nauki aiñanti ne'esti kɨtɨpɨma naukityo eanti tyakuma. Tapɨ axɨmanuma nesaxti apóstoles kuasoma uimia axɨmanuma sɨromatɨ aɨbuma.

San Mateo 20:31

Axɨmanuma makiataka makuansomokonoma ɨmoma nauki etayoimia, tapɨ axɨma rabotɨ nuxia nityosibixhimia: –¡Axɨkɨ Yɨriabux, Aɨtoxti David, apukɨru suichaku!

San Mateo 9:27

Naukiche tɨniyɨkɨxti Jesús aukimanu, toxɨma axɨbama supusu sɨromatɨ isiuti, aɨbu nityosibixhimia: –¡Apukɨru suichaku, Aɨtoxti David!

San Marcos 10:13

Omenotɨ paɨka aɨbu masiomanka esati Jesús, nauki aiñanti ne'esti kɨtɨpɨma. Axɨbama nesaxti apóstoles makuansomokonoma ñome axɨmanio paɨka omenotɨ aɨbuma.

San Marcos 5:35

Anankatiki manityanati Jesús, naukiche aiñanaimia auki nipoxti maniki yɨriabux ɨmo sinagoga uraboimia sukarɨti niyupu axɨmanu kupikimia: –Natakiumuku tɨkoiño. ¿Isane nɨmoche asikiaiki kuatati maestro?

San Lucas 18:39

Axɨmanuma kusɨrɨboma ikuansomokonomati nauki etayoiti, tapɨti champɨ nɨmoche uiti anati tosibikoti nuxia: –¡Aɨtoxti David, apukɨru chakuñɨ!

Efesios 6:18

Tapɨ tochenko nameanka. Apanki pɨnanakiti Tupax asamuti nuxia, apisamuse ui noñemaxti Espíritu Santo. Amasankatɨ nuxia, tapɨ apiñokota axɨna abaka aɨbu. Axtɨ ameanka apanki tyakuma namanaiña axɨbama ikokoromati Tupax.

Hebreos 5:7

Naukiche anankatiki Cristo iku axɨna kɨx, tosibikoti nuxia aɨbu nareoxti mankioti pɨnanakiti Tupax asamuti nuxia nauki añekati uiti pɨnanaki nikonkoxti, tyopiki axti Tupax ane nɨriakaxti aisamunenti sane. Tyopiki ñakokonaunkuxti Cristo, axti Tupax onsapetioti neankaxti.