San Marcos 10:43 - Manityanati Tupax

⁴³ Tapɨ axaño tapɨ apisamute sane aumeampatoe. Axtɨ anati naki xhanxti sɨrɨmanaxti abaxɨpekuki, tari asaratitɨ tyaku makiataka,

Manitanati Tuparrü

⁴³ Pero arraño tapü apisamute sane aumeampatoe. Arrtü anati abarrüpecuqui, rranrrti ane manrrü nüriacarrti, tari yaserebiati nurria ümo maquiataca.

San Marcos 10:43 교차 참조

San Marcos 10:42

Auki tasuruma uiti Jesús, nanti ɨmoma: –Axaño tusiu aume, axɨbama ikuki axɨna kɨx aboma mayɨriabuka iñatama isiu nixhankaxɨma nɨriakaxɨma aɨbu axɨbama champɨ nɨriakaxɨma, ta xhanxɨma namanaiña ane ñanaunkuxɨma ɨmoma.

San Marcos 10:44

axti naki xhanxti abaxɨpekuki kusɨnɨtañati, tari tyonenti naki asaratitɨ tyaku makiataka.

San Marcos 9:35

Auki atɨmoti Jesús, atasuti ɨmoma axɨmanuma doce nesaxti apóstoles, nanti ɨmoma: –Axtɨ anati naki xhanx taruku nɨriakaxti, tari tyonenti naki tyakɨruxti pɨnanaki namanaiña tari aruku nuxia ɨmoti tyaku makiataka.

San Lucas 14:11

Tyopiki axti naki uixhtiatoe taruku niyarusɨrɨkɨxti, simiamati tato ñana. Tapɨti naki simiamantiatai, taruku ñana niyarusɨrɨkɨxti.

San Lucas 18:14

Sukanañɨ aume axti naki bakaɨburuti monixh sɨrotitɨ tato au nipoxti tɨxhimiakana nomɨnantɨ uiti, tapɨti maniki fariseo chɨsanempɨ. Tyopiki axti naki au ñakionkoxti taruku napekixhti, tyonenti ñana champɨ nɨmocheti. Tapɨti naki iñoxonkonotiyɨ, sɨrotitɨ ñana ape.”

San Lucas 22:26

Axaño tapɨ apisamute isiukimia. Chɨsanempɨ, axti naki taruku nɨriakaxti abaxɨpekuki tari aisamunenti takanati naki yaɨxtiki nuxia, naki bakɨpuruti tari aisamunenti takanati naki baserebioti ɨmoti kiatax.

San Lucas 9:48

nanti ɨmoma: –Axti naki yasuriuruti naki simia au nisɨri, iñemo yasuriurutiñɨ. Naki yasuriurutiñɨ, yasuriurutityo naki uiche aikɨpurutiñɨ. Sane naukiche, axti naki champɨtiatai asaratɨ ɨmoti abaxɨpekuki, tyonenti naki taruku nɨriakaxti.

San Juan 18:36

Aiñumuti Jesús nuraxti: –Nisɨriaka chɨtɨpɨ ikuki axɨna kɨx. Axtɨ sanempɨ, axɨbama aboma isiuñɨ okɨmanapɨma chakuñɨ, tapɨ ityoximianamañɨ mekuma axɨbama judíos. Axɨna nisɨriaka chityonempɨ ikuki axɨna kɨx.

Romanos 12:2

Tapɨ abasikia sane aɨbu axɨna nausɨboriki kaɨma, ta apikoñoko napakionko sane nauki apikoñoko nausɨboriki saneityo apisuputarai noñemaxti Tupax, tyone axɨna uxia axɨnaintyo besɨro nausɨboriki.

Gálatas 5:13

Axaño, masarukityaiki, tɨtane batasukux aume eanaki nomɨnantɨ. Axɨna champɨ nomɨnantɨ aukɨtɨpɨ tapɨ uixh amekatɨ isiu axɨna nauxiantɨmoantoe. Ta apisamuse axɨna uxia aɨbu napakumananaunku aumeampatoe.