San Marcos 10:30 - Manityanati Tupax

³⁰ toxio ɨmoti kaɨma au axɨna nisɨborikixhti cien yopɨrɨkɨ axɨba abe uiti, nipoxti, yarukityoxti, nikiastyoti, nipiakɨtoti aɨtoxti niyoxtityo champɨ nɨmoche axtɨ matanekanatiatai. Axɨmanu kuatɨki nisɨborikixhti champɨ nityakɨrux toxio ñana ɨmoti.

Manitanati Tuparrü

³⁰ tiene que atorri tato ümoti auna icu na cürrü manrrü chama pünanaqui arrüna oncono uiti. Torrio ümoti poca, yaruquitoboti, iquiasitoboti, ipiacütoboti, aübosiboti, iyoboti. Pero torrio ito itaquisürücüboti. Y tiene que aye uiti ñana au napese esati Bae Tuparrü, auna cauta chütacürusupü süboriquirri.

San Marcos 10:30 교차 참조

San Mateo 12:32

Axti Tupax xhimiakanaintyo uiti ɨmoti naki manityanati axɨba chomixhampɨ kɨtɨpɨti Aɨtoxti ñoñɨnx. Tapɨ ɨmoti naki manityanati axɨba chomixhampɨ kɨtɨpɨti Espíritu Santo, chɨxhimiakanapɨ ɨmoti au axɨba naskɨbeka kaɨma, saneityo au axɨba naskɨbeka kuantionki.

San Mateo 13:8

Tapɨ pikiataka bupakio kauta axɨna uxia kɨx, iyebo nuxia. Abe axɨba auki taman sɨrokɨtu pachebo cien. Pikiataka pachebo sesenta, abetyo axɨba pachebo treinta.

San Mateo 6:33

Sane naukiche, apapachesio nɨriakax auki napes apisamuse axɨna uxia sukarɨti Tupax, auki toxio aume nanaiña axɨna nauxiantɨmo.

San Lucas 18:30

toxio ɨmoti uɨboiki au axɨna kaɨma nisɨborikixhti, tapɨ au axɨna kuabotɨki nisɨborikixhti yasutiuti isɨborikiboti axɨna champɨ nityakɨrux.

San Juan 10:23

Anankati Jesús au nipo meankax, amenkoti saimia axɨmanu tyurux nɨrixh Salomón.

Hechos 14:22

Au axɨmanio poka manityanama nuxia aɨbu axɨmanuma ikokoromati Jesús, makuansomokonoma ɨmoma tapɨ iñokotama ñakokonaunkuxɨma, namatɨ ɨmoma, nauki aye osoi esati Tupax taruku nutakisɨrɨkɨ ui axɨbama chuxiampɨ ɨmoma.

Hechos 16:25

Kɨmuintya tobixh, axti Pablo ichepeti Silas, amonkoma meaboma masonioma ɨmoti Tupax, tapɨ axɨmanuma makiataka amanamampo onsapetioma,

Hechos 5:41

Axɨmanuma amonkoma isiuti Jesús sɨromatɨ aukimanu esaki mayɨriabuka taruku nipukɨnunkuxɨma, ityopiki ichetati Tupax ɨmoma atakisɨrɨma tyaku ñakokonaunkuxɨma ɨmoti Jesús.

Romanos 5:3

Chityoneantaipɨ, upukɨnunkaityo oboi nutakisɨrɨkɨ. Tyopiki tusiu oemo ui axɨna nutakisɨrɨkɨ chuɨkapɨtɨ isiu kiatax mapanaunkux,

Romanos 6:23

Axɨna bapakatax toxio ui nomɨnantɨ, tyone axɨna konkox, tapɨ axɨna ñakumanataxti Tupax tyone axɨna nosɨboriki ɨmo nanaiña naskɨbeka chepeti Jesucristo axti Yɨriabux.

2 Corintios 6:10

Takana axtɨ suisucheka, abo taruku suipukɨnunku. Takana axtɨ taruku suichakisɨrɨkɨ, tapɨ makiataka ane nenaxɨxhimia soboi. Takana axtɨ champɨ isane suiñemo, abo ane nanaiña suiñemo.

Filipenses 3:8

Nanaiña axɨmanu onkono sobi, tyone takana semenux iñemo, axtɨ ichepekata axɨna yarusɨrɨx nuxiantux tyopiki isuputakati Cristo Jesús naki Yɨriabuxti iñemo. Tyopikiti Cristo ensoro sobi nanaiña, ityobo kaɨma yaka chepeti.

2 Tesalonicenses 2:16

Axti Tupax naki Uyaɨ taruku nipukɨruxti. Sane naukiche taruku nukuasɨrɨkɨ ɨmoti, naki uiche champɨ nityakɨru nupukɨnunku ta ñemanauntu ñana ane maximiakatax oemo. Pɨnanakiti chepeti Yɨriabux Jesucristo xhankikia pɨnanakimia

1 Timoteo 4:8

Ñemanauntu axtɨ ane niyachɨkoi axɨna nokɨtɨpɨ uixh chiyebopɨ ui noxokox, tapɨ axɨna nupukɨru tyaku makiataka tyone axɨna uxia ɨmo nanaiña, tyopiki ɨriotɨ ɨmo axɨmanu sɨborikixh ɨmo axɨna kaɨma takanaintyo axɨmanu kuabotɨki ñana.

1 Timoteo 6:6

Ñemanauntu axɨna numakokonaunku ɨmoti Tupax tyone axɨna uiche ane yarusɨrɨx noñenaxi, ta ɨmotiatai naki pukɨnuñanti aɨbu axɨna ane uiti.

Santiago 1:12

Taruku ñana nipukɨnunkuxti naki ñoñɨnx axtɨ aruku nuxia ɨmoti ñome makokotoka, tyopiki axtɨ uxia nisɨborikixhti au nastaxti Tupax, toxio ñana isɨborikiboti axɨna champɨ nityakɨrux axɨna ɨriotɨ uiti ɨmoma axɨbama manaunuma ɨmoti.

Santiago 5:11

Axɨsomɨ sumastai taruku nipukɨnunkuxɨma axɨbama takisɨrɨma aɨbu narukux ɨmoma. Axaño apakionkaño ɨmoti Job tɨkañe, iñatati nuxia narukux ɨmoti naukiche takisɨrɨti, tusiuityo aume kausane yachɨkoiti Tupax au nityakɨrux aɨbuti, tyopiki axti Tupax taruku nipukɨruxti.

1 Juan 2:25

Tyoneampae axɨna ensɨmunu tɨkañe uiti Jesucristo oemo: axɨmanu osɨborikibo champɨ nityakɨrux.

1 Juan 3:1

Amasasai taruku nukuasɨrɨkɨ ɨmoti Tupax naki Uyaɨ, sane naukiche makiataka namatɨ oemo aɨtoxti Tupax oñɨ, ñemanauntu axɨna namatɨ. Axɨbama ikuki axɨna kɨx chisuputarapɨma oñɨ, tyopiki chisuputarapɨmati Tupax.

Apocalipsis 2:9

Tusiu iñemo natakisɨrɨkɨ champɨ nenaxi, ñemanauntu au nastaxti Tupax axɨkɨ taruku nenaxi. Tusiuityo iñemo axɨba chomixhampɨ nuraxɨma akɨtɨpɨkɨ axɨbama namatɨ tyonema judíos, ñemanauntu tyonema nesaxti apóstoles chobores.

Apocalipsis 3:18

Sane naukiche sukanañɨ aemo apache nikiubukɨ nauki aye obi yesakiñɨ axɨna ñemanaunkuxatoe uixh ane enaxibokɨ. Tyopiki axɨna toxiobo sobi taruku nikuax, takana nikua oro chɨrɨriko oto pes. Axtɨ chaxiankapɨ asikia akɨsuasaka aɨbu nakɨso, asusiu axɨna purusubi aibibokɨ toxio sobi aemo, axɨmanuintyo nubatax uiche uxia tato nasɨto. Tyopiki sane asakatɨ tato.