San Lucas 4:25 - Manityanati Tupax

²⁵ Ñemanaunkuxatoe, abe sɨrɨmana tɨkañe biuraka au Israel naukiche anankatiki profeta Elías, naukiche chɨxobeokapɨ trex naskɨbeka ichepe seixh panka pɨrɨkɨ, auki ane tɨkañe yarusɨrɨx kɨrɨpɨx au nanaiña Israel.

Manitanati Tuparrü

²⁵ Tusio nurria aume, au manu nitiemporrti profetarrü Elías tücañe abe sürümana biuraca au na cürrü Israel, nauquiche chürrobeocapü ñome manio trerrü añoca y merio. Sane nauquiche tarucapae carerrtiya au nanaiña cürrü Israel.

San Lucas 4:25 교차 참조

San Mateo 20:15

tyopiki nimoni isamute aɨbu isiu nixhanka. ¿Axɨkɨ ubatio axɨna taruku nipukɨru?’

San Lucas 10:21

Akamanu, taruku nipukɨnunkuxti Jesús uiti Espíritu Santo, nanti: “Chapie aemo, Iyaɨ, axɨkɨ Yɨriabuxɨkɨ ɨmo napes ɨmo kɨx, ityopiki aityusiankata isukarɨ axɨbama champɨ nipiakama axɨba aiñanekakio pɨnanakimia axɨbama ipiakama. Sane, Iyaɨ, ityopiki sane naxianka.

Romanos 9:15

Tyopiki axti Tupax nanti tɨkañe ɨmoti Moisés: “Ipukɨruka tyakuti naki uxia au nixhakionko, ipukurukaityo tyakuti naki ipukɨnunka kuatati.”

Romanos 9:20

Tapɨ axɨkɨ ñoñɨnx, ¿isane nɨriaka nauki atusi aemo isane axɨna isamutenti Tupax? ¿Ensapɨ axɨmanu bausɨx nantɨ ɨmoti naki isamukuche: “Kausane aisamunuñɨ sane?”

Efesios 1:11

Aɨbuti Cristo, uiti Tupax samamekana oñɨ aukiapae tɨkañe nauki basuriu aruki axɨmanu toxiobo uiti oemo, sane takana nixhankaxti Tupax aisamunenti, tyopiki nanaiña isamunenti auki noñemaxti.

Efesios 1:9

tusiankana uiti Tupax usukarɨ axɨmanio nixhantɨmoti aisamunenti axɨba amonkio umanekana uiti axɨna kaɨma xhanxti aisamunenti aɨbuti Cristo,

Santiago 5:17

Axti Elías, naki urapoiti tɨkane noñemaxti Tupax, takana axɨna nusakatai, naukiche onkotitɨ nuxia ɨmoti auki neankaxti tapɨ robeoka, chɨxobeokapɨ ñome trex naskɨbeka seixh panka pɨrɨkɨ.

Apocalipsis 11:6

Axɨma ane nɨriakaxɨma nauki tapɨ xobeoka axɨmanio naneneka auche aboma urapoimia axɨna nixhantɨmo ausukarɨ, anentyo nɨriakaxɨma nauki somoso uimia tux ɨmo notox nauki atakisɨrɨma uimia nanaiña axɨna ane iku kɨx ui chɨtamampatai noxokoka, isiu nixhankaxɨma.