San Lucas 21:23 - Manityanati Tupax

²³ ¡Butakisɨratai axɨba paɨka axtɨ anati simia yokɨtɨpɨ au axɨmanio naneneka axɨbaityo paɨbotiki niñupaɨmakax! Tyopiki taruku ñana takisɨrɨkɨx iku axɨna kɨx, anentyo taruku takisɨrɨkɨx ɨmo axɨbama mañoñɨnka.

Manitanati Tuparrü

²³ Butaquisüratai arrüba paüca abe botochiquio, y arrüba papaümana, itopiqui au manu nanenese tarucu taquisürücürrü ümo na genterrü. Tone carrticurrü uiti Tuarrü ümoma.

San Lucas 21:23 교차 참조

San Mateo 21:16

namatɨ ɨmoti Jesús: –¿Onkoi axɨmanu namatɨ axɨrabomatɨ? Aiñumuti Jesús nuraxɨma: –Unka, ñonkoi. ¿Chamastaipɨ iku Nikorox axɨna manityana yokɨtɨpɨ axɨba sane? Nantɨ: ‘Oboi nisonixhimia axɨbama masiomanka, axɨbama aɨbo aboma iku kɨx, aisamukio axɨba omixhia nuraxɨma akɨtɨpɨkɨ.’

San Mateo 21:41

Aiñumuma nuraxti: –Champɨ nipukɨruxti tyakuma koiñoma uiti axɨmanuma chuxiampɨ nisɨborikixhimia, auki toxio uiti axɨmanu ñanaunx ɨmo makiataka axɨbama ityoximiatama kɨmuintya axɨna iyebo uimia auki axɨmanu ñanaunx ɨmoti naki iyoche.

San Mateo 21:44

Tapɨ axɨmanu kanx, axtɨ anati naki taɨbɨkoti onɨ iñaxioti ñana. Axtɨ axɨmanu kanx pakio onɨti taman, sɨsioti kɨtoxti nuxia kiana.

San Mateo 24:19

¡Butakisɨratai ñana axɨba paɨka anati simia yokɨtɨpɨ axɨbaityo paɨbotiki niñupaɨmakax!

San Marcos 13:17

¡Butakisɨratai axɨba paɨka au axɨmanio naneneka axtɨ anati simia yokɨtɨpɨ axɨbaityo paɨbotiki niñupaɨmakax!

San Lucas 19:27

Tapɨ ɨmo axɨbama tɨborikomantai suatañɨ axɨbama chixhanxɨpɨma nauki yɨriabuxɨñɨ ɨmoma, apikiasama tauna apityabaisoma sukarɨñɨ.’ ”

San Lucas 19:43

Kuantionki aemo ñana naneneka auche asutiu natakisɨrɨkɨ, auche axɨbama chuxiampɨ uimia aemo pesuarama atupekukɨ, auki okɨsioma aemo auki nanaiñantai,

San Lucas 23:29

Tyopiki kuantionki naneneka auche ñana amukanaño: ‘Taikiana chiyaupɨ niñupukɨnunkux axɨba chɨtoxiopɨ ñome ane ñupaɨmakax, axɨba paɨka champɨti simia omemeku champɨtityo simia sunaunti oboi.’

1 Corintios 7:26

Au nixhakionko uxia axtɨ namanaiña sɨsio año sane takana axɨna nabaka kaɨma au axɨba naskɨbeka, tyopiki axɨba naskɨbeka kaɨma taruku nutakisɨrɨkɨ.

1 Tesalonicenses 2:16

axtɨ suixhanka supanuneka ɨmo axɨbama chɨtɨpɨ judíos, nauki ataesɨbumaintyo eanaki nomɨnantɨ chichebopɨ uimia suiñemo. Ui axɨna sane isamutema yarusɨrɨx nomɨnantɨ uimia. Nauki atakɨru nanaiña axɨna sane axti Tupax bakɨpuruti ñana yarusɨrɨx ityakisɨrɨkɨboma.

Hebreos 13:16

Tapɨ takɨrusu napakionko apisamune axɨna uxia, apakumana ɨmoma axɨbama takisɨrɨma axɨba namenaxi. Tyoneio axɨba makumanataka axɨba omixhia ɨmoti Tupax.

Santiago 5:1

¡Amonsapesio axɨna sane, axaño axɨbama taruku namenaxi! ¡Abareo autosibi ui noxoko nanaiña axɨba oboiche autakisɨrɨka au kuantionki naneneka!

1 Pedro 4:17

Chauki tiñatai axɨmanu tyakɨrux nanenes auche asaraiti kusɨrɨbo ɨmoma axɨbama ikokoromati Tupax. Axtɨ sane kusɨrɨbo asaraiti nuipɨnate, ¿kausanempɨ ñana nityakisɨrɨkɨxɨma axɨbama chikokotapɨma axɨna uxia manityakax?