San Lucas 15:13 - Manityanati Tupax

¹³ Yopɨrɨkɨ mantukubatai nananeka axti maniki aɨtoxti yaɨxtiki nuxia pabenteo uiti nanaiña axɨmanu toxio ɨmoti enaxiboti, aɨbu axɨmanu nikuax sɨrotitɨ iche, au kiatax kɨx, akamanu nanaiña takɨrusu pɨnanakiti ui axɨna chuxiampɨ nisɨborikixhti.

Manitanati Tuparrü

¹³ Au manio nananeca arrti maniqui sunahüburrü acomoraboti nanaiña nenarrirrti y auqui sürotitü iche au quiatarrü cürrü. Taha tacürusu nimonirrti ui arrüna churriampü nisüboriquirrti.

San Lucas 15:13 교차 참조

San Lucas 15:12

axti maniki yaɨxtiki nuxia nanti ɨmoti yaɨtoti: ‘Iyaɨ, aityoximia iñemo nenaxi axɨna toxiobo iñemo.’ Auki chepesɨro uiti yaɨtoti nenaxixhti ɨmoma.

San Lucas 15:14

Naukiche tɨtakɨrusu nanaiña uiti, ane yarusɨrɨx kɨrɨpɨx au axɨmanu kɨx, auki kaɨma kuatɨ ɨmoti taruku nikɨrɨpɨxti.

San Lucas 15:30

Tapɨ kaɨma, iñataiti tato maniki aaɨ, naki uiche atakɨru namoni yupu paɨka, atabaikia ɨmoti taman naɨmosimia axɨna baɨro nuxia.’

San Lucas 16:1

Urapoitityo Jesús axɨna sane sukarɨma axɨbama nesaxti apóstoles: “Anati tɨkañe tamanti ñoñɨnx taruku nenaxixhti anati tamanti naki asaratitɨ tyaku. Aboma axɨbama yebomatɨ uraboimia isukarɨti axti maniki asaratɨ yutaku nenaxixhti chuxiampɨ yachɨkoiti.

San Lucas 16:19

“Anati taman ñoñɨnx taruku nenaxixhti, omeno kɨtɨpɨti omixhia naibixhti champɨ takanache naneneka basaparati axɨba taruku niyukuax niyartaxti.

Efesios 2:13

Tapɨ kaɨma, axɨna amonkaño iche pɨnanakiti Tupax, chauki tabekatɨ saimia ɨmoti, amonkaño aɨbuti Jesucristo tyopiki nikonkoxti kɨtɨpɨ kurusɨx.

Efesios 2:17

Axti Cristo kuatati auki napes uraboiti usukarɨ axɨba omixhia manityakax uiche uxia osoi oemantoe, takana ɨmoma axɨbama chɨtɨpɨ judíos axɨbama amonkoma iche pɨnanakiti Tupax, takana ɨmoma axɨbama amonkoma saimia ɨmoti.

2 Pedro 2:13

takisɨrɨma ñana tyopiki taruku tɨkañe nityakisɨrɨma uimia makiataka, au ñakionkoxɨma taruku nipukɨnunkuxɨma tyopiki isamutema au nanentax axɨba chomixhampɨ. Okɨsoka tyakuma axtɨ bastai axɨna chuxiampɨ isamutema axtɨ aboma auchepe ɨmo naupukɨnunku aɨbu namanaiña axɨbama ikokoromati Jesús.