San Lucas 1:75 - Manityanati Tupax

⁷⁵ yupu uxia nosɨboriki numapanaunkuityo, nauki aye osoi kauta nakaxti ɨmo nanaiña nosɨboriki.

Manitanati Tuparrü

⁷⁵ Rranrrti urria nosüboriqui y samamecana oñü ümoti nauqui urria numapanauncu enterurrü nosüboriqui.

San Lucas 1:75 교차 참조

San Mateo 1:21

Mariax, anati taunainki ipiaɨmakax, aiña ɨriboti Jesús. Sane nɨrixhti ityopiki uiti ñana taesɨburuma namanaiña eanaki nomɨnantɨ.”

San Lucas 1:74

tapɨ uixhuka au nosɨboriki, ñɨnanama axɨbama tɨborikoma oemo, nauki baserebi ɨmoti

Efesios 1:4

Samamekana oñɨ uiti Tupax aɨbuti Cristo aukiapae tɨkañe maɨbo uxiane axɨna kɨx, nauki tapɨ ane nomɨnantɨ osoi tapɨ anentyo kausane nosɨboriki au nastaxti.

Efesios 2:10

Uiti Tupax aisamunuti oñɨ. Isamunuti oñɨ aɨbuti Cristo Jesús nauki uisamunio axɨba omixhia, tyone axɨna aukiapae tɨkañe xhanxti uisamune.

Efesios 4:24

apiña tato aukɨtɨpɨ axɨna aɨbo nausɨboriki, uxiante takana nakaxti Tupax axɨna tusiankana ui axɨna besɨro nausɨboriki champɨ kausane, isiuki axɨna ñemanauntu.

1 Tesalonicenses 4:1

Sane, masarukityaiki, supakɨpuka aume apasamu nuxia axɨna sane au nɨrixhti Yɨriabux Jesús: apikoñoko naneneka nausɨboriki isiuki axɨmanu supanunekaka tyopiki tyone axɨna uxia ɨmoti Tupax, takana axɨna tapisamute.

1 Tesalonicenses 4:7

Tyopiki axti Tupax chityasurutipɨ oñɨ nauki uisamune nosɨboriki yupu nomɨnantɨ, ta nauki besɨro nosɨboriki.

2 Tesalonicenses 2:13

Axɨsomɨ taikiana supachampienka ɨmoti Tupax autaku, masarukityaiki axaño taruku naukuasɨrɨkɨ ɨmoti Yɨriabux Jesús, tyopiki uiti Tupax samamekana año nauki axaño apasɨrɨka apasuriu maximiakatax ui noñemaxti Espíritu Santo tyopiki apikokotaityo axɨba omixhia manityakax.

2 Timoteo 1:9

Uiti Tupax utaesɨbuka eanaki nomɨnantɨ auki ityasuruti oñɨ nauki kaɨma aɨtoxti oñɨ, chɨtyopikipɨ axɨna uisamute, ta tyopiki tyone axɨna nixhantɨmoti aisamunenti ui nipukɨruxti utaku aukiapae tɨkañe, tyopikiti Cristo Jesús.