San Juan 17:22 - Manityanati Tupax

²² Toxio sobi ɨmoma axɨbama aboma isiuñɨ ɨriakaboma takana axɨmanu toxio obi iñemo, ui nixhanka nauki sɨsioma chepe nakaxɨma takana axɨñɨ achepekɨ tamantai nusaka.

Manitanati Tuparrü

²² Chauqui titorrimiata ümoma üriacaboma obi. Sane nauqui aye uimia tacana nusaca, taman nacarrtai nacarrüma.

San Juan 17:22 교차 참조

San Marcos 6:7

Batasuruti ɨmo axɨmanuma doce nesaxti apóstoles, auki bakɨpuruti ɨmoma taikiana toxɨma, toxio uiti ɨriakaboma nauki apenema kɨtɨpɨki mañoñɨnka machoboreka.

San Lucas 22:30

axaño ñana aubaka auchakaityo ichepeñɨ kauta naka nisɨriaka, akamanu autɨmoka iku nityɨmo mayɨriabuka nauki amasarai ɨmoma axɨbama doce aɨtoxti Israel.”

San Juan 1:14

Axti maniki Manityakax oñɨnkati po'osoti auna uyaxɨpeku. Axoñɨ bastai niyarusɨrɨkɨxti, axɨna toxio ɨmoti uiti Yaɨtoti, ityopiki tyonenti kunauntañati Aɨtoxti, ityusiankatati usukarɨ axɨna nipukɨruxti takanaintyo axɨna ñemanauntu.

San Juan 1:16

Ui axɨna nukuasɨrɨkɨ ɨmoti Tupax namanaiña basutiu axɨba ñakumanataxti taikiana ukurusɨka uiti.

San Juan 14:20

Au axɨmanu nanenes ñana, tusiu aume axɨñɨ yaka ichepeti Iyaɨ, tapɨ axaño abakaityo ichepeñɨ, axɨñɨntyo yaka auchepe.

San Juan 17:24

“Iyaɨ, axɨbama aboma isiuñɨ obi aityoximianama iñemo, ixhanka nauki aboma ichepeñɨ kauta niyaka, nauki asaraimia niyarusɨrɨkɨ nisɨriaka axɨna toxio iñemo obi, ityopiki isuasɨrɨka aemo aukiapae naukiche chuxiantenkipɨ axɨna kɨx.

Hechos 5:41

Axɨmanuma amonkoma isiuti Jesús sɨromatɨ aukimanu esaki mayɨriabuka taruku nipukɨnunkuxɨma, ityopiki ichetati Tupax ɨmoma atakisɨrɨma tyaku ñakokonaunkuxɨma ɨmoti Jesús.

Romanos 8:30

Axɨbama samamekanama uiti Tupax aukiapae tɨkañe, batasurutityo ɨmoma. Axɨmanuma batasuruti ɨmoma, uiti uxia nisɨborikixhimia, toxio uiti ɨmoma aɨromatɨ tyupekuti au napes.

2 Corintios 3:18

Sane naukiche nanaiña oñɨ, tɨkarɨbu nusubuxi axɨna uiche tɨkañe chubasakapɨtɨ, sane kaɨma bastai niyarusɨrɨkɨxti Tupax, uixh masamuña tusiu au nosɨboriki axɨna niyarusɨrɨkɨxtti Tupax, ui noñema nesaxti Espíritu Yɨriabux Jesús.

2 Corintios 5:20

Sane naukiche, axɨsomɨ subaka auna au yakɨpukuxti Cristo, ta isiu takana axtɨ axti Tupax mankioti amopɨnanaki apasamu nuxia suichopiki. Ta sane au nɨrixhti Cristo, apasamu nuxia suiñemo apiñoxonkosaño sukarɨti Tupax.

2 Corintios 6:1

Sane kaɨma, tyopiki kumanakax somɨ ɨmoti Tupax, sukanasomɨ aume apasamu nuxia suiñemo apasusiu axɨna nipukɨruxti Tupax autaku.

Efesios 2:20

Namanaiña axɨbama ikokoromati Jesús tyonema takana axɨna pox uxiante onɨ ñanunekakaxɨma axɨbama apóstoles chepetyo axɨbama profetas, au axɨmanu pox tyonenti Jesucristo axɨmanu kanx uxiampae.

Filipenses 1:29

Ui noñemaxti Tupax toxio aume nauki apikokoroti Cristo, nauki autakisɨrɨkaityo tyopikiti.

Colosenses 1:24

Kaɨma ipukɨnunka ui axɨna nichakisɨrɨkɨ autaku, tyopiki sane iñatai tyakɨru ui nisɨtɨpɨ nityakisɨrɨkɨ nikɨtɨpɨxti Cristo, tyopiki axɨbama ikokoromati.

1 Juan 1:3

Suburapoi ausukarɨ, axɨna sumastai axɨnaintyo somonkoi, nauki axaño apiyoberabakaño suichepe, takana axɨsomɨ subaka chepeti Tupax, naki Uyaɨ, chepetityo Jesucristo naki Aɨtoxti.

1 Juan 3:24

Axɨbama ikokotama yakɨpukuxti po'osoma kɨtɨpɨti, po'sotityo kɨtɨpɨma. Ui axɨna atusi oemo ta po'osoti okɨtɨpɨ: uiti Espíritu Santo, axti naki toxioti oemo uiti.

1 Juan 4:17

Axtɨ ñemanauntu kuasɨrɨma oemo axɨbama usarukityaiki, axtɨ osɨborikiaityo takana nisɨborikixhti Cristo tɨkañe iku axɨna kɨx, champɨ ñɨnanache uixhu axtɨ tɨkuatati tato Jesús ñana asaraiti ɨmo namanaiña.

Apocalipsis 21:14

Axɨmanu naxipox axɨmanio poka abe doce kanka nityɨmox, kauta ane korobo yokɨtɨpɨ nɨrixhimia axɨmanuma doce amonkoma isiu axɨmanu Nobixhax.