San Juan 13:29 - Manityanati Tupax

²⁹ Tyopiki axti Judas tyonenti iñaɨbutati nimonixhimia, aboma axɨbama kuatɨ au ñakionkoxɨma bakɨpuruti Jesús ɨmoti apacheti axɨna nixhantɨmoma ɨmo axɨmanu pukɨnunkux Paxkua, o acheti monixh ɨmo axɨbama taruku nityakisɨrɨkɨxɨma.

Manitanati Tuparrü

²⁹ Ñaquioncorrüma bacüpuruti Jesús ümoti Judas na acomporati utuburibomainqui ümo pierrta, o nauqui acheti monirri ümo bama pobrerrü, itopiqui arrti Judas tonenti naqui ane uiti manu pusanese auche ahübu nimonirrimia.

San Juan 13:29 교차 참조

San Juan 13:1

Kɨmenu nuxia axɨmanu pukɨnunkux Paxkua, tapɨti Jesús tɨtusiu ɨmoti tɨsaimia axɨmanu mapakɨmunkutux ɨmoti aiñokoti axɨna kɨx nauki aɨrotitɨ tato esati Yaɨtoti. Taikiana taruku nikuasɨrɨkɨxɨma ɨmoti axɨbama aboma iku axɨna kɨx, sane nikuasɨrɨkɨxɨma ɨmoti ichepe nityakɨrux.

San Juan 13:28

Champɨti axɨpekukimia axɨmanuma amonkoma akamanu basoma tusiu ɨmoti kausane sane nuraxti Jesús ɨmoti.

Gálatas 2:10

Kunauntañantai namatɨ suiñemo tapɨ takɨrusu supakionko iyo axɨbama taruku nityakisɨrɨkɨxɨma, tyone axɨna taikiana isamune nuxia tyakuma.

Efesios 4:28

Axti naki kusɨpɨx tɨkañe, kaɨma tari iñokonati nikusɨpɨkɨxti yapacherati yachɨkoboiboti axɨna uxia, oboi ne'estiatoe nauki ane toxiobo uiti ɨmo axɨbama taruku nityakisɨrɨkɨxɨma.