Hechos 9:25 - Manityanati Tupax

²⁵ tapɨ axɨmanuma ikokoromati Jesús iñanamati au taman nokonox sɨrɨmanax nauki aiñanamati tyɨrɨpo au tobixh onɨki naxipox axɨmanio poka.

Manitanati Tuparrü

²⁵ Pero arrübama icocoromati Jesús iñanamati au taman noconorrü sürümanarrü. Sürotitü acü au tobirri cütüpüqui narripo manu pueblurrü. Sane nauquiche besüburuti.

Hechos 9:25 교차 참조

San Mateo 15:37

Namanaiña basoma iñatai nuxia ɨmoma, ubatosoityo uimia siete nokonoka obi niyochepesɨtuka axɨba iñokotama.

Hechos 11:29

Auki axɨmanuma ikokoromati Jesús auki Antioquía, chepe ñakionkoxɨma nauki ayurama ɨmo axɨmanuma makiataka ikokoromati Jesús po'osoma au Judea, isiu axɨna ane uimia.

Hechos 9:24

tapɨti ipiatenti. Naneneka tobikia asaramatɨ yutaku tyuruka au axɨmanu naxipox ityupeku axɨmanio poka, nauki aityabairomati,

Hechos 9:26

Naukiche iñataiti Saulo au Jerusalén, xhanxtipɨ oberabarama uiti axɨmanuma ikokoromati Jesús. Tapɨ axɨma bixhubuma ñɨnanati, tyopiki chikokotapɨma axtɨ ikokoroti Jesús.

2 Corintios 11:33

Ta amonkoma axɨmanuma uiche aikiaɨburumañɨ tyɨrɨpo onɨki naxipox axɨmanio poka, sane añekanañɨ mekukimia.