Hechos 8:39 - Manityanati Tupax

³⁹ Naukiche tɨsɨromatɨ tato tyairityu eanaki tux, axti Felipe sɨrotitɨ uiti Espíritu Santo, tapɨti maniki yɨriabux chasaratipɨ tato. Auki sɨrotitityo aɨbu nipukɨnunkuxti.

Manitanati Tuparrü

³⁹ Nauquiche cauma tato taiyiritu, arrti Espíritu Santo iquianatiti Felipe. Arrti maniqui ñoñünrrü champürrtü asariquiarütitiqui. Auqui sürotitito, niyücürrti au nicürrti aübu tarucu nipucünuncurrti isiu manu cutubiurrü.

Hechos 8:39 교차 참조

San Mateo 13:44

“Axɨna nɨriakax au napes tyone takana noñenaxi taruku nikuax anekana osoi au ñanaunx, tamanti ñoñɨnx tabɨko uiti axɨmanu taruku nikuax, anekana tatityo uiti akamanu. Taruku nipukɨnunkuxti, sɨrotitɨ aipiabentekati nanaiña nenaxixhti, ityobo kaɨma iyebo uiti axɨmanu ñanaunx.

San Mateo 3:16

Naukiche tɨchauki nɨrikixhti Jesús sɨrotitɨ tato tyairityu eanaki tux, aurɨbo napes auki asaratitɨ ɨmoti Espíritu auki napes kuatɨ onɨti takana nututakixh.

San Marcos 1:10

Isiukai naukiche tɨkuatati tato tyairityu eanaki tux, astaiti Jesús aurɨbo napes axti Espíritu Santo kuatati onɨti takana nututakimia.

Hechos 13:52

Tapɨ axɨmanuma ikokoromati Jesús, taruku nipukɨnunkuxɨma, ityopiki anati Espíritu Santo au nausasɨxɨma.

Hechos 16:34

Auki sɨrotitɨ aɨbuma au nipoxti nauki a'ama, akamanu ichepe nanaiña axɨbama aɨtoxti taruku nipukɨnunkuxɨma ityopiki ikokoromati Tupax.

Hechos 8:29

Nanti Espíritu ɨmoti Felipe: “Akosi esa axɨmanu kareton akosi chepe name.”

Hechos 8:38

Auki bakɨpuruti atochenaka axɨmanu kareton. Atobɨma akɨ'ɨ sɨromatɨ eana tux, auki ɨrioti uiti Felipe.

Hechos 8:8

Sane naukiche namanaiña au axɨmanu tube taruku nipukɨnunkuxɨma.

Romanos 5:2

Ityopikiti Jesucristo uɨkatɨ tato saimia esati Tupax ui numakokonaunku, nauki upukɨnu ui nukuasɨrɨkɨ ɨmoti, sane chuɨkapɨtɨ isiu kiatax mapanaunkux, sane upukɨnunka tyopiki iyebo ñana osoi esati Tupax.

Filipenses 3:3

Tyopiki axɨbama ñemanauntu circuncidaboma ta axoñɨ, axɨbama ui noñemaxti Espíritu Santo uiñanaunkati Tupax tarukuityo nupukɨnunku tyopiki usaka chepeti Jesucristo. Choñonkapɨtɨ ñome axɨba ausɨratai ikuki axɨna kɨx.

Filipenses 4:4

¡Taikiana aupukɨnu nausɨboriki aɨbuti Cristo! Tɨsukanañɨ aume, ta sukanañɨ tatityo: ¡Taikiana aupukɨnu nausɨboriki aɨbuti Cristo!

Santiago 4:16

Tapɨ axaño, axtɨ apanityaka au napakionko champɨti kiatax ipiakati amopɨnanaki. Axti naki sane nisɨborikixhti tyone axɨna chuxiampɨ.