Hechos 8:20 - Manityanati Tupax

²⁰ Auki aiñumuti Peru nuraxti: –¡Tari ui axɨmanu namoni aɨkatɨ ɨmo natakisɨrɨkɨ, ityopiki axianka aye obi ityobo monixh axɨna niñakumanataxti Tupax!

Manitanati Tuparrü

²⁰ Auqui nanti Pedro ümoti: —Tari aensora aübu nanaiña namoni, itopiqui churriampü arrüna napensaca. Champürrtü nauqui macomporario ñacumanatarti Tuparrü.

Hechos 8:20 교차 참조

San Mateo 10:8

Tari uxiankama tato aboi axɨbama maunxokonoma, apisɨmoniankasama tato axɨbama tɨkoiñoma, apisɨbu kɨtɨpɨkimia noxokox axɨbama leprosos apipenesomaintyo machoboreka. Axaño toxiatai aume axɨna niriakax, tapɨ apakaɨbuka monixh ityobo.

San Mateo 15:19

Tyopiki auki nausasɨxti ñoñɨnx kuantio axɨba chomixhampɨ ñakionkoxti, batabaikixh, axɨbama posoma champɨ ñanaunkuxɨma ɨmomantoe, kusɨpɨkɨx, mapankax axɨbaityo napunku ɨmoti kiatax.

Hechos 1:18

Naukiche toxioti Jesús uiti, yebotitɨ akomporati kɨx ityobo axɨmanu monixh toxio uimia ɨmoti ityobo axɨmanu nomɨnantɨ isamutenti. Auki taɨbɨkoti akɨ ui nityanuxti, paxioti nuxia.

Hechos 10:45

Tapɨ axɨmanuma ikokoromati Jesús, axɨpekuki axɨmanuma judíos axɨbama iñataimia ichepeti Peru, kɨtobɨsoma, ui axɨna toxiotityo Espíritu Santo ɨmo axɨbama chɨtɨpɨ judíos.

Hechos 11:17

Axtɨ sane, axti Tupax toxioityo uiti ɨmoma takana axɨna toxio uiti oemo axɨbama uikokokati Yɨriabux Jesucristo, ¿isane niyaka nauki chikokotapɨ yakɨpukuxti Tupax?

Hechos 2:38

Aiñumuti Peru nuraxɨma: –Apankisio pɨnanakiti Tupax, aixhimiakati nomɨnantɨ aboi, apikokosio yakɨpukuxti, cheboityo aboi nauki soboi abɨrikia au nɨrixhti Jesucristo. Sane ixhimiakatati nomɨnantɨ aboi, auki toxio noñemaxti Espíritu Santo.

Hechos 8:19

nanti ɨmoma: –Aityoximiaintyo iñemo axɨmanu noñemaxti Tupax, nauki axtɨ iñata niñee ityati taman tari yasuriuratityo Espíritu Santo.

Hechos 8:22

Aiñoko axɨmanu chuxiampɨ nakionko, anki pɨnanakiti Tupax, axtɨ pukɨrusuti atakukɨ xhimiakana uiti aemo ityopiki axɨmanu sane nakionko.

1 Timoteo 6:9

Tapɨ axɨbama xhanxɨma ane tarukapae nenaxixhimia tapenekoma au nimetoxti chobores. Ane makokotox ɨmoma aisamunema axɨba chomixhampɨ ɨmo makiataka, sane mameso nanaiña nisɨborikixhimia.

Santiago 5:3

Axɨmanu naumoni kiamana aboi au axɨba naneneka kiemo ñana, uixh ñana autusikia autakɨruka uixh ñana takana ui pes.

Apocalipsis 18:15

Axɨmanuma mapabentekanama axɨmanio sane iyebo uimia ane taruku nenaxixhimia auki Babilonia, sɨsioma ñana icheatai ui nixhukuxɨma, ñɨnana nityakisɨrɨkɨxɨma, aɨbu nareoxɨma ui nisuchekixhimia,