Hechos 8:17 - Manityanati Tupax

¹⁷ Auki axti Peru ichepeti Kuan iñatama ne'esɨma onɨma, sane yasuriurumati Espíritu Santo.

Manitanati Tuparrü

¹⁷ Auqui arrti Pedro y arrti Juan iñatama neherrüma itama. Sane nauquiche cuati Espíritu Santo au nausasürrüma.

Hechos 8:17 교차 참조

San Marcos 5:23

nanti ɨmoti, asamuti nuxia: –Tɨ saimiampae aiñokonoñɨ nichakiumuku. Ariaku aiñasio ne'e kɨtɨpɨ, nauki uxia tato ɨmo.

Hechos 13:3

Naukiche chauki axɨmanu neankaxɨma, iñatama ne'esɨma ityama. Auki bakɨpuruma tato ɨmoma.

Hechos 19:6

Naukiche iñatati Pablo ne'esti ityama, isiuityo kuatati Espíritu Santo kɨtɨpɨma, auki manityanama pikiataka manityakaka ui npñemaxti Tupax.

Hechos 2:4

Sane naukiche sɨsio kɨtɨpɨma noñemaxti Espíritu Santo, auki manityanama pikiataka manityakaka, axɨna nanti Espíritu Santo ɨmoma.

Hechos 6:6

Auki sɨromatɨ aɨbuma esa axɨmanuma amonkoma isiuti Jesús, axɨma iñatama ne'esɨma ityama, axɨma kaɨma mankioma pɨnanakiti Tupax tyakuma.

Hechos 8:18

Axti Simón, astaiti kuatati Espíritu Santo naukiche axɨmanuma nesaxti apóstol Jesús iñatama ne'esɨma ityama, xhanxti acheti monixh ɨmoma axɨmanuma amonkoma isiuti Jesús,

Hechos 9:17

Sɨrotitɨ Ananías au axɨmanu pox kauta anankati Saulo. Naukiche sɨrotitɨpo iñatati ne'esti ityati, nanti ɨmoti: –Saruki Saulo, axti Yɨriabux Jesús, tyonenti maniki ityusiankanatiyɨ asukarɨkɨ isiu kutubiux naukiche ayekatɨ tauna, ikɨpurutiñɨ nauki sobi uxia tato nasata, nauki aɨroityo akɨtɨpɨkɨ noñemaxti Espíritu Santo.

Romanos 1:11

Taruku nixhanka yasaraño, sane ityoximia aume noñemaxti Espíritu Santo, nauki aruku nuxia aume.

1 Timoteo 4:14

Anuneka aɨbu naipiaka axɨna toxio aemo uiti Tupax, naukiche axɨmanuma mayɨriabuka axɨpekukimia axɨbama ikokoromati Jesús iñatama ne'esɨma onɨ natanu. Axti Espíritu Santo manityanati aɨbuma sane naukiche aisamunema.

1 Timoteo 5:22

Tapɨ aikɨsabukɨ aikunusɨankanati naki baserebiobo ɨmoti Tupax asasai nuxia, tyopiki axtɨ axti maniki ñoñɨnx isamutenti axɨna chuxiampɨ axɨkɨtyo ane naipɨnate chepeti. Tapɨ chebo obi aisamune axɨna chuxiampɨ.

2 Timoteo 1:6

Sane naukiche sukanañɨ aemo aiñonximia axɨmanu pes ñakumanataxti Tupax aemo naukiche iñata niñee onɨ natanu.

Hebreos 6:2

axɨba manunekatax kɨtɨpɨ axtɨ osɨrikia, axtɨ kuatati Espíritu Santo okɨtɨpɨ, axtɨ uikokota ta sɨborikoma tato axɨbama tɨkoiñoma, anentyo ñana tyakɨrux nanenes ɨmo namanaiña.