Hechos 7:36 - Manityanati Tupax

³⁶ Uiti Moisés tɨkañe akaɨbuma auki Egipto axɨbama Uyaɨtaiki, naukiche omixhante uiti axɨba champɨ tubastai au axɨmanu kɨx, au axɨmanu narubaityu tux kɨturiki, au axɨmanu kauta champɨ sɨborikixh ñome kuarenta naskɨbeka nakaxti chepema.

Manitanati Tuparrü

³⁶ Y arrti Moisés masamunuti milagrorrü au manu cürrü. Uiti tücañe taesüburuma bama israelitarrü auqui Egipto (aübu yayuracarrti Tuparrü). Masamunutito milagorrü abeu manu narubaitu turrü nürirri “Cüturiqui” y eana rroense ñome cuarenta añoca.

Hechos 7:36 교차 참조

San Juan 4:48

Aiñumuti Jesús nuraxti: –Axaño chapikokotapɨ, axtɨ chamastaipɨ axɨba champɨ tamastai.

Hechos 13:18

Axti Tupax asaratitɨ tyakuma ñome cuarenta naskɨbeka kauta axɨmanu champɨ sɨborikixh,

Hechos 7:42

Sane naukiche axti Tupax onkonoma uiti nauki anauma ñome nostoñeka auki napes. Tyopiki sane korobo ui axɨbama profetas: ‘Axaño axɨbama auki Israel, ¿au axɨmanio cuarenta naskɨbeka naukiche amonkaño kauta champɨ sɨborikixh chapakumanakapɨ iñemo numukianka nauki apanau iñemo?

Hebreos 3:8

tapɨ chiyasutiupɨ nabausasɨ takana axɨmanuma chixhanxɨpɨma akokonauma ɨmoti Tupax ta iñatama ñakokotoxɨma ɨmoti naukiche amonkoma kauta champɨti sɨborikixh.

Hebreos 3:9

Akamanu iñatama ñakokotoxɨma iñemo axɨbama aubaɨtaiki tɨkañe, champɨ nɨmoche uimia axɨmanio isamute sukarɨma au axɨmanio cuarenta naskɨbeka.

Hebreos 8:9

Axɨna tratox chisiupɨ takana axɨmanu isamute tɨkañe aɨbuma yaɨtoxɨma, naukiche ipiasukama nauki ikiaɨburuma auki Egipto. Axɨma chikokotapɨma nisura, sane naukiche iñokokama, nanti Yɨriabux.